မော်ကွန်းသစ်

နိုင်ဝင်းလိုပဲ လေကြီးတာလား

2012-01-31T23:59:00.000-08:00

“ဦးဇင်းတို့ရွာက ကန်စွန်းဥတစ်ဥကို လူဆယ်ယောက်လောက် ၀ုိုင်းစားတာတောင် ကုန်ဘူးဆို”

အဲဒီစကားကို တစ်ဖတ်ရွာ ဒကာမတစ်ယောက်က စကားကြုံတာနဲ့ မေးလိုက်တာပါ။ ချက်ချင်းဆိုတော့ ကြောင်သွားတယ်။ ဘာပြန်ဖြေရမှန်းမသိဘူး။ ကိုယ့်စိတ်ထဲမှာလည်း ကန်စွန်းဥတစ်ဥကို လူဆယ်ယောက်လောက် ၀ိုင်းစားတာတောင် မကုန်နိုင်တာမျိုး ရွာမှာ တစ်ခါမှ မကြုံဖူး။ မကြားဖူးပါဘူးပေါ့။

ဒါနဲ့ အဲဒီ့စကား ဘယ်သူပြောတာလဲ မေးလိုက်တယ်။

ပြောပြတာက ကိုနိုင်ဝင်းတဲ့။ သူတို့ရွာမှာ လာတုန်းက ပြောသွားတာတဲ့။

အဲဒီ့စကား ကိုနိုင်ဝင်းပြောတယ်ဆိုကတည်းက သဘောပေါက်သွားပါတယ်။ သူ့ရာဇ၀င်ကို မသိလို့ သူပြောတဲ့စကား ထင်ယောင်ထင်မှား ယုံမိတာနေမှာပါ။

ကိုနိုင်ဝင်း ဘုန်းကြီးကျောင်းသားဘ၀တုန်းကရယ်။ ဆရာတော်ဘုရားရယ်၊ ကျောင်းသားတွေရယ်၊ အတူတူ ချမ်းလို့ မီးလှုံနေတဲ့ အချိန်မှာ ကိုနိုင်ဝင်းက ပြောတယ်။

ညက မြွေကြီးတစ်ကောင်တွေ့ပါတယ်တဲ့။ တော်တော်ကြီးပါသတဲ့။ တွေ့ပြီးသမျှ မြွေတွေထဲမှာ အဲဒီမြွေမှီတဲ့ မြွေဟာ မြွေမစစ်လို့ပဲ ဖြစ်မယ်တဲ့။ (လုပ်ပုံ၊ လုပ်ပုံ)

ဒါနဲ့ ကျန်တဲ့ ကျောင်းသားတွေက တအံ့တသြ မေးကြတာပေါ့။

“နိုင်ဝင်း မြွေက ဘယ်လောက်ကြီးတယ်”

အိုင်တင် မသိမသာလေးပေးပြီး နိုင်ဝင်းပြန်ဖြေတယ်။

“ကျောင်းတောင်ဘက်က မကြီးအိုပင်ကြီးလောက် ကြီးတယ်”

သူပြောတဲ့ မကြီးအိုပင်ကြီးရဲ့ လုံးပတ်က ကလေးငါးယောက်လောက် လက်ချင်းချိတ် ၀ိုင်းပတ်တာတောင် မှီချင်ချင်ရယ်။ သူ့မြွေ ကြီးကြောင်း အဲဒီ့မကြီးအိုပင်ကြီးကို ပမာပြု ပြောလိုက်တယ်။

ဒီတော့ ဘေးနားမှာ ရှိနေတဲ့ ဆရာတော်ပါ လန့်သွားတယ်။ သူ့ကျောင်းမှာ မကြီးအိုပင်ကြီးလောက်ရှိတဲ့ မြွေကြီး တကယ်ရှိနေလားဆိုတဲ့ သံသယလေးနဲ့ နိုင်ဝင်းကို သေချာမေးလိုက်ပြန်တယ်။

ဆရာတော်က “ဟုတ်ပါ့မလား နိုင်ဝင်းရာ။ မင်းတွေ့တဲ့ မြွေက မကြီးအိုပင်ကြီးလောက် ကြီးတယ်ဆိုတာ”

နိုင်ဝင်းကို ဆရာတော်က ရုတ်ချည်း ၀င်မေးလိုက်တာရယ်ကြောင့် သူနဲနဲ လန့်ကြောင် ကြောင်သွားတယ်။

ဒီတော့မှ

“ထန်းပင်လောက်တော့ရှိပါတယ်ဘုရား”

“ဟေ…ထန်းပင်လောက် ကြီးပြန်ပလား နိုင်ဝင်း” ဆိုပြီး ထပ်မေးလိုက်တော့

“ထွန်တုံးလောက်တော့ရှိပါတယ်ဘုရား”

“ဘာကွ…မင်းမြွေ ထွန်းတုံးလောက် ကြီးပြန်ပလား”ဆိုတော့

“၀ါးလုံးလောက်တော့ ရှိပါတယ်ဘုရား”

“ လာပြန်ပြီးလား ၀ါးလုံးလောက်”

“ခြေရာကြီးတွေ့ပါတယ်ဘုရား”

“ ဘာ…ခြေရာဖြစ်သွားပြန်ပလား”

“အသံတော့ ကြားလိုက်တာပဲဘုရား”

ဒီတော့မှ ဆရာတော်လည်း နိုင်ဝင်းလေကြီးတာမှန်း၊ သေချာသိသွားတယ်။ ကလေးဆိုတော့ နဲနဲ ခြောက်သလိုလိုပုံစံမျိုးနဲ့ ဆရာတော်က မေးလိုက်တာပါ။ မမေးလို့လည်းရဘူးလေ။ သူ့မြွေကြီးက မကြီးအိုပင်ကြီးလောက်ရှိနေတာကိုး။ လန့်ချင်စရာ။

စစ်မေးလေး မေးလိုက်ကာမှ မကြီးအိုပင်ကြီးလောက်ရှိတဲ့ မြွေက၊ မြွေရုပ်ပါ ပျောက်ပြီး အသံပဲ ကြားလိုက်တော့တယ် ဖြစ်သွားရတာပါ။

လူဆယ်ယောက်လောက် ၀ိုင်းစားတာတောင် မကုန်နိုင်တဲ့ ကန်စွန်းဥ ရွာမှာရှိကြောင်း လေကြီးခံလိုက်ရတဲ့ ဒကာမကို နိုင်ဝင်းဆိုတာ ဒီလိုရာဇ၀င်နဲ့လာတာပါလို့ ရှင်းပြလိုက်မှ သူနာဂစ်အမွှေခံလိုက်ရမှန်း သဘောပေါက်သွားရှာတယ်။ ဒကာမကြီးကို သူ့နာမည်အပြည့်စုံသိလားလို့ မေးလိုက်တော့ သိပါဘူးတဲ့။ ဒါနဲ့ မိမိက

“မသိရင်မှတ်ထားဒကာမ။ သူ့နာမည် အပြည့်စုံ လေအိုးနိုင်ဝင်း”

ဘာပဲပြောပြော ရာဇ၀င် မသိရင်၊ လေကြီးမှန်းတောင် သိလိုက်မှာဟုတ်ဘူးရယ်။ ဖေ့ဘွတ်မှာ စာတွေ အငမ်းမရ လိုက်ရှာဖတ်နေတုန်း၊ ကိုနိုင်ဝင်းအကြောင်း သတိရသွားတာပါ။

မော်ကွန်းသစ်

တရားဟောနေသည်

2012-01-11T23:49:00.000-08:00

ဘုန်းကြီး။ ။ ဟိုတစ်နေ့ကအလှူမှာ၊ စားပွဲခင်း ဆယ်ခုလိုတာ ဘယ်သူကြောင့်ရသလဲ။

ပရိသတ်။ ။ အရှင်ဘုရားကြာင့်ပါဘုရား။

ဘုန်းကြီး။ ။ အေး...အဲဒါ...အကင်း။ နောက်...ထွန်းသိန်းသမီး၊ လင်နောက်လိုက်တာ ဘယ်သူ့ကြောင့်သိလဲ။

ပရိသတ်။ ။ အရှင်ဘုရားကြောင့်ပါဘုရား။

ဘုန်းကြီး။ ။ မင်းတို့မကျွေးချင်ကြတဲ့၊ ခွေးလေ၊ ခွေးလွင့်တွေ၊ မငတ်အောင်၊ ဒိုင်ခံကျွေးထားနိုင်တာ ဘယ်သူ့ကြောင့်လဲ။

ပရိသတ်။ ။ အရှင်ဘုရားကြောင့်ပါဘုရား။

ဘုန်းကြီး။ ။ အေး မြင်တတ်ဖို့လိုတယ်။ ဒါနဲ့ တို့ရွာကြီး မတိုးတတ်တာ၊ မဖွင့်ဖြိုးနိုင်တာ၊ အသိဥာဏ်မရှိကြတာ ဘယ်သူ့ကြောင့်လဲ။

ပရိသတ်။ ။ အရှင်ဘုရား...

ဘုန်းကြီး။ ။ ဘာ..........။

ပရိသတ်။ ။ ဘာဖြစ်ဖြစ် အရှင်ဘုရားပဲ၊ လုပ်ပေးပါဘုရား။

မော်ကွန်းသစ်

မိန်းကလေးတွေ ဘာကြောင့်လှနေကြပြီး၊ ဘာကြောင့် ညံ့

2012-01-06T23:16:00.000-08:00

ယောက်ျား။ ။ နင်တို့ မိန်းကလေးတွေဟာ၊ ဘာကြောင့် လှနေကြပြီး၊ ဘာကြောင့် ညံ့နေကြတာလဲ။

မိန်းမ။ ။ လှတာက ရှင်တို့ ယောက်ျားတွေက ချစ်ဖို့။ ညံ့တာက ရှင်တို့ ယောက်ျားတွေကို ပြန်ချစ်ဖို့။

ဧဝံ မေ သုတံ

မော်ကွန်းသစ်

ကလေးအငိုတိတ်အောင်

2012-01-02T23:51:00.000-08:00

ဖတ်စာ (၁)

အဲဒီပါးစပ်ကြီးနဲ့ပဲ၊

လေယာဉ်တစ်စင်းလို၊

လူ့ဝေဟင်မှာ၊ ပျံဝဲနေတာ

ကြာပေါ့။

သက္ကရာဇ်မျဉ်းများသာ၊

အိုရော်သွားတယ်…။

ဘယ်သူ့ကိုမှလည်း၊

အဖြစ်ရှိအောင်၊ သယ်မသွားနိုင်ကြဘူး…။

ဖတ်စာ (၂)

လေကိုမမြင်နိုင်ပါ၊

လေတိုက်သည်ဟူ၍၊

သူ၏ သွားလာ၊လှုပ်ရှားမှုများကို၊ ကြည့်ပြီး သိနိုင်ပါသည်။

စနစ်တကျ၊ လေကို၊ အသုံးချတတ်သူများအဖို့၊

အမိနိုင်ငံတော်တွင်ရှိသော မျိုးဆက်သစ်အနာဂတ်လူငယ်များ၏၊

ပူစီဖောင်းများကို၊ ကြိုးစားလိုက်မှုတ်ပေးသင့်ပါသည်။

မော်ကွန်းသစ်

3.1.2012

happy new year!!!

2011-12-31T08:26:00.000-08:00

သေကောင်ပေါင်းလဲအဖြစ်တွေထဲ
အချိန်မီ…
ပြန်လည်… ကျန်းမာသွားကြဖို့ပဲ
ငါ…မျှော်လင့်တယ်….။ (2011)
*************************

အံဝင်ခွင်ကျ၊ ထွင်လုံးတွေကြားမှာ၊
အချိန်မှန်မှန်အိပ်ပါ…အချိန်မှန်မှန်စားပါ၊
ဖတ်ပါ…ရွတ်ပါ….ကျင့်ပါ….စီစစ်ပါ...။

နာမကျန်းဖြစ်စေခဲ့တဲ့
ကိုယ်စီအာပတ်တွေကို၊
အပြီးတိုင် သန့်စင်ပစ်လိုက်ဖို့ထိ၊
တို့တွေ…သဘောပေါက်ကြရအောင်လား…။ (2012)
**************************************

ထူးလောက်ပါဘူးကွာ….
စောင့်ကြည့်ရအုံးမှာပဲ....။ (2013)
*************************

မော်ကွန်းသစ်
31.12.2011

မက်လုံး

2011-12-25T23:24:00.000-08:00

ငါးတွေကို
လူတွေကမျှားသလို
လူတွေကို ငါးသဖွယ်
ပြန်မျှားနေတဲ့ အရာထဲမှာ သူပါတယ်....။
ကိုယ်က သူ့နောက်ကို လိုက်တာရှိမယ်…။
ကိုယ်လိုက်ချင်အောင် သူအထာပေးလိုက်တာလည်းရှိမယ်...။

ငါးစာကတော့ ပေါချင်မှ ပေါလိမ့်မပေါ့
လူစာကတော့ ပေါပြန်တယ်။

ဂုဏ်လား၊
ရာထူးလား၊
ငွေကြေးလား၊
ပစ္စည်းဥစ္စာလား၊
နေတိုးလေးလား၊
ဝတ်မှုန်ရွှေရည်လေးလား၊
ကလင်တန်လား၊
ယင်လပ်လား၊
ဘန်ကီမွန်းလား၊

လောဘပါးစပ်ကြီးရှိမှတော့
မြင်မြင်သမျှကို
ကိုယ်က မနှင်တတ်ရင်
အားလုံးဟာ လူစာတွေပဲပေါ့….။

ဂွကျတယ်...
ဂွအကျဆုံးအရာတွေထဲမှာ
မချစ်သော်လည်း အောင့်ကာနမ်းကြီးက
ပိုပြီးတော့
ဂွအကျဆုံးပဲ...။

မလွှဲသာဘူးဆိုတာကပဲ
ကျုပ်တို့အတွက်
ထွက်ပေါက်တစ်ခု ဖြစ်နေပြန်တော့
လွှဲသာတော့ပြန်ပါဘူးလေ…။

ကိုယ့်ကလေး အငိုတိတ်ဖို့အတွက်ဆို
ကိုယ့်နို့ရည်နဲ့ကိုယ်
ရိုးရိုးသားသားချော့တာကပဲ
ကောင်းပါတယ်…။

သူများကို
ခင်ဗျား မျှားသလို
သူများကလည်း
ခင်ဗျားကို မျှားသွားခဲ့ပြီဆိုတာ
သိပါရဲ့လား….။

ခုလောက်ဆို…
ငါးရသွားတဲ့
ငရဲမင်းတစ်ယောက်
ငါးခူပြုံးလေးတောင် ပြုံးနေရော့မယ်…။

မော်ကွန်းသစ်
26/12.2011

နာမယ်

2011-12-24T18:27:00.000-08:00

လူတစ်ယောက်က သူ့ရဲ့ ရှေ့သွားလေးတစ်ချောင်း နာနေတာနဲ့ သွားဆရာဝန်ဆီမှာ ပြကြည့်တယ်။

ဆရာဝန်က စစ်ဆေးကြည့်လိုက်တဲ့အခါမှာ သွားကို နှုတ်မှဖြစ်မယ်ဆိုတဲ့အကြောင်း လူနာကို ပြောပြလိုက်တယ်။

လူနာက ဆရာဝန်ကို မေးတယ်

“နှုတ်ရင် ဘယ်လောက်ကုန်ကျမလဲဆရာ”

“တစ်ချောင်းတည်းဆိုရင် သုံးသောင်းပါ…အဲ…နှစ်ချောင်းနှုတ်မယ်ဆိုရင်တော့ ကျွန်တော်တို့ လေးသောင်းခွဲပဲယူပါတယ်…များလို့ လျှော့ပေးတဲ့ သဘောပါ”

“ဒါဆို ကျုပ်နှစ်ချောင်းနှုတ်မယ်ဗျာ…လေးသောင်းခွဲပဲယူတဲ့…”

သဘောပေါက်ကြရဲ့လား မသိဘူး။ မကောင်းတဲ့သွားက တစ်ချောင်းတည်းရယ်။ နှစ်ချောင်းနှုတ်ရင်

ဈေးချိုတယ်ဆိုတော့၊ ကောင်းနေတဲ့ သွားပါ နှုတ်ချင်သွားတယ်….။

ဈေးချိုတိုင်း လိုက်လုပ်နေရင်လည်း ကိုယ်ပဲ နာမှာပါပဲလေ။ အခုနေ ဖြစ်ချင်တာတစ်ခု ပြောပါဆိုရင် မယောင်ရာ ဆီမလူးမိကြအောင်၊ ထိန်းကျောင်းပေးသူတွေ များများစားစား ရှိစေချင်တယ်။

မော်ကွန်းသစ်

ကြားလိုက်အောင် နားစိုက်ထောင်စေချင်

2011-12-16T06:38:00.000-08:00

သတိပေးစာတဲ့…ဟုတ်တယ်။ သူတို့ ပြောသလိုဆုိုရင် သတိပေးစာပေါ့။ မဆီမဆိုင် လာဂလိုင်ခေါက်နေတာကို တနည်း ပြောင်းဖူးအူတိုင်နဲ့ ပစ်ပေါက်နေတာကို သူတို့ဆိုတဲ့ သူတို့တွေက မမေ့မလျော့ မပေါ့ဆစေကြောင်းပါဆိုပြီး မေးလ်၊ ဖေ့ဘွတ်မက်ဆေ့၊ ဖုန်း၊ ဖုန်းမက်ဆေ့ စသည်စသည်တို့ကနေ အချက်ပြတယ်။

ဒါသူတို့ရဲ့ စေတနာဆိုတာ ကျုပ်က တ၀ကြီး လက်ခံပါတယ်။ သို့သော်လည်း အဲသလိုမျိုး ပြောင်းဖူးအူတိုင် ကိစ္စတွေကို အကြောင်းအထောက်အထား မခိုင်လုံဘဲနဲ့ ဥပမာ ပြောင်းဖူးအူတိုင်သမားတွေက ဘယ်သူဘယ်ဝှါပါလို့ မဖြစ်စလောက်မျှ သတ္တိရှိပြတာကို မတွေ့ခဲ့ပါမူ မည်သည့် ကွန်ရက်နဲ့မှ မဆက်သွယ်စေလိုပါ။ တို့ဦးဇင်းကလည်း စေတနာကို ဝေဒနာထင်တယ်နော်လို့လည်း အပြောမစောနဲ့အုံး။ တော်ရုံတန်ရုံ အသေးဖွဲလေးတွေလောက်နဲ့ အချိန်မကုန်စေချင်လို့ပါ။ ကျူပ်ကအားတာဟုတ်ဘူးဗျ။ (လေချွန်နေတယ်)

မိန်းမနဲ့ ရဟန်းဆိုတာ မကင်းစကောင်းပါဘူးဗျာ။ ရဟန်းစည်း၊ ရဟန်းဘောင်ထဲကဆိုရင်ပေါ့။ ဆွမ်းလေးမငတ်ရုံ၊ မစို့မပို့ အသိလေး ဝေမျှရုံလောက်တော့ သာသနာမှာ အနည်းနဲ့အများ ပေါင်းသင်းဆက်ဆံရတာပဲဟုတ်ဘူးလား။
ကြက်ပျံမကျ စည်းစနစ်မကျမှုတွေရဲ့ကြားမှာ ပေးထားတဲ့အပ်၊ ပျောက်ရကောင်းလားဆိုပြီး အမှုလာလုပ်ရင်တော့ ကျုပ်က ရွံလွန်းလို့ မချိတင်ကဲပဲ ထိုးထိုးအန်ချင်တယ်။ (မြေစာပင်ဖြစ်ရတဲ့ အန်ပက်ကိုတော့ နှမြောမိပြန်သေး)
နည်းစပ်ရာ ပတ်ဝန်းကျင်အရပဲ ပြောကြပါစို့၊ ကာမမီးတွေ ညီးညီးထနေတဲ့ သူတွေကြားမှာ ရဟန်းဝတ်ထားသူတွေကို ရေတွက်ကြည့်ရင် ဂဏန်းသင်္ချာအရ အတော်ကွာလွန်းတာ သိကြမှာပါ။
အဲဒီစက်ကွင်းတွေကြားမှာ အနည်းစုဘက်ကနေ၊ ရပ်တည်နေရတဲ့ ရဟန်းတွေအနေနဲ့ ကာမမိုး၊ ကိလေသာမိုးတွေ မစိုအောင် မနည်းရှောင်နေရပါတယ်။ (ရဟန်းမ၀တ်လည်း ကိလေသာတွေနည်းနိုင်သမျှ နည်းအောင် ကြိုစားအားထုတ်သူတွေလည်း ရှိကြပါတယ်)

ကိစ္စလေးရှိလို့ ကျောင်းတိုက်ကနေ အပြင်ထွက်လိုက်တာနဲ့ မထင်မပေါ်၊ မကျော်မဇော ဟန်ပြမယ်လေးတွေကို မမြင်ချင်လည်း တွေ့မြင်နေရတာပါပဲ။ ကိုယ်က ၀တ္ထုငွေမတတ်နိုင်လို့ လိုရာခရီးကို လိုင်းကားစီးသွားအုံးမလား၊ တွေ့တာပဲ။ အငှါးကားစီးခဲ့ရင်လည်း လမ်းသွားလမ်းလာ အများဆုံးလုပ်နေတာက လူတွေဆိုတော့ သူတို့ ဖန်တီးထားသမျှ အရာတွေကို တွေ့ရမှာပဲပေါ့။
ဘယ်တတ်နိုင်မလဲ။ ဒီထက်ပိုလွန်ပြီး လူသူကင်းဆိတ်ရာ အရပ်ကိုမှ ကိုယ်ကမသွားနိုင်သေးတာ။

တွေ့မြင်နေတဲ့ အာရုံပေါ်မှာ တဏှာမပွါးမိအောင် ဘာဝနာလေး အဖော်ခေါ်ထားရုံပေါ့။ ဒီထက်ပိုပြီးလည်း တတ်နိုင်ဘူးလေ။

တချို့ ဘုန်းကြီးကျောင်းကို တမင်သက်သက် ကိစ္စရှိလို့ လာတာတောင်မှ လမ်းသလားတဲ့ အ၀တ်စားက ၀တ်လာကြသေးတာပဲ။ ဘုန်းကြီးကျောင်းမပြောပါနဲ့လား၊ ဘုရားပေါ်တောင် ဒီလိုဝတ်လာကြလို့ တားမြစ်စာတမ်းတွေ အောင့်အောင့်အီးအီး ကပ်ထားရသေးတာပဲလေ။
တခါက သားအမိနှစ်ယောက် ကျောင်းကို လာတော့ မဖွယ်မရာဝတ်စုံ(တချို့အဆိုအရ) သားအမိနှစ်ယောက်လုံး ၀တ်လာကြတယ်။ ဒါနဲ့ ဆရာတော်က ဘုန်းကြီးကြောင်းလာတာ အဲဒီလို ၀တ်လာရကောင်းလားဆိုပြီး အမြင်ကပ်ကပ်နဲ့ဒီလိုပြောလိုက်တယ်။

“ဒကာမကြီးရော၊ ဒကာမလေးရော ပြောရအုံးမယ်။ ကျုပ်တို့ကျောင်းက သီလရှင်ကျောင်းဟုတ်ဘူးဗျ၊ ဘုန်းကြီးကျောင်း။ ပြီးတော့ စာသင်တိုက်၊ သံဃာတွေ အများကြီးမွေးထားတယ်။ အကုန်လုံး ကတုံးနဲ့ ယောင်္ကျားစစ်စစ်တွေချည်းပဲ။ မဖွယ်မရာ ၀တ်လာလို့ တစ်ခုခုဖြစ်လို့ကတော့ ကျုပ်က အာမခံဘူးနော်။ နောက်ကို ဆင်ခြင်စေချင်ပါတယ်”…တဲ့။

ပြောချင်တာက ဖန်တီးချင်တဲ့သူတွေက နေရာမရှောင် ဒရောသောပါး၊ ရက်ရက်ရောရောကို ဖန်တီးနေတာဗျ။ အများစုရဲ့ကြားက ကိစ္စတွေကို အနည်းစုဘက်ကသူတွေက မဖြစ်သင့်တာ မဖြစ်ရအောင် အားတင်းကာကွယ်ထားရတယ်ဆိုတာပါပဲ။ ပေယျာလတွေ မဖော်ထုတ်မိအောင် ကြိုးစားနေကြရတာပါ။

အပြင်လောကမှာတင် ဒီကာမမီးတွေက ထွန်းညှိတောက်ပနေတာဟုတ်ပါဘူးဗျာ။ ကျန်တဲ့ အင်တာနက်စတဲ့နေရာတွေမှာလည်း ရှာဖွေနေသူတွေအတွက်တော့ ပေါမှပေါ့။

ဒီကာမမိုးတွေ ဒီလောက်နေရာအနှံ့ပြားလိုက်ရွာနေမှတော့ ဒီခေတ်ဒီခါကြီးကို ဘယ်သူခံနိုင်မတဲ့တုန်း။ အစလေးဖော်ပေးလိုက်ရင်တော့ အစအဖော်ခံရသူက တော်ရုံတန်ရုံစိတ်ထားနဲ့ဆို ခံနိုင်ရည်ရှိပါ့မလားဗျာ။

တနေ့ကတောင် ကွန်ပျူတာရီကာဗာလေး လက်ယားလုပ်မိတာနဲ့ နည်းပညာဆိုဒ်တွေမှာ မသိတာလေး လိုက်ရှာရပြန်တယ်။ နည်းပညာတွေ ဖြန့်ဝေပေးနေတဲ့ ကိုညီနေမင်း ဆိုဒ်ကိုလည်း ရောက်ရော သူလည်း ကိုယ့်လို အဖြစ်သနစ်နဲ့ ကြုံနေရတယ်ဆိုတာ တွေ့ရပြန်တာပါပဲ။ မဟုတ်မဟတ်တွေ လာလာရေးလို့ စီဘောက်ို ဖြုတ်ထားတယ်ဆိုတဲ့အကြောင်း၊ သူ့နာမည်နဲ့ တခြားဆိုဒ်တွေမှာ မဟုတ်တာတွေ လျှောက်ရေးနေကြောင်း ကိုညီနေမင်းရေးထားတဲ့ ပိုစ်လေးကြောင့် သိခဲ့ရတာပါ။

အခုကျုပ်ကိုချစ်တယ်လို့ ထင်ရတဲ့ ဒကာ၊ ဒကာမတွေက မျက်နှာပူပူနဲ့ သတိပေးနေကြတာကို ကျေးဇူးအထူးတင်ပါတယ်။ သူ့ဟာသူ လိင်ဆိုဒ်တွေမှာ မော်ကွန်းသစ်နာမည်နဲ့ပဲ ရေးရေး၊ ခေမိန္ဒနဲ့ပဲရေးရေး ကြိုက်တာနဲ့ရေးပါစေပါ့။ ဓာတ်ပုံလည်း ယူသုံးပါစေ။ ကျုပ်က စွန့်ကျဲတာ ၀ါသနာပါပါတယ်။ မရိုသေ့စကား တစ်နေ့ကို အိမ်သာ သုံးခါ တက်တာသာကြည့်။

စောစောကပြောသလို ပြောင်းဖူးအူတိုင်သမားက တော်ရုံတန်ရုံမျှ သတ္တိရှိမပြပါဘဲနဲ့ ဘယ်ကွန်ရက်ကမျှ အချက်မပြစေချင်ပါဘူး။

ကျုပ် တကယ်မကောင်းမှုလုပ်ခဲ့ရင် ကျုပ်မှာ ကောင်းမြတ်လှတဲ့ ရဟန်းအသိုင်းအ၀ိုင်း၊ ရဟန်းပတ်ဝန်းကျင်ရှိတယ်။ ရဟန်းဘ၀အနေနဲ့ လုပ်ခွင့်မရှိတာတွေ၊ ကျုပ်လုပ်ခဲ့ရင်၊ ၀ိနည်းလမ်းကြောင်းအတိုင်း ကျုပ်ကို သူတို့ လုပ်သင့်တာ လုပ်ပေးပါလိမ့်။ ရဟန်းကောင်းတွေက မကောင်းတာလုပ်တဲ့ ကျုပ်ကို၊ သူတို့နဲ့ အတူတကွ သံဃာ့ကိစ္စတွေမှာ လက်တွဲမပါဝင်ဖို့ တားမြစ်ပါလိမ့်မယ်။

ခေတ်ရဲ့ တာဝန်ကို ရတဲ့နေရာက စွမ်းနိုင်သလောက် ကျုပ်ထမ်းကြည့်မယ်။ ဒါကိုဟားတိုက်ကာ ရယ်ရင်လည်း ဟားတိုက်တာကပဲ သူတို့အတွက် အဖတ်တင်မပေါ့။

မနာလိုတာလား၊ ၀န်တိုတာလား၊ ကျုပ်ကို မြင့်တယ်ထင်လို့၊ ဆွဲချတာပဲလား၊ နှိမ့်နေလို့ပဲ စိုက်စရာမရှိတဲ့ သူတို့လှံကို လာစိုက်တာလား။ ဘာပဲဖြစ်ဖြစ်ပေါ့လေ။ ကျုပ်က စိတ်ဆိုးပါဘူး( ဘယ်သူမှန်းမသိပါဘဲနဲ့)

သူသာ ကျုပ်ထက်ခပ်စောစောလေး လူ့အသက်ထွက်ခဲ့မယ်ဆိုရင်ပေါ့နော်။ ကျုပ်က အမေ့ကြေးစည်လေးနဲ့ တူဝေေ၀လုပ်ကာ ပါးစပ်ထဲ ကူးတို့က တစ်မက်ထည့်ပြီး၊ အမျှတောင် ဝေလိုက်ချင်ပါသေး။

ဒါနဲ့ မိတ်ဆွေတို့ ကျုပ်က အားတာဟုတ်ဘူးနော်။ ( ပဲကြီးလှော် ထိုင်ဝါးနေတာ)

မော်ကွန်းသစ်
၁၆.၁၂.၂၀၁၁

လင်ယောက်ျားအရောင်းဆိုင်

2011-12-05T19:24:00.001-08:00

နယူးယောက်မြို့က မြို့လယ်ခေါင်ရဲ့ လမ်းတစ်လမ်းမှာ လင်ယောက်ျားတွေ ရောင်းတဲ့ ဆိုင်တစ်ဆိုင်ဖွင့်ထား တယ်။ အမျိုးသမီးများအနေနဲ့ အဲဒီဆိုင်ထဲကို ဝင်သွားပြီးတော့ ကိုယ့်စိတ်ကြိုက် လင်ယောက်ျားကို ရွေးပြီးဝယ်နိုင်တယ်။ အဲဒီ ဆိုင်မှာ အထပ်ခြောက်ထပ်ရှိပါတယ်။ ဝင်ပေါက်မှာ လမ်းညွှန်ဆိုင်ဘုတ်တစ်ခု ဒီလို ရေးထားပါတယ်။

သင်ဟာ ဆိုင်ထဲကို တစ်ကြိမ်ပဲ ဝင်ခွင့်ရှိပါတယ်။

အထပ်ခြောက်ထပ်ရှိပါတယ်။ အထပ်မြင့်သွားလေလေ ရောင်းကုန်ယောက်ျားတွေရဲ့ အရည်သွေးဟာ ပိုမြင့်လေလေဖြစ်သွားမှာပါ။

အထပ်တစ်ထပ်က ယောက်ျားကို သင်ကြိုက်ခဲ့မယ်ဆိုရင် ယူလိုက်နိုင်ပါတယ်။ မကြိုက်သေးရင်တော့ နောက်ထပ်တစ်ထပ်တက်ပြီး ထပ်ရွေးချယ်ပိုင်ခွင့်ရှိပါတယ်။ ဒါပေမယ့် အထက်ထပ်ကို တက်ပြီးရင်တော့ အောက်ထပ်က ယောက်ျားကို ပြန်ပြီးတော့ ရွေးချယ်ခွင့်မရှိတော့ပါဘူး။

ဆိုင်ထဲကနေ အပြီးထွက်သွားမယ်ဆိုမှ အောက်ကို ပြန်ဆင်းခွင့် ရှိပါတယ်။

ဒါနဲ့ အမျိုးသမီးတစ်ယောက် ဆိုင်ထဲကို ဝင်လာပါတယ်။ သူ့အတွက် သင့်တော်တဲ့ စိတ်ကြိုက် ယောက်ျားကို ဝယ်ယူဖို့အတွက်ပါ။

ပထမအထပ်မှာ ရေးထားတဲ့ ဆိုင်းဘုတ်တစ်ခုကို သူတွေ့လိုက်တယ်။ ဖတ်ကြည့်လိုက်တဲ့အခါ

အလုပ်အကိုင်ရှိ၍၊ ဘာသာရေး ကိုင်းရှိုင်းသော ယောက်ျားများ။

ဒါပေမယ့် အဲဒီအမျိုးသမီးက မကျေနပ်နိုင်သေးပါဘူး။ အပေါ်ထပ်မှာ ဒီထက်တော်တဲ့ ယောက်ျားတွေ ရှိသေးတယ်ဆိုပြီး ဒုတိယထပ်ကို တက်သွားပါတယ်။ ဒုတိယအထပ်မှာ ရေးထားတာက

အလုပ်အကိုင်ရှိ၊ ဘာသာရေးကိုင်းရှိုင်းသည့်အပြင် ကလေးပါချစ်တတ်သော အမျိုးသားများ။

အမျိုးသမီးက မကျေနပ်နိုင်သေးပါဘူး။ နောက်အထပ်မှာ ဒီထက်ပိုတော်တဲ့ ယောက်ျားတွေ ရှိသေးတယ်ဆိုပြီး ထပ်တက်သွားပြန်ပါတယ်။ တတိယအထပ်မှာ ရေးထားတာက

အလုပ်အကိုင်ရှိ၊ ဘာသာရေးကိုင်းရှိုင်း၊ ကလေးချစ်တတ်သည့်အပြင် ရုပ်ရည်ချောမော သန့်ပြန့်သော အမျိုးသားများ။

အပေါ်ထပ်တက်ရင် ရှိသေးတယ်ဆိုတော့ ဒါလည်း အဲဒီအမျိုးသမီးက မကျေနပ်နိုင်သေးပါဘူး။ ထပ်တက်ပြန်ပါတယ်။ စတုတ္ထထပ်မှာ ရေးထားတာက

အလုပ်အကိုင်ရှိ၊ ဘာသာရေးကိုင်းရှိုင်း၊ ကလေးချစ်တတ်၊ ရုပ်ရည်ချောမော သန့်ပြန့်သည့်အပြင် အိမ်မှုကိစ္စအဝဝပါ ကူလုပ်တတ်သော အမျိုးသားများ။

ပဉ္စမထပ်မှာ စတုတ္ထထပ်ထက် ပိုတဲ့ အမျိုးသားများ ရနိုင်သေးတာရယ်ကြောင့် ပဉ္စမထပ်ကို ထပ်တက်လိုက်ပြန်ပါတယ်။ အဲဒီအထပ်မှာ ရေးထားတာက

အလုပ်အကိုင်ရှိ၊ ဘာသာရေးကိုင်းရှိုင်း၊ ကလေးချစ်တတ်၊ ရုပ်ရည်ချောမော သန့်ပြန့်၊ အိမ်မှုကိစ္စအဝဝပါ ကူလုပ်တတ်သည့်အပြင် အင်မတန်ချစ်တတ်ကြင်နာတတ်သော အမျိုးသားများ။

အတော်ဟုတ်သလောက်ရှိနေပေမယ့် အပေါ်ထပ်မှာ ရှိနိုင်သေးတာရယ်ကြောင့် ဆဋ္ဌမအထပ်ကို တက်လှမ်းပြန်ပါတယ်။ ဆဋ္ဌမအထပ်မှာ ရေးထားတာက

သင်ဟာ ဒီအထပ်ကို ရောက်လာတဲ့ လေးသိန်းငါးသောင်းရှစ်ထောင်ခုနှစ်ရာငါးဆယ့်ခုနှစ်ယောက်မြောက် ဖြစ်ပါတယ်။ ဒီအလွှာမှာ ဘာအမျိုးသားမှ မရှိပါဘူး။ မရောင့်ရဲနိုင်တဲ့ အမျိုးသမီးတွေ အတွက် အထီးကျန်မှုတွေပဲ ရှိပါတယ်။ လင်ယောက်ျား အရောင်းဆိုင်ကို လာတဲ့အတွက် ကျေးဇူးတင်ပါတယ်။

(အမျိုးသားတွေလည်း ဒီအတိုင်းပဲနေမှာပါ)

လူမှုရေး၊ စီးပွါးရေး နိုင်ငံရေးစသဖြင့် ဘယ်အရာမှာမဆို မရောင့်ရဲနိုင်ခဲ့ရင် အထီးကျန်မှုတွေ ဆက်လက်ရှိနေအုံးမှာပါ။

ဧဝံ မေ သုတံ

မော်ကွန်းသစ်

အထာက ဂလို

2011-11-22T22:59:00.000-08:00

(၁)

ငါးပိသိပ် ငါးချဉ်သိပ်ဘဝနဲ့ လူကိုမှ

လင်ခန်း၊ မယားခန်း လာလာဖွဲ့ချင်ကြတာ

ခပ်နွမ်းနွမ်းပဲ အံ့အားသင့်ချင်စမ်းတော့….။

(၂)

လောကကိုမျှားတဲ့ သင့်မျှားချိတ်မှာ

ဘာအမယ်တွေနဲ့ မိတ်ဖွဲ့ထားပါသလဲ၊

သင့်ရဲ့ ကိုယ်သင်းရနံ့လား၊

နီကျင်ကျင် လက်ဖက်ရည်လား၊

ရှုးပေါက်သည်အထိ အနံ့လိုက်ပေးသော ကော်ဖီတွေလား၊

တတ်ယောင်ဂါး သီအိုရီလား၊

ဟိုမရောက်၊ ဒီမရောက်ဝါဒလား၊

အလုပ်သဘောဆန်တဲ့ ဖော်ရွေမှုလား၊

မဆီမဆိုင် ခလောက်တပ်ထားသော ခွေးအလှတွေလား၊

လန့်စရာ လက်မှတ်တချို့လား၊

ဓားပြမှတ်ပုံတင်ထားသော သမိုင်းလား၊

အပေါ်ယံသာ ဝတ်ဆင်ထားသော လူတချို့လား၊

အိမ်ရှေ့က ပြီးပြီးရော ထမ်းသည်တချို့လား၊

အဆင်းမှာ ဘီးတပ်၊ ဖရီးရိုက် စီးချင်သူတချို့လား၊

ဟောရုံထက်မပိုသော ဓမ္မဆရာတချို့လား....။

(၃)

မျှားသူကိုယ်တိုင်က

ဗြဟ္မစိုလေး လူးလူးကြည့်ရင်

မျှားချိတ်က အလကားအမယ်တွေဟာ

တကယ်တော့ အလကားပါပဲ။

(၄)

သင်ဟာ

မိဘကိုရိုသေရတာ

ကျင့်ဝတ်တစ်ခုအဖြစ် သက်မှတ်ထားပါရင်

သစ်ပင်ရေလောင်းရတာ

ဝတ္တရားဆန်ဆန် အသားကျနေခဲ့ပါရင်...

မကျေနပ်လင့်ကစား ရန်သူကို

သင့်အစွယ် မမြင်နိုင်လောက်တဲ့အထိ

ယဉ်ကျေးမှုအရ

ပြုံးပြလိုက်ပါ။

(၅)

ဘဝဆိုတာ

အခွင့်အရေးပင်တွေ ခပ်ကျဲကျဲ စိုက်ထားတဲ့ ယာတစ်ခင်းပဲ။

ကိုယ်ကြိုက်တာ ကိုယ်လုပ်နိုင်တယ်

ကိုယ်မကြိုက်တာလည်း သူလုပ်သွားနိုင်တာပဲ

ဘာပဲဖြစ်ဖြစ် ဘဝက

တန်ပြန်ဝါဒနဲ့လည်း

ယိုင်ပတ်ထားသေးတယ်။

မော်ကွန်းသစ်

၂၃.၁၁.၁၁

ဘာကြောင့်လေးလံနေကြရသလဲ

2011-11-11T03:18:00.000-08:00

အပို Hard Dick တစ်လုံး လိုအပ်တာနဲ့ လွန်ခဲ့တဲ့ ခြောက်လလောက်က ၀ယ်ဖြစ်ခဲ့တယ်။ သူ့ရဲ့ သိုလှောင်စွမ်းအားက ဂစ်ငါးရာပါ။ များများ သိုလှောင်ထားနိုင်တယ်။ အခု အဲဒီ Hard Dick က ပြည့်တော့မယ် ဆိုတဲ့အကြောင်းကို ကွန်ပျူုတာမှာ အနီသင်္ကေတနဲ့ ပြပါတယ်။

ဂစ်ငါးရာတောင် ပြည့်တော့မယ်ဆိုတော့ ငါဘာတွေများထည့်မိပါလိမ့်လို့ စဉ်းစားမိတယ်။ ပြန်စစ်ကြည့်ပါတယ်။ ဒေတာ(data)တွေကို တစ်ဖိုင်ချင်းစီ လိုက်စီစစ်လိုက်တော့ အရေးမကြီးတာတွေ အတော်များနေတာ တွေ့ရတယ်။ အရေးမကြီးတာဆိုတာ မရှိမဖြစ် လိုအပ်တာမှတပါး အခြားအခြားသော အရာကိုပြောတာပါ။ ဖျက်လိုက်ရင်လည်း ဘာမှအရေးမဟုတ်တဲ့အရာတွေပါ။

မိတ်ဆွေတစ်ယောက်ဆီမှာ အလည်ရောက်တော့ သူ့ဆီမှာ ဘုန်းဘုန်းဦးဆေကိန္ဒရဲ့ တရားစီဒီအခွေ တော်တော်များများ တွေ့ခဲ့ရတယ်။ ဒါနဲ့ ခဏငှါးလိုက်ဖို့ ပြောတယ်။ ဟက်ဒစ်ထဲကို ထည့်ပြီးရင် ပြန်ပေးပါမယ်လို့ပြောပြီး ယူလာခဲ့တယ်။ ကွန်ပျူတာမှတဆင့် အိပ်စတာနယ် ဟက်ဒစ်ထဲကို ထည့်သိမ်းကြည့်ပါတယ်။ သင့်ရဲ့ ဟက်ဒစ်သိုလှောင်စွမ်းအား မရှိတော့တဲ့အကြောင့်း နောက်ထပ်အသစ် ထပ်သိမ်းချင်သေးတယ်ဆိုရင် အထဲက ဒေတာတွေကို လိုအပ်သလောက် ဖျက်ပြီးမှသာ ဆက်လက်သိမ်းနိုင်ကြောင့် ၀င်းဒိုးဘောက်ကလေးတစ်ခုနဲ့ သတိပေးပါတယ်။ အရေးမကြီးတာတွေက နေရာယူထားတာ များနေတော့ အရေးကြီးတာတွေ နေရာမရတော့တာ တွေ့ရတယ်။

လူ့ဘဝမှာရော။ လူတစ်ယောက်ဟာ အရာအားလုံးကို လက်ခံနိုင်စွမ်းအား၊ သိမ်းဆည်းနိုင်စွမ်းအား ရှိပါရဲ့လား။ မလိုအပ်တာတွေကိုရော၊ လိုအပ်တာတွေကိုပါ ကိုယ့်ရဲ့ မန်မိုရီထဲမှာ အကုန် နေရာပေးနိုင်မှု စွမ်းအားရှိကြရဲ့လား။

ဘဝကို ဘယ်သူမှ ပေါ့ပါးခြင်းနဲ့ စတင်လာကြရတာ မဟုတ်ပါဘူး။ လေးလံခြင်းနဲ့သာ စတင်လာရတယ်။ အသက်ကြီးလာလေလေ၊ ကိုယ်ကပို၍အနေအထိုင်မတတ်လေလေ၊ ပို၍ပို၍ လေးလံလာလေလေ။ အဲဒီလေးလံလာတာတွေကို ဘာနဲ့ ပေါ့ပါးအောင်လုပ်ယူကြရသလဲ။ ဆည်းပူးလေ့လာထားတဲ့ ဘဝအသိပညာတွေကို လက်တွေ့အသုံးချခြင်းဖြင့် ပြန်လည်ပေါ့ပါးအောင် လုပ်ယူရပါတယ်။ ဒါမှသာ ဘဝဖြစ်ကျိုးနပ်လာတယ်။

လေးလံလွန်းလှတဲ့ အလိုကြီးမှု၊ ပေါက်ကွဲမှု၊ အလိုကြီးမှန်း၊ ပေါက်ကွဲမှန်းတောင် မသိလိုက်မှု၊ မနာလို၊ ဝန်တိုမှု၊ အာရုံတွေပေါ်မှာ ကောင်းသောစိတ်နှလုံး မထားလိုက်နိုင်မူ စသဖြင့် ဘဝကို ပေါ့ပေါ့ပါးပါးမဖြစ်စေနိုင်တဲ့ ဒေတာ(data)ကြီးတွေနဲ့သာ ကိုယ့်ဘဝမီမိုရီထဲ(memory)မှာ ပြည့်နေမယ်ဆိုရင် အဲဒီသူဟာ လူဖြစ်ရုံကလေးနဲ့ပဲ ဘဝကို လေးလေးလံလံ ရပ်တည်နေရတော့မှာပါ။

သည်းခံခွင့်လွှတ်ခြင်းဖြင့် အဲဒီလေးလံမှုတွေလျှော့ချရမယ်။ စာနာသနားခြင်းဖြင့်လည်း လျှော့ချရမယ်။ ကိုယ့်ထက်သာတယ်ထင်ရတဲ့ သူရဲ့အပေါ်မှာလည်း ဝမ်းမြောက်တဲ့စိတ်နဲ့ လျှော့ချနိုင်ရပါမယ်။ ချစ်စိတ်၊ မုန်းစိတ် အလွန်အကျွံ မဖြစ်စေဘဲနဲ့လည်း လျှော့ချနိုင်ရပါမယ်။ ဒါမှသာ တကယ့်လူအဖြစ်နဲ့ ဘဝကို မှတ်ကျောက်ထူနိုင်တော့မှာပါ။

တနေ့မှာ ဒဿနိကဗေဒ ပါမောက္ခကြီးတစ်ယောက်ဟာ သူ့ရဲ့ တပည့်တွေကို သင်ခန်းစာ အသစ်တစ်ခုသင်ပေးပါတယ်။ သူ့ရဲ့ စာသင်စားပွဲပေါ်မှာ ဆီးဖြူသီးသာသာ ကျောက်စရစ်ခဲအကြီး၊ ပြီးတော့ ခပ်သေးသေး ကျောက်စရစ်ခဲ၊ နောက်ပြီး သဲတွေကို သီးခြားစီ ပုံထားလိုက်ပါတယ်။ နောက်ဖန်ရေတကောင်း အလွတ်တစ်ခုကိုလည်း တင်ထားပါတယ်။ ကျောင်းသားတွေကလည်း သူတို့ရဲ့ ပါမောက္ခ ဘာရည်ရွယ်ချက်နဲ့ ဒါတွေကို တင်ထားသလဲဆိုတာ စိတ်ဝင်တစား သိလိုဇောနဲ့ စောင့်ကြည့်နေကြတယ်။

ပါမောက္ခကြီးဟာ အဲဒီ ပုံထားတဲ့ အရာတွေထဲက ကျောက်စရစ်ခဲအကြီးအစားတွေကို အရင်ဆုံး ဖန်ရေတကောင်း အလွတ်ထဲမှာ ထည့်လိုက်တယ်။ ပြီးတော့ သူ့ရဲ့ ကျောင်းသားတွေကို ပြည့်ပြီးလားလို့ မေးလိုက်တယ်။ ကျောင်းသားတွေက ပြည့်ပါပြီဆရာလို့ ပြန်ဖြေကြတယ်။

ဒါနဲ့ ပါမောက္ခကြီးက ကျောက်စရစ်ခဲအကြီးတွေနဲ့ ပြည့်နေတဲ့ ဖန်ရေတကောင်းထဲကို ကျောက်စရစ်ခဲမွှမွှအသေးစားလေးတွေကို ထပ်ထည့်လိုက်ပြန်တယ်။ ပြီးတော့ လှုပ်ခါလိုက်တယ်။ လှုပ်ခါလိုက်တဲ့အခါမှာ ကျောက်စရစ်ခဲမွှမွှအသေးစားလေးတွေဟာ အကြီးစားကျောက်စရစ်ခဲတွေရဲ့ တစ်လုံးနဲ့ တစ်လုံးကြားမှာ ဝင်နေရာယူတယ်။ ပြီးတော့ ကျောင်းသားတွေကို ပြည့်ပြီလားလို့မေးပြန်တယ်။ ပြည့်ပါပြီဆိုတဲ့အကြောင်း ကျောင်းသားတွေက တညီတညွတ်တည်းဖြေကြပြန်တယ်။

အဲဒီ အကြီးစား၊ အသေးစားကျောက်စရစ်ခဲတွေနဲ့ ပြည့်နေတဲ့ ဖန်ရေတကောင်းထဲကိုပဲ သဲတွေလောင်းထည့်လိုက်ပြန်တယ်။ လှုပ်ရမ်းလိုက်တဲ့အခါ ကျောက်စရစ် အသေးစားလေးတွေရဲ့ကြားမှာ သူ့ထက်သေးငယ်တဲ့ သဲတွေဟာ နေရာလွတ်မှန်သမျှ ဝင်နေရာယူပြန်တယ်။ ရှေးနည်းအတူ ကျောင်းသားတွေကို ပြည့်ပြီလားလို့ မေးပြန်တယ်။ ပြည့်ပါပြီလို့ ကျောင်းသားတွေက ပြန်ဖြေကြပြန်တယ်။

ပြီးတော့ ဆရာက ဖန်ရေတကောင်းထဲမှာ ထည့်ထားတဲ့ ကျောက်စရစ်ခဲအကြီးစား၊ နောက်သူ့ထက်သေးငယ်တဲ့ ကျောက်စရစ်ခဲ မွှမွှ၊ ပြီးတော့ သဲတွေကို ပြန်ပြီး သွန်ချလိုက်ပါတယ်။

နောက်တစ်ခါ ဖန်ရေတကောင်းထဲကို သဲတွေ အရင်စထည့်လိုက်တယ်။ ပြီးတော့ ကျောက်စရစ်ခဲအသေးလေးတွေ ထပ်ထည့်တယ်။ ပြီးတော့ ကျောက်စရစ်ခဲအကြီးစားတွေ ထည့်လိုက်တဲ့အခါမှာ အသေးတွေရဲ့ကြားမှာ နေရာယူစရာမရှိတော့အတွက် အကုန်အပြည့် မထည့်နိုင်တော့ပါဘူး။

အဲဒီအခါကျမှ ပါမောက္ခကြီးက ကျောင်းသားတွေကို ဒီလို ရှင်းပြပါတယ်။ ကျောက်စရစ်ခဲအကြီးတွေဟာ ကိုယ့်ဘဝမှာ အရေးထားရမယ့် ကိစ္စတွေနဲ့ အလားသဏ္ဍာန်တူပါတယ်။ ကိုယ့်မိသားစု၊ ကိုယ့်ကျန်းမာရေး၊ ကိုယ့်အိမ်ထောင်ဖက်၊ ကိုယ့်သား၊သမီး စသဖြင့် တခြားဟာတွေ ဆုံးရှုံးသွားရင်တောင်မှ အဆုံးအရှုံး မခံနိုင်တဲ့ အရာတွေနဲ့ တူပါတယ်။

ကျောက်စရစ်ခဲ မွှမွှသေးသေးလေးတွေဟာ ကိုယ့်အလုပ်အကိုင်၊ ကိုယ့်အိမ်၊ ကိုယ့်ယာစတာတွေနဲ့ တူပါတယ်။

သဲတွေကတော့ တခြား အရေးမကြီးတဲ့ တခြားအသေးမွှား ကိစ္စလေးတွေနဲ့အလားတူပါတယ်။

ဘဝမှာ အရေးကြီးတဲ့အရာတွေကို ဦးစားပေးမလုပ်ဘဲနဲ့ သဲတွေလို အသေးအမွှားကိစ္စလေးတွေသာ ရှေ့တန်းတင်ခဲ့မယ်၊ ဦးစားပေးလုပ်ခဲ့မယ်ဆိုရင် ကိုယ့်စွမ်းအားတွေဟာ အသေးအဖွဲကိစ္စလေးတွေနဲ့ပဲ အချိန်ကုန်သွားပါလိမ့်မယ်။ အရေးကြီးတဲ့ ကိစ္စတွေအတွက် အသုံးချစရာ အချိန်၊ စွမ်းအား မကျန်တော့ပါဘူး။

ဘဝမှာ အရေးကြီးတဲ့ ကိစ္စတွေကိုသာ ဦးစားပေး လုပ်ဆောင်သွားမယ်ဆိုရင် မဆုံးရှုံးသင့်တဲ့ အခွင့်ရေးတွေ မဆုံးရှုံးတော့ပါဘူး။ လေးလံနေတဲ့ ဘဝကို လွတ်လပ်ပေါ့ပါးစွာနဲ့ပဲ ဖြတ်သန်းနိုင်တော့မှာ အသေအချာပါပဲ။

မော်ကွန်းသစ်

လူအမျိုးမျိုး

2011-09-09T03:43:00.000-07:00

မိုးသုံးမျိုး

မိုးတိမ်တွေအထပ်ထပ်တက်လာတယ်...လျှပ်စီးတွေ လက်တယ်....ခြိမ်းလည်းခြိမ်းတယ်....ဒါပေမယ့် မရွာဘူး....

မိုးတိမ်တွေအထပ်ထပ်တက်လာတယ်...လျှပ်စီးတွေ လက်တယ်....ခြိမ်းလည်းခြိမ်းတယ်....ရွာတော့ရွာတယ်...ကွက်ကြား

မိုးတိမ်တွေအထပ်ထပ်တက်လာတယ်...လျှပ်စီးတွေ လက်တယ်....ခြိမ်းလည်းခြိမ်းတယ်....မြေကြီးရှိသမျှ အကုန်ရွာတယ်

မိုးနှင့်တူသော လူသုံးမျိုး....

အပြောကတော့ ရွှေမန်း...လုံးလုံးကို မကဘူး....

အပြောကတော့ ရွှေမန်း....ကတော့ ချိုမိုင်မိုင်....

အပြောကတော့ရွှေမန်း...ကတော့လည်း ရွှေမန်းစစ်စစ်ပဲ....

ပစ္စည်းပစ္စယတွေကို ကုသိုလ်နဲ့လဲတာ....ဒါန

ခေါင်း၊ခါးခြေလက်တွေကို ကုသိုလ်နဲ့လဲတာ...သီလ

အသိဥာဏ်တွေကို အသုံးချကာ ကုသိုလ်နဲ့လဲတာ...ဘာဝနာ

မော်ကွန်းသစ်

ကိုယ်တိုင်ဖြေဆိုရန်...

2011-08-23T22:53:00.000-07:00

သင့်အတွက် သစ္စာပြုရန်

ကောင်းမှုတွေ မည်မျှရှိနေပြီလဲ...

လမ်းပြရှင် အစစ်ရဲ့ဝါဒကို

မည်မျှလိုက်နာခဲ့ဖူးသလဲ...

လွတ်မြောက်ခြင်း အစစ်ကို

မည်မျှတွေ့ရှိ ရှာဖွေပြီးပြီလဲ...

သာသနာစောင့်ရှောက်သူအစစ်ကို

မည်မျှကူညီပြီးပြီလဲ...

သင့်ဘဝအတွက် တီထွင်ပေးသူအစစ်

မည်မျှရှိနေပြီလဲ...။

မော်ကွန်းသစ်

24.8.2011

ထိုထိုများစွာ...

2011-08-17T21:42:00.000-07:00

(ဒီဃာ ဇာဂရတော ရတ္တီ)

အိပ်မပျော်သူရဲ့ ညဟာ ပိုရှည်တယ်….

တစ်ဘ၀စာညတွေကို အဆုံးသတ်ဖို့

ဒီတစ်ညကပဲ ရင်စီးခံလိုက်သလို

(ဒီဃ သန္တဿ ယောဇနံ)

ခရီးပန်းနေသူအတွက် တစ်ယူဇနာခရီးဟာ ပိုရှည်တယ်ထင်ရတယ်…

ခွေးလို၊ ၀က်လို

အသောပြေး

မောမောနေရတော့

ဒီအချိန်မှာ ခြေတစ်လှမ်းစာက ငါ့အတွက် ယူဇနာများစွာ…

(ဒီဃော ဗာလာန သံသာရော သဒ္ဓမ္မံ အဝိဇာနတံ)

သူတော်ကောင်းတရား မသိသူရဲ့ သံသရာဟာ ပိုရှည်တယ်…

ရှင်တော်အရိမေတ္တယျသာ

ကယ်ထုတ်ကာ မသွားရင်ပေါ့

ငါ့သံသရာမှာတော့လေ

သဲစုမက ဘုရားရှင်တွေ

အထပ်အထပ်ပင် ပွင့်ကြဖို့ပြင်…

မော်ကွန်းသစ်

၁၅.၈.၂၀၁၁

ဝန်ထမ်းကောင်းမှ...

2011-08-14T19:45:00.000-07:00

ရွာက ဘကြီးတစ်ယောက်ဟာ ရန်ကုန်ကို ဆေးလာကုတော့ သူ့ကို အထူးကုဆေးခန်းတစ်ခုမှာ မိမိကိုယ်တိုင် လိုက်ပို့ရတယ်။ ဆေးခန်းကိုရောက်တော့ ဆေးခန်းဝန်ထမ်းမလေးတွေက ဘကြီးရဲ့ နာမည်ကို ဆေးမှတ်တမ်း စာအုပ်ထဲမှာ မှတ်ဖို့မေးတယ်…

ဆေးခန်းက မြန်မာပြည်တွင်းက ဆေးခန်း၊ မှတ်တဲ့ဝန်ထမ်းက မြန်မာ၊ ပြမယ့် လူနာက မြန်မာ၊ ကုပေးမယ့်ဆရာဝန်ကလည်း မြန်မာပါပဲ…ဒါပေမယ့် နာမည်ကိုကျတော့ မြန်မာလို မရေးဘဲ အင်္ဂလိပ်လိုရေးတော့ တခြားလူတွေအတွက်တော့ မသိဘူးပေါ့လေ.ကိုယ့်ဘကြီးအတွက်တော့ အခက်တွေ့ပါရော။
ဆေးမှတ်တမ်း မှတ်မယ့် ၀န်ထမ်းကောင်မလေးက ဘကြီးကိုမေးတယ်..
“ဘဘရဲ့ နာမည်”
ဘကြီးကလည်း ချက်ချင်းပြန်ဖြေတယ်...
“ဦးငှက်ကျား”

နာမည်ကို အင်္ဂလိပ်လို စာလုံးပေါင်းမယ့် ဆေးခန်းက ၀န်ထမ်း ကောင်မလေး အခက်တွေ့သွားတယ်။
သူ့ကြည့်ရတာ မြန်းဂလိစ်ရ်ှကို သိပ်မပိုင်ဘူးထင်ပါတယ်.(ချက်တင် မထိုင်လို့နေမှာ)
အဲဒီမှာ သူ့ဘေးက လုပ်ဖော်ကိုင်ဖက် တစ်ယောက်ကို လှမ်းမေးတယ် ငှတ်ကို အင်္ဂလိပ်လို ဘယ်လိုပေါင်းလဲတဲ့
မေးခံရတဲ့ ၀န်ထမ်းကောင်မလေးက ချက်ချင်းပြန်ဖြေတယ်
"ဘီအိုင်အာဒီ (bird)ဘဒ် ငှက်ပေါ့ဟဲ့…ဒါလေးတောင် မသိဘူးလား"
အဲဒီလို ပြန်ပြောတော့...
“ဟဲ့ အဲဒါက တိရိစ္ဆာန်ငှက်…ဒါက လူငှက်ဟဲ့…”
မိမိလည်း သူတို့ဖြစ်ပုံကိုကြည့်ပြီး စိတ်မရှည်တာနဲ့ ၀င်ပြောလိုက်တယ်
“ဘာငှက်ပဲဖြစ်ဖြစ်၊ မြန်မြန်မှတ်လေဗျာ၊ အရေးထဲမှာ လူငှက်၊ တိရိစ္ဆာန်ငှက်ငြင်းနေသေးတယ်၊ ဘယ်လိုပဲမှတ်မှတ်၊ ဦးငှက်ကျားဖြစ်ရင် ပြီးရောမို့လား ဘဒ်တိုက်ဂါးလို့သာ မှတ်ထားလိုက်”

ဝန်ထမ်းကောင်မလေးကလည်း တင်ပါ့ဘုရား လို့ပြောပြီး ဆေးမှတ်တမ်းမှာ ရေးလိုက်တယ်…ဘဇာတစ်လုံးမှ အီးလို မသိရှာသော ဘကြီးငှက်ကျားကတော့ မျက်လုံးလေး ပေကလပ်ပေလကပ်….

နယ်ဘက်မှာ ရှေးတုန်းက အဲဒီလို တိရိစ္တာန်နာမည်တွေ မှည့်လေ့ရှိကြတယ်။ ဥပမာ...ဦးကြွက်နီ၊ ဦးခွေးညို၊ ဒေါ်ခွေးမ စသဖြင့် မှည့်ခေါ်ကြတယ်…။ အခု ဘကြီးနာမည်က ဦးငှက်ကျားတဲ့…ငှက်နဲ့ ကျားနဲ့ ပေါင်းထားတာ.. ယပင့်နဲ့ ကျားမဟုတ်ဘဲ ရရစ်နဲ့ ကြားများ ဖြစ်လေမလား စဉ်းစားကြည့်သေးတယ်. အကြောင်အကြားနဲ့ ငှက်ကြားဆိုတာတွေလည်း ရှိတယ်မို့လား…အဲဒီလို ဇဝေဇ၀ါ ဖြစ်ဖူးလို့ ဘကြီးကို သေချာပြန်မေးကြည့်တော့ ငှက်ကြား ဟုတ်ဘူးတဲ့…ယပင့်နဲ့ ကျားတဲ့ ငှက်ကျားပါပဲတဲ့၊ ငှက်နဲ့ ကျားနဲ့ကို တမင်ပေါင်းထားတာတဲ့…။ ခက်ကပြီ…ကျားကပဲ မိုးပေါ်မှာ ပျံတက်ရမလို…ငှက်ကပဲ မပျံပဲ မြေကြီးမှာ လမ်းပဲလျှောက်ရတော့မလို…ဦးကျားပျံဆိုလည်း တော်သေး။ အခုတော့ ကျားနောက် ငှက်ပါလား..ငှက်နောက် ကျားပါလား….အင်း…အဆင်ပြေသလိုသာ…ကောင်းလင့်…

မော်ကွန်းသစ်
၁၅.၈.၂၀၁၁

မှန်ကန်ရင်...

2011-08-14T04:20:00.000-07:00

“မှန်ကန်မှု” တဲ့

ကျန်တာမပြောပါနဲ့လား

ကြည့်နေကြ မှန်လေးကိုပဲ

အပြေးကန်မိပါတယ်

ကွဲတယ်…ဟုတ်တယ် မှန်ကန်ရင် ကွဲတယ်…..

မော်ကွန်းသစ်

၁၂.၈.၂၀၁၁

အကောင်းဘက်က မြင်ပါတယ်...

2011-08-12T20:31:00.000-07:00

အကောင်းဘက်ကချည်း မြင်နေရလို့

ငါ့စိတ်တွေ တဖြည်းဖြည်းလေးလံ

ခလုတ်မှန်းသိလျှက်

ကျော်လွှားဖို့ စိတ်မကူးခဲ့ဘူး

တမင်တိုက်ဖြစ်အောင်ကို တိုက်ခဲ့သေးတာ...

ငရုပ်သီးစပ်စပ်

နှစ်သက်ရင်တော့ စားသုံးနိုင်တယ်

ရေသန့်ရှိမယ်…အချိုတွေရှိတယ်

အ၀င်ကောင်းဖို့ပဲကွာ

ကြိုက်သလိုသာ လောင်းကူပေါ့

အထွက်မှာတော့ ဘာနဲ့ ချူမလဲ…စဉ်းစား….

အကောင်းမြင်သူဆိုတာ...

အမှားကို ခွင့်လွှတ်ပစ်တာဟုတ်မှန်း

သိခဲ့သင့်တာပေါ့

အခုတော့ အားလုံးမှောက်ရက်လဲပြီ။

ထပ်တူ မထွန်းညှိချင်တော့တဲ့တနေ့

အကောင်းမြင်တဲ့သူကို မကောင်းမြင်နိုင်ကြတာကိုပဲ

ငါက ကျွမ်းထိုးရယ်လိုက်ချင်သေးရဲ့…

မော်ကွန်းသစ်

မြို့ကြီးသားလေး ကျွန်တော်

2011-08-11T03:35:00.000-07:00

လွန်ခဲ့တဲ့ ဆယ့်ငါးနှစ်လောက်က မိမိတို့ နယ်ကလူတွေဟာ မြို့ပြနဲ့ သိပ်မနီးသေးပါဘူး။ မြို့သူ၊ မြို့သားဆိုရင် အထင်ကြီးတုန်းကာလ။ အထူးသဖြင့် ရန်ကုန်သား၊ မန္တလေးသားများဆိုရင် ပိုလို့ အထင်ကြီးကြတာ။ ကိုယ်ကိုတိုင်ကလည်း မြို့သားအရမ်းဖြစ်ချင်တာ၊ မြို့ကြီးသား စစ်စစ်ကြီး မဟုတ်ရင်တောင်မှ မြို့မှာ အခြေချ၊ လုပ်ကိုင်နေချင်တာ..။ မြို့မှာ နေရရင်ပြီးရော။ ဒါမှရွာပြန်လာရင် ရွာကလူတွေက သိပ်အထင်ကြီးခြင်းခံရတာ..။ ရေနွေးသောက်၊ ဒါမှမဟုတ် ထမင်းဖိတ်ကျွေးတာမျိုးလည်း ခံကြရတယ်။ အိမ်ရှင်တွေကလည်း ဂုဏ်ယူကြတယ်။ အဲဒီမှာ မြို့က အကြောင်းတွေ ဟိုဟိုဒီဒီ ပြောပြလိုက်ရင် အားလုံးက ၀မ်းသားလို့ ပြုံးလို့..။ ရန်ကုန်ရောက်ဖူးတယ်ဆိုရင်ပဲ တယ်ဟုတ်လှပြီ၊ လူရာဝင်ဖို့ရာ ရန်ကုန်ဘယ်နှစ်ခေါက် ရောက်ဖူးလဲဆိုတာက ပိုအရေးကြီးကြတာ။ အခေါက်ရေးများတဲ့သူက ဆရာကြီးပဲ။ မြို့မှ အလုပ်လုပ်နေတဲ့သူတွေဆိုရင် ပိုလို့တောင် ဆရာကြီးဖြစ်သေး။

နောက်တစ်ခုက ရွာကလူတွေ စိတ်ထဲမှာ မြို့သား ရန်ကုန်သားဆိုရင် စကားလေးကအစ ၀ဲတဲတဲလေးလို့ ယူဆကြတယ်။ (ယားနားပေါက်ချင်နေတာ မသိလို့နေမှာ) မြို့သားဆိုရင် စကားဝဲရမယ်။ တခါတရံ အချင်းချင်း မြို့သားစတိုင်လုပ်ပြီး နောက်ပြောင်ကြပြီဆိုရင် စကား ခပ်ဝဲ၀ဲလေး ပြောတာက ပိုပြီး အခရာကြလို့နေတော့တယ်.။ ဥပမာ အိမ်တစ်အိမ်ကို ၀င်လိုက်လို့ အဲဒီအိမ်မှာ မွေးထားတဲ့ ခွေးက ဟောင်တာပဲဖြစ်ဖြစ်၊ ဆွဲတာပဲဖြစ်ဖြစ် အဲဒီလို အချိန်အခါမျိုးမှာ ဟဲ့ခွေး ဟဲ့ခွေး လို့ လေးလေးနက်နက် ပြောလိုက်တယ်ဆိုရင် ဒီကောင်တောသား၊ ဟယ်ခွေး…ဟယ်ခွေးလို့ ပေါ့ပေါ့ပါးပါး ၀ဲတဲတဲလေးပြောလိုက်ရင် ဒါက မြို့းသား။

ရွာက အောင်စိုးဆိုတဲ့ သကောင့်သားတစ်ယောက်က "ယာထဲ၊တောထဲ လုပ်ရတာ သိပ်အောက်တန်းကြတယ်။ ရွာမှာမနေတော့ဘူး၊ ရန်ကုန်တက်ပြီး အလုပ်လုပ်မယ်" လို့ ကြုံးဝါးပြီးသကာလ ရန်ကုန်ကို တက်သွားတယ်။ လူကလည်း ခပ်ကြွားကြွားရယ်။

ရန်ကုန်ရောက်လို့ နှစ်ရက်အကြာမှာ လူကြုံနဲ့ ရွာကို စာတစ်စောင်ပါးတယ်။ သိပ်သတိရလို့ပါတဲ့။ အဲဒီစာထဲမှာ ရေးထားတာတစ်ခုက ရွာအခြေ ဘယ်လိုပြောင်းပြီလဲတဲ့။ မသိရင် သူကပဲ နှစ်ရှည်လများ ရန်ကုန်မှာ အနေကြာတဲ့ ပုံစံ။ ရွာကို မပြန်ဖြစ်တာ အတော်ကြာနေတဲ့ ပုံစံမျိုး။ ရွာက ထွက်သွားတာ နှစ်ရက်လောက်ကလေးနဲ့ ရွာအခြေနေ ဘယ်လိုပြောင်းပြီလဲတဲ့။ သူ့အိမ်က စပါးကျီကိုပဲ မီးနဲ့ ရှို့ပစ်လိုက်ရမယ့် အချိုးမျိုး၊ သူ့နှမလေးကိုပဲ နှစ်ရက်အတွင်းမှာ အခြေနေပြောင်းလဲသွားအောင် ထီးပြင်ကုလား အယောက်နှစ်ဆယ်လောက်နဲ့ ထည့်ပေးလိုက်ရမယ့်ပုံ။

တစ်ပတ်လောက်ကြာတော့ မြို့မှာ အဆင်မပြေဘူးထင်တယ်။ ရွာကိုပြန်ရောက်လာတယ်။ ရန်ကုန်ရောက်ဖူးတယ်ဆိုရင်ပဲ ပြီးရော ဆိုတဲ့ အချိုးမျိုးပဲလားတော့ မသိဘူး။ ထင်တဲ့အတိုင်းပဲ။ ကားပေါ်ကဆင်းတာနဲ့ ဘာမဆိုင်၊ ညာမဆိုင် သူ့ဟာသူ ထင်းဖြတ်နေတဲ့ မောင်ထွေးဆိုတဲ့ လူကို လေသံက အထက်စီးလေသံနဲ့၊ ပြီးတော့ ၀ဲတဲတဲလေး တမင်လုပ်ပြောတယ်... “ဟာ မောင်ထွေးကြီးလား။ ငါ့ညီတောင်မှ ဘာမှ သိပ်မပြောင်းလဲသေးဘူးကိုး” ပြီးတော့…

“တောသူတောင်သားတွေရဲ့ ဘဝကို ငါကိုယ်ချင်းစာမိပါတယ်ကွာ၊ သူတို့ခမျာ ပင်ပင်ပန်းပန်းလုပ်ကြရတာမို့လား ငါရန်ကုန်ကို ပြန်မတက်ဖြစ်တော့ဘူးဆိုရင် မင်းဆီကိုလာပြီး ထင်းဖြတ်နည်း ပြန်သင်ရအုံးမယ်..ကူညီပါအုံးနော် သယ်ရင်း”

ကဲ…ကြည့် မပြောဘူးလား။ တစ်ပတ်လောက် မြို့မှာနေခဲ့တဲ့သူက နှစ်ပေါင်းများစွာ လုပ်လာခဲ့တဲ့ တောသူတောင်သားများရဲ့ အခြေခံ အလုပ်လည်းဖြစ်တဲ့ ထင်းဖြတ်နည်းကို မေ့သွားလို့ ပြန်သင်ရအုံးမယ်ဆိုပဲ။

ဒါနဲ့ ညနေစောင်းတော့ ရွာထဲ ဟိုဟိုဒီဒီ လျှောက်လည်တယ်။ ပါးစပ်ကလည်း တွေ့ကရာလူ လျှောက်နှုတ်ဆက်တယ်။ ရန်ကုန်ကို ရောက်ဖူးသလား၊ မရောက်ဖူးရင် တစ်ခေါက်လောက်တော့ ရောက်ဖူးတယ်ဆိုရအောင် သွားကြည့်စေချင်တယ်ကွာ စသဖြင့် သူရန်ကုန်က ပြန်လာတယ်ဆိုတဲ့ အကြောင်းကို နည်းမျိုးစုံနဲ့ ကြွားတော့တာပါပဲ။

အဲဒီလို ရွာရိုးကိုးပေါက် လျှောက်လည်ရင်း ရွာထိပ်က ဘကြီးစိန်အောင် အိမ်ရှေ့ကို ရောက်ပါလေရော။ ဘကြီးစိန်အောင်ရဲ့ အိမ်ရှေ့မှာ နှစ်ရှည်မကြီးပင်အိုကြီးတစ်ပင် ရှိတယ်။
သူက ဘကြီးစိန်အောင်ကို မြင်တော့ စပြီးနှုတ်ဆက်လိုက်တယ်။

“ဘိုးဘိုး နေကောင်းတယ်နော်…မတွေ့တာတောင်ကြာပြီ”
ဘိုးဘိုးတဲ့ကြည့်၊ ရွာကလူတွေ အဲဒီလို ဘယ်သူမှ ခေါ်ဘူး၊ ဘကြီးလို့ပဲ ခေါ်ကြတာ။
ဒါနဲ့ ဘကြီးကလည်း

“အေး ကောင်းပါတယ် မင်းပြန်လာပြီပေါ့”
“ဟုတ်တယ် ဘိုးဘိုး၊ ပြန်လာတယ်ဆိုပါတော့…ဘိုးဘိုးကို ရန်ကုန်တစ်ခေါက်လောက် ရောက်ဖူးစေချင်တယ်
ရွာက ဘုရားထက် တန်ခိုးပိုကြီးတဲ့ ရွှေတိဂုံဘုရားကြီးဖူးရအောင်လို့ပါ”

လုပ်ချလိုက်ပြန်ပြီ၊ ပြောပုံက မြို့ဘုရားနဲ့ တောဘုရား၊ ဘုရားအချင်းချင်း ရန်တိုက်ပေးနေတဲ့လေသံ၊ ရွာကဘုရားသာ သက်ရှိဆိုရင် တောဘုရား နှိမ်ရကောင်းလားဆိုပြီး ထထုတယ်…။
ဒါနဲ့ ဘကြီးက
“အေးကွယ် ဘတို့တစ်သက်တော့ မရောက်ဖူးလောက်တော့ပါဘူး”
“ရောက်ဖူးအောင်တော့ သွားစေချင်တယ် ဘိုးဘိုးရယ်…ဒါနဲ့ နေပါအုံး ဘိုးဘိုးအိမ်ရှေ့ မကြီးပင်ကြီးက အတော်ကြီးထွားလာပါလား”

ကြည့်…လုပ်ပုံ..လုပ်ပုံ…။ သူ့ကိုယ်သူ အဲဒီမကြီးအိုပင်ကြီး စစိုက်စဉ်ကတည်းက ရန်ကုန်ကို ရောက်နေတဲ့ပုံစံမျိုး။

ဘကြီးကလည်း ဘယ်ရမလဲ အမြင်ကပ်ကပ်နဲ့ ဒီလို ပြောချလိုက်တာ…
“အေးကွယ်…မင်းရန်ကုန်ကို သွားတဲ့နေ့ကစပြီး အဲဒီမကြီးပင်ကြီးကို ငါ ရှိရှိသမျှ မြေသြဇာတွေ လှိမ့်ကျွေးပစ်တာ”

ဒီလို ရွဲ့ပြောတာတောင် မြို့ပြန် သကောင့်သားက တောဓလေ့၊ တောအထာ အကုန်အတိတ်မေ့သွားတဲ့ လေသံမျိုးနဲ့ ဆက်လုပ်လိုက်သေးတယ်…သောက်ကျင့်က…။

“အော်…သစ်ပင်တွေ ကြီးထွားဖို့ဆိုတာ ဒီလို မြေသြဇာတွေ ကျွေးရတာကိုး…ဟုတ်တယ်နော် ဘိုးဘိုး”
“အေးသိပ်သေချာတာပေါ့…မောင်အောင်စိုးရယ်...ဒါတင်ဘယ်ကမလဲ လူကိုလည်း ကြီးထွားစေချင်ရင် အဲဒီလို မြေသြဇာကျွေးရတယ်…မယုံရင် မင်းအမေ့နောက်ယောက်ျား မင်းပထွေးကိုလည်း သွားကျွေးကြည့်လိုက်၊ မင့်အမေ့ကို မင်းမသနားရင်ပေါ့လကွာ”

ဘကြီးက အဲဒီလို ထပ်ပြောချလိုက်တော့မှ တစ်ပတ်ကြာ မြို့သား အောင်စိုးလည်း မွေးမေကျေးဇူး စော်ကားရာ ရောက်မှာဆိုးလို့လားတော့ မသိဘူး။ ဘကြီးအိမ်ရှေ့ကနေ ချက်ချင်း လှည့်ထွက်သွားတော့တာပဲ။

မော်ကွန်းသစ်
၁၁.၈.၂၀၁၁

ဖျားနာကြည့်တယ်...

2011-08-07T03:07:00.000-07:00

ငယ်ငယ်ကတော့ ကျောင်းမသွားချင်လို့ ဖျားနာချင်ယောင်ဆောင်တယ်။ သားသမီးတွေရဲ့ ကျန်းမာရေးကို အလွန်ဂရုစိုက်တတ်တဲ့ မိဘတွေက အစားမှား ရင်ပြည့်လို့ အန်ရင်တောင်မှ နေမကောင်းဘူးဆိုပြီး ဘယ်မှ မသွားခိုင်းတော့ဘူး...။ အိမ်မှာပဲ အေးဆေးနေခွင့်ပေးတယ်။ ပြီးတော့ နွေးနွေးထွေးထွေးကလေး ထားတယ်...။ ကျောင်းတက်ရမှာ ပျင်းတတ်တဲ့ မိမိက ဒါကို အခွင့်ကောင်းယူပြီး မအန်ချင်လည်း ပါးစပ်အာခေါင်ထဲ လက်ထိုးကာ မရရအောင် ကြိုးစားအန်တယ်...။ အန်တာကို အမေသိရင် ပြီးပြီ...။ ဟိုကောင်လေး ဘာလို့ကျောင်းမသွားလဲလို့ အဖေ ဒါမှမဟုတ် တစ်ယောက်ယောက်ကမေးရင် အမေ့ဆီက အန်ကြောင်း ထောက်ခံစာ ပြလိုက်ရုံပဲ...။ဂွတ်ထး)

တစ်နေ့မှာ ကျောင်းကို မြို့နယ်က ကျန်းမာရေး စစ်ပေးတဲ့ အဖွဲ့ရောက်လာတယ်...။ဆရာဆရာမတွေကလည်း ကျောင်းလာရင် သေချာ သပ်သပ်ရပ်ရပ်လုပ်လာဖို့ မှာလိုက်တယ်...။ တစ်ကိုယ်ရေ ကျန်းမာရေး စစ်မယ်ဆိုလား....။ ဒါနဲ့ အိမ်ရောက်တော့ အမေ့ကို ဆရာမပြောတဲ့အတိုင်းပြောရတယ်...။

အမေက ကျောင်းမသွားခင် သေချာ ရေချိုးပေး..လက်သည်းခြေသည်းတွေညှပ်...သနပ်ခါးတွေလည်း လိမ်းပေးလိုက်တယ်...။ အဖေကတော့ ညစ်ညစ်ပက်ပက် မဖြစ်စေနဲ့ သပ်သပ်ရပ်ရပ်လုပ်သွားကြတဲ့...ဖီးလိမ်းပြင်ဆင်ပေးနေတဲ့ အမေ့ဘေးကနေ မှာတယ်...။ အထူးသဖြင့် မိမိကိုပြောတယ်...ဟိုကောင်လေးက မင်းမှာ ရောဂါတစ်ခုရှိတဲ့ အကြောင်းကျန်းမာရေး ဆရာဝန်ကြီးတွေကို သေချာ ပြောပြလိုက်အုံးတဲ့...သားမှာ အာခေါင်ထဲကို လက် နှိုက်နှိုက်ပြီး အန်တတ်တဲ့ အကျင့်ရှိတယ်လို့ ပြောပြတဲ့...။

အခုတော့ ဟန်ဆောင်ရဲတော့ဘူး...မတော်တဆ ဖျားနားခဲ့ရင်တောင် မဖျားချင်၊ မနာချင်တော့ဘူး...။ ဒါပေမယ့်ကိုယ့်ဘေးမှာ အမေရှိနေရင်တော့ မပြောတတ်ဘူး...(မတော်တဆ ဖျားနာနေတုန်း အမေ့ကို သတိရလို့ စိတ်ခြေဦးတည့်ရာ ကောက်ခြစ်လိုက်တယ်)

မော်ကွန်းသစ်

အတွင်းအား ရှိဖို့လိုတယ်

2011-08-03T01:35:00.000-07:00

(၁)
စာဖတ်တာကောင်းလား ကောင်းပါသည်။ လူတိုင်း စာဖတ်သင့်သည်။ စာဖတ်မှသာ စာကရလာသည့် အသိပညာနှင့် အရာရာ ချိန်ထိုးဆုံးဖြတ်နိုင်သည်။ အမှားအယွင်း နည်းနိုင်သမျှ နည်းသွားပေမည်။ ပတ်ဝန်းကျင်နှင့် စကားပြောခွင့်ရသည့် အခါတိုင်းလည်း ထုံအအ ဖြစ်မနေတော့ဘဲ ရှု့ထောင့် အမျိုးမျိုးမှ ဆွေးနွေးတင်ပြနိုင်ပေသည်။ စာဖတ်ခြင်းဖြင့်လည်း အနုပညာတစ်ရပ်ကို ဖော်ထုတ်နိုင်ပေ၏။

သို့ပေမင့် သူ့အရွယ်နှင့်သူ ချိန်ထိုးဖတ်သင့်သည်။ စာဖတ်သူက အသိဥာဏ်သော်လည်းကောင်း၊ အရွယ်အားဖြင့် သော် လည်းကောင်း နုငယ်နေလျှင် ဖတ်သည့်စာက ထိုသူ လိုက်မမှီနိုင်သည့် အတွေးအခေါ်၊ ယုတ္တိလွန်စာပေများဖြစ်နေပါမူ ဒုက္ခရောက်သွားနိုင်သည်။ ရင့်ကျက်မှုမရှိသေးသော အတွေးအခေါ်များနှင့် ယုတ္တိလွန် စာပေနှင့် အခြားခြားသော အနုပညာများ ရောမွှေမိပြီဆိုလျှင် ထိုသူ မလွယ်တော့ပေ။

မိမိတို့ ဆယ့်လေးနှစ်၊ ဆယ့်ငါးနှစ် အရွယ်လောက်ကဖြစ်သည်။ သူငယ်ချင်း ကိုရင်တစ်ပါးက စာဖတ်တာ အလွန်ဝါသနာပါသည်။ ကာတွန်း၊ ပုံပြင်၊ ဇာတ်တော်၊ ၀တ္ထုမျိုးစုံဖတ်သည်။ ထိုဖတ်သည့်စာအုပ်များထဲမှာ သူအလွန်နှစ်သက်သည့်အရာက ယုတ္တိလွန် သိုင်းဝတ္ထုများဖြစ်သည်။ သိုင်းစာအုပ်ထဲမှ “၀ုန်း” ” ဒိုင်း” “ ဖုံး” “ဒိုင်း” တွေ ဖတ်နေရလျှင်မူ ဆွမ်းစားဖို့တောင် မေ့မေ့သွားတတ်သည်။

တစ်ညမှာ သူသိုင်းဝတ္ထုဖတ်နေတုန်း ညဉ့်နက်လှသဖြင့် “သူငယ်ချင်း သွားအိပ်ကြရအောင်လို့” ပြောဖူးသည်။ ပြောတော့ သူက...
“ခဏလေးပါကွ…နေပါအုံး…၀တ္ထုက အရမ်းကောင်းနေတယ်…ငါဖတ်ပြမယ်…နားထောင်”ဆိုပြီး ၀တ္ထုစာမျက်နှာမှာပါသော “ဖုန်းဒိုင်း” ချကွက်များကို တစ်လုံးမကျန် ဟန်ကျပန်ကျ.. ဖတ်ပြလေတော့သည်။ မိမိလည်း အားနာနာနှင့် နားထောင်ပေးနေမိသည်။ ၀တ္ထုစာအုပ်ထဲမှ မင်းသားကိုလည်း သူကောက်ချက်ချ ချီးကျူးထောပနာပြုပြန်သည်။ “ဒီမင်းသားဖြစ်နေလို့ပေါ့ကွာ…ဒို့မြန်မာမင်းသားတချို့ဆိုရင် သွားပြီ၊ ဒီတောင်ထိပ်ပေါ်က ဒီလိုမျိုးလေသိုင်းနဲ့ ဘယ်လိုလုပ်ပြီး ခုန်ဆင်းနိုင်မလဲ…လှိမ့်ချပစ်ဖို့လောက်ပဲ စိတ်ကူးမှာ.. ဒီမင်းသားကတော့ တော်ပါပေတယ်…”ဟု သူ့နှုတ်ခမ်းမှာ မရှိသည့် မုတ်ဆိပ်မွေးများကို ရှိသလိုလိုနှင့် အနားသက် ဟန်ရေးပြကာ ချီးကျူးပြသည်။

(၂)
ကျောင်းမှာ ၀တ္ထုစာအုပ်ဖတ်တာကို ဆရာတော်ကမကြိုက်၊ ဒါပေမယ့် သူငယ်ချင်းက ခိုးခိုးဖတ်သည်။ စာသင်ကျောင်းဆင်းချိန်၊ နားနေချိန်များတွင် ချောင်တစ်နေရာရာမှာ သူစာဖတ်နေပေလိမ့်မည်။ အထူးသဖြင့် သိုင်းဝတ္ထုဘုတ်အုပ်များ။

ကြာလာတဲ့အခါ သိုင်းဝတ္တုကို ဖတ်ရုံမျှမဟုတ်…သိုင်းဝတ္ထုထဲမှာပါသည့် မင်းသားက သူဖြစ်ချင်လာသည်။ တကယ့်လက်တွေ့ဘ၀တွင်ဝယ် သူက သိုင်းလောကအဖွဲ့သားများ၏ ဂိုဏ်းချုပ်ကြီးဖြစ်ချင်လာသည်။ ဖြစ်ချင်လာတော့ သူ့ဆန္ဒအတိုင်း သူကျင့်သည်။ သိုင်းလောက၏ အဓိက မရှိမဖြစ် လိုအပ်သည်က အတွင်းအား၊ သူ့ကို ယှဉ်ပြိုင်လာသူတိုင်း အတွင်းကြေ ကြေသွားကြဖို့အတွက် အတွင်းအားရရှိရေး မဖြစ်မနေ သူကျင့်ရပေတော့မည်။ ဒီတော့ ညအခါ လသာသာမှာ သူမနား…သိုင်းကစား၍သာနေသည်။ သူသိုင်းကျင့်ဖို့ရန် ရွေးလိုက်သည့်နေရာက
နံပါတ်တစ် ဆရာတော် မမြင်သည့်နေရာဖြစ်ရမည်။
နံပါတ်နှစ် အတွင်းအားသန့်စင်ရေးတွက် လေကောင်းလေသန့်ရရှိသော နေရာဖြစ်ရမည်။
နံပါတ်သုံး အရာအားလုံးကို တတ်နိုင်သမျှ စီးပိုး ကြည့်ရှုနိုင်သော နေရာဖြစ်ရမည်။

သူသက်မှတ်ထားသော အချက်လက်များနှင့် ပြီးပြည့်စုံဆုံးနေရာက သုံးထပ်ကျောင်းကြီး၏ ခေါင်မိုးပေါ်။ ဒီထက်ကောင်းသောနေရာ ဒီနေရာမှတပါး အခြားမရှိ။

ညတိုင်း သူခေါင်းမိုးပေါ် တက်ကျင့်သည်။ မိမိတို့တတွေ ယောင်လို့တောင် မတက်ရဲ့သည် ခေါင်မို့းပေါ် သူအေးဆေးတက်သည်။ ညတစ်နာရီ၊ နှစ်နာရီလောက်ဆိုလျှင် သူ့ ၀ုန်းဒိုင်း ကျင့်သံတွေ တချက်ချက် ကြားရသည်။

ကြာလာတော့ ခေါင်မိုးပေါ်ဝယ် ညတိုင်း သိုင်းတက်တက်ကျင့်နေကြောင်း ဆရာတော်နားဆီ သတင်း ပေါက်ကြားသွားသည်။ ဆရာတော်က မနက်တွင် သံဃာအားလုံး ခေါ်သည်။ သူ့ကို ခေါင်မိုးပေါ် နောက်မတက်ဖို့ကြောင့်း သံဃာအလည်မှာ ဆုံးမသည်။ ခေါင်းမိုးပေါ် တက်လို့ရသမျှ အပေါက်အားလုံးကိုလည်း တံခါးပိတ်ခိုင်းလိုက်သည်။ အဲဒီနောက်တွင် ခေါင်မိုးပေါ်တွင် သူ့ကျင့်ခွင့်မရ..
သို့သော်…ပြဿနာမရှိ သူသက်မှတ်ထားသော အချက်များ အားလုံး ပျက်စီးသွားခြင်းမဟုတ်၊ တစိတ်တဒေသ ကျန်သေးသည်။ ဘာပဲဖြစ်ဖြစ် ဇွဲလျှော့လိုက်လို့မဖြစ်။ ရသည့်နေရာမှာ အခွင့်ရေးပေးရေင် ပေးသလို ကျင့်ရမည်။ သိုင်းလောက ဂိုဏ်းချုပ်ကြီးဖြစ်ရေးအတွက် ခိုင်မာစွာချခဲ့သည့် သန္ဒိဋ္ဌာန်ကို လွယ်လွယ်နှင့် ပျက်သွားလို့မဖြစ်။

(၃)
ထိုအချိန်တုန်းက တရုတ်သိုင်းကားတွေကို မြန်မာ့အသံနှင့် မြ၀တီတို့မှလည်း အပြိုင်အဆိုင် ပြသနေဆဲကာလဖြစ်သည်။ ထိုပြသနေဆဲ ဇာတ်ကားတွေထဲမှာ သူအနှစ်သက်ဆုံးကားက ကိုယ်ရံတော်နှင့် ကျောက်စိမ်းဒေ၀ီ…ဇာတ်လိုက်မင်းသား နာမည်က ကိုးရွှင်။ ကိုးရွှင်ကို သူအရမ်းသဘောကျသည့် အချက်က မင်းသားကိုးရွှင်၏လက်စွဲ သဲမိုးဓားသိုင်း။ ဓားပြား သေးသေးကလေး၏ ထိပ်ဖူးလေးကို မြေကြီးမှာ ထောက်လိုက်လျှင် သဲတွေက မိုးသည်းဘိသကဲ့သို့ ပတ်ဝန်းကျင်မှာ ပလူပျံ၊ ဘေးက မိစ္ဆာကောင်တွေလည်း အကုန်ဒုက္ခရောက်သွားတော့သည်။ အဲဒါကို ကြည့်ပြီး သူကောက်ချက်ချသည်။ ဒါဟာ သိုင်းလောကရဲ့ မရှိမဖြစ် အတွင်းအားကြောင့် ဒီလို သဲမိုးတွေရွာနိုင်တာ…

ထိုစကားမှန်၏။ သာမန်လူတစ်ယောက်က ကိုယ်ရံတော်မင်းသားလေး ကိုးရွှင်ကိုင်ဆောင်သည့် ဓားပြားထက် အဆမတန်ကြီးမားသော ဂေါ်ပြားကြီးနှင့် သဲတွေကို အလီလီအကြိမ်ကြိမ် ထိုးပက်ရင်တောင်မှ ထိုပုံထိုနှယ်မျိုး လူဆိုးတွေအားလုံး ရုပ်ပျက်ဆင်းပျက် ဖြစ်သွားမည်မဟုတ်။ အတွင်းအားရှိသူက ဓားပြားပေါက်စနကလေးနှင့် သဲတွေ ပလူပျံအောင်လုပ်နိုင်သည်။ ရေပေါ်မှာ ရှပ်ပြေး ပြေးနိုင်သည်၊ အနှစ်နှစ်ခါခါ အားကုန်ကျင့်ပြီးမှ လေပေါ်တွင် ပျံနိုင်လေသော ဈာန်ရပုဂ္ဂိုလ်များကို အတွင်းအားရှိသူက ပျင်းသနားကလေး သနားသည်။ သူ့လို မလှုပ်မရှက် သွားနိုင်တာမျိုးတောင် မဟုတ်။ ရန်သူတွေနှင့် သတ်ရင်းပုတ်ရင်း လေထဲမှာ အတောင်ရှိသော ငှတ်တစ်ကောင်လိုတောင် ပျံဝဲနိုင်ပါသေးတော့…။
သူဝတ္ထုခိုးဖတ်နေတုန်း ဆရာတော်မိသွားလျှင် စာအုပ်ကိုသိမ်းသည်။ ကြိမ်လုံးနှင့် ခုနှစ်ချက်ရိုက်သည်။ ဒါလည်း သူက လုံးဝမဖြုံ…။ စာအုပ်ဆိုင်မှာ ၀တ္ထုစာအုပ်ကို ဆရာတော်သိမ်းသွားကြောင်း ၀န်ခံသည်။ ပြီးတော့ စာအုပ်တန်ဖိုးအတိုင်း ပေးလျော်သည်။ နောက် ထပ်ငှါး၊ ထပ်ဖတ်ပြန်သည်။ ဒီလို လုပ်ခဲ့သည်က အကြိမ်ကြိမ်အလီလီ…။

သူ့ကျင့်စဉ်တစ်ခုရှိသေးသည်။ ထိုကျင့်စဉ်မှာ ဖယောင်းတိုင်ကို မီးထွန်းပြီး ကြမ်းပြင်တစ်နေရာရာမှာ ပထမ စိုက်ထူလိုက်သည်။ ပြီးရင် သူက ဖယောင်းတိုင်အနားမှာ သူ့ရဲ့လက် ရှေ့တစ်ဆန့်သာသာအကွာအဝေး တရားထိုင်သလို ထိုင်လိုက်သည်။ သူ့အတွင်းအားဖြင့် ဖယောင်းတိုင်မီးကို သတ်ငြှိမ်းဖို့ပဲဖြစ်သည်။ အတွင်းအားကျင့်စဉ် မည်မျှအားကောင်းလာကြောင်းကို အဓိက စမ်းသပ်သည့် ကျင့်စဉ်ပဲဖြစ်သည်။

ထိုအနေထားအတိုင်း သူ့ရဲ့လက်နှစ်ဖက်ကို ရှေးကို အားပါပါ ဆန့်ထုတ်လိုက်သည်။ သို့သော် ဖယောင်တိုင်မီးက မသေ။ ထိုနည်းအတိုင်း နောက်တစ်ကြိမ် သတ်ငြိမ်းပြန်သည်။ သူ၏ အရှိန်ပါပါ လက်ဖ၀ါးလေအဟုန်ကြောင့် ဖယောင်းတိုင်မီးက ရုန့်ရင်းဆန်ခက် ဝေ့လည်ရမ်းသွားသည်။ ဒါပေမယ့် မီးမသေသေး။ တတိယအကြိမ် ကြိုးစားအားထုတ်လိုက်တော့ ဖယောင်တိုင်မီးက သေသွားပြီ။ သူ့အတွင်းအားကြောင့်တော့မဟုတ်။ ခန္ဓာကိုယ် လှုပ်ရှားလိုက်သည့်အခါ ခန္ဓာကိုယ်နှင့်အတူ ခန္ဓာကိုယ်ပေါ်မှ သင်္ကန်းစကပါ လိုက်လှုပ်ရှားသွားခြင်းဖြစ်၍ သင်္ကန်းစ ခပ်သောလေကြောင့် ဖယောင်းတိုင်မီးက သေသွားခြင်းဖြစ်သည်။ ဒီအချက်ကို သူမစဉ်းစားမိတာလား. ဒါမှမဟုတ် တမင်သက်သက် သူ၏ အတွင်းအားကို ချီးကျူးချင်သော စိတ်ကြောင့်လားတော့မသိ။ သူ့ပါးစပ်က ကြီးကျယ်သော အောင်မြင်မှုကြီးတစ်ခု ရသည့်အလား ရေရွတ်လိုက်သည်။
“ကြိုးစားအားထုတ်မှုနဲ့ လုပ်တဲ့ အလုပ်တိုင်းဟာ တစ်ကြိမ်မဟုတ်၊ တစ်ကြိမ်တော့ အောင်မြင်ကြစမြဲပါပဲ…ဟဲ…ဟဲ…”

(၄)
နယ်က အသက်ရှစ်ဆယ်ကျော် ဆရာတော်ကြီးတစ်ပါး ညက မီးရှို့ အသက်ခံလိုက်ရသည့်အကြောင်း မိမိတို့ ဆရာတော်ထံဖုန်းလာသည်။ ထိုဆရာတော်ကြီးမှာ မိမိတို့ ကျောင်းထိုင်ဆရာတော်ကြီး၏ ဥပဇ္ဈယ်ဆရာတော် အရင်းလည်း ဖြစ်သည်။ ဆရာတော်က ထိုကိစ္စကြောင့် ရွာကို ပြန်သွားသည်။ ထိုကိစ္စလက်သည်ပေါ်ရေးအတွက် ဆောင်ရွက်သင့်တာ ဆောင်ရွက်ဖို့ပဲဖြစ်သည်။
ရက်နှစ်ဆယ်လောက်အကြာမှာ ဆရာတော် ရန်ကုန်ကို နေ့လည်ကားနှင့် ပြန်ကြွလာသည်။ လမ်းမှာ ကားကပျက်နေ၍ အခါတိုင်းအချိန်ထက် နောက်ကျပြီးမှ ပြန်ရောက်လာသည်။ ဆရာတော် ရောက်လာသည့် အချိန်က ညနှစ်နာရီခွဲအချိန်…

သူငယ်ချင်းက သူ့ချဉ်ထောင်ကျဉ်းကျဉ်းလေးထဲမှာ ဖယောင်တိုင်မီးနှင့် အတွင်းအားကျင့်ပြီးသကာလ အတွင်းအားတွေ ဖြစ်ညှစ်သုံးလိုက်ရသောကြောင့် နှစ်နှစ်ခြိုက်ခြိုက် အိပ်မောကျနေလေသည်။ တခြား သံဃာအာလုံးလည်း ကျိန်းနေကြသည်။
ဆရာတော်က သူသီတင်းသုံးသည့် ကျောင်းထဲကို ၀င်ဖို့ တံခါးကို တွန်းဖွင့်လိုက်သည်။ ထို့နောက် ဆရာတော်ရဲ့ ကျယ်လောင်သော အာမေဋိတ် အသံ
"မီး…မီး…"
“ဟေ့ကောင်တွေ ထပါ..ထပါ” ဟု ကိုရင်၊ ဦးဇင်းတွေကိုလည်း ပျာသလဲလဲ လှမ်းနှိုးနေရင်းနှင့် သူ့မှာ ပက်ထားသည် အပေါ်ရုံ သင်္ကန်းကြီးကို အသင့်ပါလာသော ရေသန့်ဘူးထဲမှ ရေနှင့် မြန်မြန်ဖြန်းကာ မီးစစွဲနေပြီဖြစ်သော သူငယ်ချင်း၏ ချဉ်ထောင်ကို ဖုံးအုပ်လိုက်သည်။ ဆရာတော်သာ သူတပါးတည်း ရုန့်ရင်းဆန်ခက်ဖြစ်နေသည်။ အိပ်ဟန်ဆိုး၍ ချဉ်ထောင်ပြင်ပ ရောက်နေသော သူငယ်ချင်းက နိုးဖို့ နေနေသာသာ ဆံချည်တစ်ရွေ့မျှပင် မလှုပ်။

ဆရာတော်၏ ကြိုးစားအားထုတ်မှုကြောင့် မီးက သေသွားသည်။
ဆရာတော် ဒေါသူပုန်ထသွားသည်။ ကြိမ်လုံးယူကာ သူငယ်ချင်းကို ရိုက်၍နှိုးသည်။ ပြီးတော့ သူ့ကျောင်းဆောင်တွင် အိပ်နေသည့် သံဃာအားလုံးကို အကုန်ထဖို့ ပြောလိုက်သည်။
အဓိကတရားခံ သူငယ်ချင်းနှင့် သံဃာအားလုံး အကုန်တန်းစီ ထိုင်ခိုင်းသည်။ ပြီးတော့ သူငယ်ချင်းကို စပြီး ဆူလေတော့သည်။

“ငါကတော့ ငါ့ရဲ့ ဥပဇ္ဈယ်ဆရာတော် မီးရှို့အသတ်ခံလိုက်ရလို့ ရွာပြန်တယ်။ ရွာပြန်တော့လည်း လက်သည်တရားခံက မပေါ်တော့ လွန်စွာ စိတ်မကောင်းဖြစ်ရပြန်တယ်။ အခု ရန်ကုန်ကို ပြန်လာပြန်တော့လည်း ကျောင်းရောက်ရောက်ချင်း တွေ့လိုက်ရတဲ့ မြင်ကွင်းက မီးလောင်နေတဲ့ မြင်ကွင်း။ လောင်တာကလည်း မင်းရူးလို့ လောင်တာ။ မဟုတ်တရုတ် အတွင်းအားကျင့်မှုတွေကြောင့် မင်းချဉ်ထောင်မီးလောင်တာကို မင်းက မီးလောင်နေတဲ့ ချဉ်ထောင်ဘေးမှာ ဘာမှမဖြစ်သလိုပဲ၊ အိပ်နေလိုက်တာ။ ငါသာ ပြန်မလာရင် ငါ့ကျောင်းတစ်ကျောင်းလုံးလည်း ပြာဖြစ်ပြီ။ အဲတော့ မင်းအတွင်းအားကို ဒီတစ်ခါ ငါကိုယ်တိုင် စိန်ခေါ်မှ ဖြစ်တော့မယ်..ကဲ..မှောက်ကွာ..”
ဆရာတော်က သူငယ်ချင်းကို မှောက်ခိုင်းသည်. ပြီးတော့ ကြိမ်လုံးနှင့် ရိုက်သည်။ လက်ကို တအားလွှဲဆော်သည်။ ဆရာတော်ရိုက်တာကို ဘေးက ကြည့်နေသော မိမိတို့ပင် လန့်သည်။ ဒါပေမယ့် သူငယ်ချင်းက ထင်သလောက် ဟန်မပျက် အေးအေးဆေးဆေးပင်။ ဆရာတော်က ဆယ်ချက်ရိုက်ပြီး လက်သာ ညောင်းသွားသည်။ သူငယ်ချင်းက အေးဆေး။
ဦးဇင်းကြီးတပါး ထပ်အရိုက်ခိုင်းပြန်သည်။ ဆယ်ချက်။ သူငယ်ချင်းက အကယ်တန္တုအတွင်းအား ရနေပြီလားမသိ။ ပျင်းတောင်းပျင်းသေးတယ် ဆိုသည့် သဘော…။ အချက်နှစ်ဆယ် ရိုက်ပြီး ဆရာတော်က ရိုက်တာ ရပ်ခိုင်းလိုက်သည်။ ပြီးတော့ သူကျိန်းသည့် အခန်းထဲသို့ တံခါးကို ၀ုန်းဒိုင်းအသံကြာအောင်း ပိတ်ကာ ၀င်သွားတော့သည်။

တခြားသံဃာအားလုံးက အထူးသဖြင့် မိမိက “သူငယ်ချင်း နာလား ဘယ်လိုနေလဲ” မေးတော့ သူကအေးဆေးစွာ ပြန်ပြောသည်။

“နာတော့ နာတာပေါ့ကွာ..ဒီလိုရိုက်ချက်မျိုး မင်းတို့ ခံကြည့်စမ်းပါ မင်းတို့ သေးထွက်မတတ် နာလိမ့်မယ်…ဟဲ…ဟဲ…တော်သေးတာပေါ့ ငါက အတွင်းအားကျင့်ထားပေလို့ နို့မို့စို မလွယ်ဘူး…”

အော်…သူငယ်ချင်းရယ်… ဒီလောက် အဗျင်းခံရတာတောင်မှ သူ့အတွင်းအားက ကယ်ပေလို့တဲ့...။

(၅)
ဘယ်အရာမဆို အတွင်းအားလိုပေသည်ပဲ။ ဒါပေမယ့် သူငယ်ချင်းတစ်ပါးက သူလိုချင်ခဲ့၍ ကျင့်ခဲ့သော အတွင်းအားမျိုးတော့ မဟုတ်။ ပတ်ဝန်းကျင်၏ ရိုက်ခက်မှုကြောင့် မိမိကိုယ်ကိုမိမိ တုန်လှုပ်မှုဖြစ်မသွားရသည့် အတွင်းအားမျိုး၊ ကိုယ့်အရွယ်၊ ကိုယ့်အသိဥာဏ်နှင့် မလိုက်လျောသေးသည့် စာပဲဖတ်ဖတ်၊ တရုတ်ကား၊ ကိုရီးယားကားတွေကိုပဲ ကြိုက်လို့ကြည့်ကြည့်၊ ဖတ်ပေါ့၊ ကြည့်ပေါ့…
ဒါပေမယ့် ထိုအရာတွေက ပေးလိုက်သည့် ယုတ္တိလွန် ဒါမှမဟုတ် သာမန် အတွင်းအားတွေကို ကိုယ့်သန္တာန်မှာရှိသည့် အတွင်းအားနှင့် ချိန်ထိုးပြီ လျော်ညီစွာ ပြန်တိုက်ခိုက်နိုင်ဖို့တော့ လိုပေလိမ့်မယ်….။

မော်ကွန်းသစ်
၃.၈.၂၀၁၁

လူလည်ခေါင်မှာ ကိုကိုခေါ်နဲ့

2011-08-01T02:08:00.000-07:00

မနှစ်ကမြန်မာပြည်ပြန်တော့ ၀ါဆိုခါနီးအချိန်ဖြစ်သည်။ နှစ်နှစ်ကျော် ငံ့လင့်ရှာခဲ့သည့် ၀ါဆိုသင်္ကန်းကပ်တွေကိုလည်း အလှိုင်လှိုင် ကြွခွင့်ရသွားသည်။ မိမိတို့ကျောင်းတွင် ရပ်ဝေးမှာ ရောက်နေကြသော နယ်ဘက်က ဒါယကာ၊ ဒါယိကာမများက နှစ်စဉ်နှစ်တိုင်း စုပေါင်း ၀ါဆိုသင်္ကန်းဆပ်ကပ်လေ့ရှိကြသည်။ အဲဒီဝါဆိုသင်္ကန်းကပ်ချိန်ဆိုလျှင် မတွေ့တာကြာပြီဖြစ်သော သူငယ်ချင်းများကို ဆုံတွေ့ခွင်ရသည်။

ဝါဆိုသင်္ကန်းကပ်ပြီးချိန်တွင် ကျောင်းနေဘက် သူငယ်ချင်းများနှင့် ကျောင်းတုန်းကအကြောင်းတွေ တစ်ယောက်တစ်ပေါက် ပြောဖြစ်ကြသည်။ စကားတွေ ပြောနေကြစဉ် သူငယ်ချင်း ဗိုလ်ပေါက်စက မိမိရဲ့ ဟန်းဖုန်းကို ကောက်ကိုင်ကြည့်သည်။ ပြီးတော့

“ဟင်…တို့ဦးဇင်း ဟန်းဆက်က ဖုန်းပဲ ဆက်လို့ ရတာပလား ဘာဖန်ရှင်မှလည်း မပါဘူး”လို့ ပြောတော့ ပြောလက်စစကားတွေ ခဏရပ်ပစ်လိုက်ကြပြီး မိမိရဲ့ ဖုန်းပဲဆက်လို့ရတယ်ဆိုသည့် ဖုန်းလေးကို အားလုံး ၀ိုင်းကြည့်ကြသည်။

မိမိက “ဖုန်းပဲဟာ…ဖုန်းဆက်ရရင် တော်ပြီပေါ့ကွာ…”

“ဟုတ်သေးဘူးလေ…မမ်ပီသရီး၊ မမ်ပီဖိုးလေးတော့ပါအုံးမှပေါ့…ဒါမှ ဦးဇင်းသွားရင်း၊လာရင်း တရားတွေ ကြည့်လို့၊ နားထောင်လို့ရမှာပေါ့၊ ပြီးတော့ ကင်မရာလေးပါ ပါရင် ပိုကောင်းတယ်၊ လက်ဆော့ ရိုက်လို့ရတယ်”

“တော်ပါပြီကွာ…မြန်မာပြည် ပြန်ရောက်ခိုက် ခဏကိုင်တာပါ။ ပြီးတော့ ၄၅၀စီဒီမမ်အေ ဟန်းဆက်တွေက ဖန်ရှင်ဆုံတာ ရှားတယ်မို့လား”

“မရှားဘူးဦးဇင်း…အခု တပည့်တော် ကိုင်တဲ့ ဟန်းဆက်က ဖန်ရှင်စုံတယ်။ ဦးဇင်း သုံးမလား
တပည့်တော် အခုကိုင်နေတဲ့ ဟန်းဆက် လှုခဲ့မယ်”ဟုဆိုကာ
မိမိက အဖြေပင် မပေးလိုက်ရ။ အဖုံးလှပ်၊ ကဒ်ဖြုတ်ကာ ဖန်ရှင်စုံလှသော သူ့ဟန်းဆက်နှင့် မိမိဟန်းဆက်ကို လဲလှယ်မှု ပြုလေတော့သည်။

သူငယ်ချင်းတွေနှင့် စကားပြောနေစဉ်မှာ မိမိဒကာ တစ်ယောက်ရောက်လာသည်။ ဒကာက ၀တ်ပြုပြီး…
“ဦးဇင်း ၀ါဆိုသင်္ကန်းကပ်ချင်လို့ဘုရား။ တပည့်တော် ဦးဇင်းဖုန်းကို ဆက်နေတာ မရဘူးဘုရား။ ဒါနဲ့ တခါးတည်း ကျောင်းကို လာလိုက်တာ… အခုတခါးတည်း ကြွပေးနိုင်မလားဘုရား”

မိမိလည်း ကျောင်းမှာ ၀ါဆိုသင်္ကန်းကပ်ပြီးချိန်ဖြစ်သဖြင့် အားနေသောကြောင့် “အော်…ရပါတယ်ဒကာ..အိမ်မှာပဲမို့လား”

“တင်ပဘုရား တပည့်တော်အိမ်မှာ ကပ်မှာပါ။ ရပ်ဆွေ၊ ရပ်မျိုးတွေကိုလည်း နည်းနည်းပါးပါး ဖိတ်ထားတယ်ဘုရား”

“အော် ဟုတ်ကဲ့ ရပါတယ်ဒကာ..ဦးဇင်း သင်္ကန်းရုံလိုက်ပါအုံးမယ်…ခဏစောင့်ပါ” ဟုပြောကာ သင်္ကန်းကို ခပ်မြန်မြန်ရုံလိုက်သည်။

သင်္ကန်းရုံပြီး သူငယ်ချင်းတွေကိုလည်း နောက်တွေ့ကြတာပေါ့ကွာဟု နှုတ်ဆက်ကာ ဒကာရဲ့ ကားပေါ်တွင် လိုက်ပါလာခဲ့သည်။ ဖုန်းကိုတော့ ချိတ်နေကျ မိမိခါးမှာပင် ချိတ်ခဲ့သည်။

ကားပေါ်မှာ ဒကာတော်နှင့် စကားတွေ ပြောဖြစ်ကြသည်။

"ဦးဇင်းတို့ ရဟန်းဘ၀ကို တပည့်တော် အရမ်းအားကျတယ်ဘုရား။ အိမ်ထောင်သားမွေးကိစ္စတွေမရှိတော့ တရားကို ကောင်းကောင်းအားထုတ်လို့ရတယ်ဘုရား၊ လူတွေလိုလည်း မရှုပ်တော့ဘူးပေါ့ ဘုရား။ နောက်ပြီး အကြောင်းတိုက်ဆိုင်လို့ ဦးဇင်းတို့နဲ့ စကားပြောမိတိုင်းလည်း မိန်းမအနံ့ မပါဘူးဘုရား၊ တရားသဘောချည်းသက်သက်ပဲ ကြားရတာ။ တပည့်တော်တို့ လူတွေအချင်းချင်းကတော့ ဟုတ်ပါဘူးဘုရား..။ မပြောလိုက်နဲ့ ပြောလိုက်တာနဲ့ ကိလေသာအညှီနံ့တွေ ထောင်းနေတဲ့ ဘူတာပဲ ပြန်ပြန်ဆိုက်ကြတာဘုရား…"

မိမိက ဟုတ်ပါတယ်ဒကာ စသဖြင့်၊ စသဖြင့် ဒကာရဲ့စကားကို အလိုက်သင့်ကလေးသာ နောက်က လိုက်ထောက်ပေးနေခဲ့သည်။

ဒကာက ကိလေသာ အညှီအနံ့တွေ တော်တော်ပဲ စိတ်ကုန်လို့လားတော့ မသိ၊ သူ့အသံတွေက သံဝေဂအသံတွေ၊ နောင်တအသံတွေနဲ့ ဖြစ်နေသည်။ ဒကာက ဆက်ပြီး ပြောပြန်သည်။

“အင်း…ကိလေသာတွေ..ကိလေသာတွေဘုရား ငရဲတော့ ဇောက်ထိုးကြကြရအုံးမယ်…တပည့်တော်တို့မှာ သိလျှက်နဲ့ မိုက်နေကြတာဘုရား…. ဘယ်လောက်ပဲ သံဝေဂရရ၊ ဘယ်လောက်ပဲ နောင်တစိတ်တွေဝင်ဝင် ဖေကြီးခေါ်သံ၊ မောင်မောင်ခေါ်သံ၊ ကိုကိုခေါ်သံတွေ ချွဲချွဲနွဲ့နွဲ့အထာတွေ ပြန်ကြားပြန်မြင်ရင်လည်း သံဝေဂစိတ်တွေ နောင်တစိတ်တွေဟာ ဘယ်ပျောက်ကုန်ပြန်လဲ မသိဘူးဘုရား အကုန်ပျောက်ကုန်ရော...ပြီးတော့ ပြန်သာယာပြန်တာပါပဲ ဘုရား”

ဒကာက အဲဒီလိုတွေ ပြောနေစဉ် မိမိလည်း စိတ်ကူးထဲမှာ “အော်…ရဟန်းဘ၀ လူတွေအားကျလည်း အားကျချင်စရာပါပဲ…ဒကာပြောသလို ဖေဖေ၊ ကိုကို၊ မောင်မောင်တွေမှ ရှိဘဲဟု အတွေးဝင်နေခိုက်…

ကိုကိုရေ…ဖုန်းလာနေတယ်…ကိုကို…ဖုန်းလာနေတယ်နော်….ကိုကို..ဖုန်းလာနေပါတယ်ဆို ပြောနေတာ မကြားဘူးလား…မုန်းချင်စရာဂျီး... ခေါ်မကြား အော်မကြား…မိန်းကလေးအသံ၊ ရိုးရိုးပြောနေသည်ပင် မဟုတ်၊ ခပ်ချွဲချွဲဖြစ်နေသည့်အသံ၊ ပထမတစ်ခါပြီးတော့ ဒုတိယတစ်ခါ ထပ်အော်ပြန်သည်။ ဒကာ့ကို တချက်ဝေ့ကြည့်လိုက်သည်။ ကားမောင်းနေတုန်းမို့ မအားလို့ မကိုင်တာလား...။ ဒကာတော်ကလည်း ပြန်ကြည့်သည်။ ဒုတိယတစ်ခါ ကိုကိုခေါ်သံအဆုံး တတိယတစ်ခါတွင် ကောင်းမလေးက ချွဲနေသည့် လေသံဖြင့်ကိုကိုခေါ်မည်အလုပ်မှာ ဒကာတော်က

“ဘုန်းဘုန်း…ဖုန်း ကိုင်လိုက်လေဘုရား” မိမိလည်း ကြောင်သွားကာ
“အမ် ဒကာရဲ့ ဖုန်းကအသံ မဟုတ်ဘူးလား”
“ဘယ်ကလာ….တပည့်တော်ဖုန်းက အိမ်မှာ ကျန်ခဲ့တာဘုရား…ဘုန်းဘုန်း…ဖုန်းပါတယ်မို့လား…”
“ဟုတ်ပါတယ်…”
မိမိခါးတွင် ချိတ်ထားသည့် အိပ်ထဲမှ ဖုန်းကို ဗျာကယာ ထုတ်ကြည့်လိုက်သည်။ ဟုတ်ပ မိမိရဲ့ဖုန်းက မြည်နေသည်ပဲ…”ကိုကိုရေ…”တဲ့။ ဒကာတော်ကို အတော်မျက်နှာပူသွားသည်။ ဖုန်းကို ပြန်ဖြေလိုက်တော့ ဖုန်းလှူခဲ့သည့် သူငယ်ချင်းဗိုလ်ပေါက်စ။
ဟဲလိုပြောပြီး "မင်းက ဖုန်းသံကို ဘာသံကြီးထည့်ခဲ့တာလဲ"ဟု ချက်ချင်းပင် မေးလိုက်မိသည်။ သူငယ်ချင်းကလည်း နားမလည်သဖြင့် ဘာပြောတာလဲဘုရားဟု ပြန်မေးသည်။
“ဖုန်းထဲကို ထည့်ခဲ့တဲ့ Ring tone အသံလေကွာ”
သူငယ်ချင်းက သဘောပေါက်သွားကာ
“အော်…တပည့်တော်ဖုန်းကို တပည့်တော် အဲဒီကိုကိုရေဆိုတဲ့ ကောင်းမလေး Ring tone အသံ ပေးထားမိတာ…တပည့်တော် ဦးဇင်းကို ပြောင်းပေးဖို့ မေ့သွားတယ်…တပည့်တော် အဆင်ပြေလားလို့ ခေါ်ကြည့်တာပါ ဦးဇင်း….အဲဒီ ဟန်းဆက် လိုင်းဆွဲအား ကောင်းတယ်နော်ဘုရား ခေါ်လိုက်တာနဲ့ ချက်ချင်းဝင်….
မိမိလည်း သူ့ကြောင့် ကိလေသာတွေအကြောင်းတွေ ထုတ်ဖော်ညည်းညူရင်း၊ ရဟန်းတွေရဲ့ ဘ၀ကို လွန်စွာမှ အားကျရှာသော ဒကာတော်ရှေ့တွင် လွန်စွာစိတ်မသက်မသာဖြစ်ရပြီး၊ စိတ်တိုမိသွား၍
“မင်းအမေကြီး…ချက်ချင်းဝင်”ဟုပြောကာ ဖုန်းကို ပြန်ချလိုက်သည်။

လမ်းမှာတော့ ဒကာတော်ဆီက ကိလေသာတွေကြောင့် ဖြစ်နေရတဲ့ သူ့ရဲ့သံဝေဂတွေ၊ နောင်တတွေလည်း ဆက်လက် မကြားရတော့ပေ။
မကြားရတာပဲ ကောင်းသည်. ဆက်ပြောနေရင် မျက်နှာပူဖို့ အတော်ကောင်းသည်။
ကားပေါ်မှာ ဒကာနှင့် နှစ်ယောက်တည်းမို့ တော်သေးသည်။ တော်ကြာ အိမ်ရောက်မှ တရားဟောနေစဉ် တရားနာ ပရိသတ်တွေအကြား ဖုန်းကထမြည်မှဖြင့်...

“သံသရာရှည်တယ်ဆိုတာ ကိလေသာ၊ အမိုက်မှောင်တွေကြောင့် ရှည်နေတာ မဟုတ်ဘူးလား”
“ဟုတ်ပါတယ်ဘုရား”
“အေး…ဒကာတော် စောစောက ကားပေါ်မှာ ပြောခဲ့သလို ဖေဖေခေါ်ရင် သာယာလိုက်၊ မေမေခေါ်ရင် သာယာလိုက်နဲ့ ဒီကြားထဲ ကိုကိုခေါ်သံတွေ မောင်မောင်ခေါ်သံတွေက ရှိသေးတယ်။ ဒါတွေကို သာယာနေလို့ မဖြစ်ပေဘူး.. အဲဒီလိုသာ သာယာနေမယ်ဆိုရင် သံသရာလည်းရှည်မယ်…အပါယ်တံခါးရော ပိတ်ပါအုံးမလား”
“မပိတ်ပါဘူးဘုရား”
“အဲဒီ သံယောဇဉ်ကြိုးလေးတွေကိုလည်း ဝေးဝေးကရှောင်ရင်းနဲ့၊ မရရအောင် ကြိုးစားဖြတ်ကြရမယ်…သဘောပါရဲ့လား…တို့တရားနာပရိသတ်”
ကိုကိုရေ…ဖုန်းလာနေတယ်...ကိုကို…ဖုန်းလာနေတယ်နော်….ကိုကိုရေ…ဖုန်းလာနေပါတယ်ဆို…
မုန်းချင်စရားဂျီး...ခေါ်မကြား…အော်မကြား….

မော်ကွန်းသစ်
၁.၈.၂၀၁၁

ဗုဒ္ဓ၀င်မှတ်စု (၃)

2011-07-31T04:36:00.000-07:00

၂၁။ ဘုရားလောင်၏ နေပြည်တော်>>>ကပိလ၀တ်ပြည် (သက္ကတိုင်း၊ မဇ္ဈိမဒေသ)။

၂၂။ ဖွားမြင်ရာ အရပ်>>>ကပိလ၀တ်ပြည်နှင့် ဒေဝဒဟပြည်ကြား လုမ္ဗိနီအင်ကြင်းဥယျာဉ်။

၂၃။ လက္ခဏာဖတ်သူ ပုဏ္ဏားပညာရှိ>>>(၈) ဦး။

၂၄။ ဘုရားဖြစ်မည်ဟု ဟောသူ>>>ကောဏ္ဍညပုဏ္ဏား။

၂၅။ ခမည်းတော်>>>သုဒ္ဓေါဓနမင်းကြီး။

၂၆။ မယ်တော်>>>သီရိမဟာမာယာဒေဝီ။

၂၇။ ဘုရားလောင်း၏ နာမည်>>>သိဒ္ဓတ္ထ။

၂၈။ မိထွေးတော်>>>မဟာပဇာပတိဂေါတမီ(မာယာဒေဝီ၏ ညီမ)

၂၉။ ဖွားဖက်တော် (၇) ဦး>>>ယသော်ဓရာ၊ အာနန္ဒာ၊ ကာဠုဒါယီအမတ်၊ ဆန္ဒအမက်၊ ဗောဓိပင်၊ ရွှေအိုးကြီးလေးလုံး၊ ကဏ္ဍကမြင်း။

၃၀။ လက်ထပ်သည့်အသက်>>>(၁၆) နှစ်အရွယ်။

မော်ကွန်းသစ်

သောက်လက်စကော်ဖီခွက်ထဲက ကဗျာ

2011-07-26T22:32:00.000-07:00

ရေးလက်စတွေ ခဏခေါက်ထားလိုက်တယ်။
သောက်လက်စကော်ဖီခွက်ကို ချပြီး ဖတ်လက်စ ကဗျာကိုပဲ ဆက်ဖတ်မိတယ်။ ''ညီလေး ဖတ်ဖို့ '' ဆိုပဲ။

ဘ၀က မျိုသိပ်မှုတွေနဲ့ ကျင့်သားရခဲ့တာ
ကြာလှပေါ့...
ကြိုးကိုင်ကြမ်းမှ လိမ္မာတယ်လို့
ငါတို့ အမျိုးတွေ ပြောလေ့ရှိတယ်
အဲဒါ မဟုတ်ဘူးနော်၊
လူဆိုတာ ရတနာပဲ ညီလေး။

ကျောပိုးအိပ်ထဲ
စာအုပ်တွေ အပြည့်သိပ်ထည့်
ခေါင်းငိုက်စိုက်ချလို့
စာချည်းပဲကျက်မနေနဲ့။

ဘ၀မှာ
ဘယ်သူ့ကိုမှ မထိခိုက်ဘူး၊
ကိုယ့်အတွက်လည်း နစ်နာမသွားဘူးဆိုရင်ပေါ့
မင်းကြိုက်တာလုပ်ပစ်လိုက်စမ်း
ဦးထုပ်မဆောင်းတဲ့
ဆိုင်ကယ်မောင်းသမားကို ဖမ်းသလို
ငါ မင်းကို လက်လှမ်းတားမှာ မဟုတ်ဘူး။

ဒါပေမယ့်
လှောင်ကန်ထဲ အထည့်ခံထားရတဲ့
ငါးကလေးတွေရဲ့ ဒုက္ခကို စာနာတတ်ဖို့
မင်း စာများများဖတ်ဖို့တော့ လိုလိမ့်မယ်။

ကမ္ဘာ့မြေပုံကြီးရှေ့ချပြီး
တူအောင်အဆွဲကျင့်နေရုံနဲ့
မင်းနဲ့ ကမ္ဘာကြီးနီးလာမှာ မဟုတ်ဘူး
ဒဏ်ရာတွေနဲ့ မိတ်ဆွေဖွဲ့နေရတဲ့
ငါတို့ဝန်းကျင်မှာ
လူသားအချင်းချင်းစာနာတတ်အောင်
မင်းစာများများဖတ်စေချင်တယ်။

အသက်ရှူကျပ်နေတဲ့ ငါတို့ကမ္ဘာမြေမှာ
ငါးကလေးတစ်ကောင်ရဖို့အတွက်
ဘယ်တော့မှ တီမတူးနဲ့ ညီလေး၊
လူဆိုတာ သွေးနဲ့ကိုယ် သားနဲ့ကိုယ်
ဖွဲ့စည်းတည်ဆောက်ထားတာမဟုတ်လား

ငါဆွဲလက်စ ဖဲချပ်ဟာ
မင်းအတွက်လက်ခံတဲ့အခါ
အမှန်တရားဆိုတဲ့ နံပါတ်ကလွဲပြီး
ဘာနဲ့မှ ဆေးပေးမီးယူမလုပ်ပစ်နဲ့နော်....။

ကဗျာက ဒါပါပဲ။
ဒါပဲဆိုပေမယ့် သောက်လက်စ ကော်ဖီကတော့ အေးခဲသွားတယ်။
စီးကရက်မသောက်တတ်တာပဲ ခပ်ကောင်းကောင်း။
နှုတ်ခမ်းမီးလောင်သွားမှာ စိုးလို့၊
အဖွဲ့အစည်း တစ်ခုက ထုတ်ဝေတဲ့ နှစ်လည်စာစောင်ကို အမှတ်တမဲ့ လှန်လှောရင်း ငြိယှက်သွားစေတဲ့ ကဗျာ။
ကဗျာရေးသူက 'ကိုသစ် (ကေတုမတီဆောင်)' တဲ့၊
ကဗျာရေးသူရဲ့ အမည်ကို မကျက်မိပေမယ့် ရင်ထဲမှာ ၀မ်းစာအတော်များများ ဒါမှမဟုတ် ၀န်ထုပ်ဝန်ပိုးတစ်ခုကို
နှလုံးသားနဲ့ ထမ်းထားတာ သေချာနေပါတယ်။
ညီလေးဖတ်ဖို့ တဲ့။
မရင့်ကျက်သေးတဲ့ လူငယ်တစ်ယောက်ကို ညီလေး လို့ ခေါ်ရင် ခုဖတ်နေမိတဲ့သူလည်း ညီလေး ပေါ့။

(၂)

ဘ၀က မျိုသိပ်မှုတွေနဲ့ ကျင့်သားရခဲ့တာ
ကြာလှပေါ့...
ကြိုးကိုင်ကြမ်းမှ လိမ္မာတယ်လို့
ငါတို့ အမျိုးတွေ ပြောလေ့ရှိတယ်
အဲဒါ မဟုတ်ဘူးနော်၊
လူဆိုတာ ရတနာပဲ ညီလေး။

ကဗျာရဲ့ အစပိုဒ်က မောင်းနှင်လိုက်တဲ့ အတွေးတွေက ငယ်စဉ်က စာသင်ဇရပ်လေးဆီ ကျောင်းပြန်တက်သွားကြပါတယ်။
ကြိမ်လုံးဝင့်သံတွေ၊ အော်ဟစ် ကြိမ်းမောင်းသံတွေကြားမှာ အားငယ်စိုးရွံစွာ ရုန်းထနေရတဲ့ ကလေးငယ်တစ်ယောက်ရဲ့ အိပ်မက်တွေကို ပြန်ထူပေးချင်နေမိပါရဲ့။
စေတနာဆိုတဲ့ ဝေါဟာရကို ကရုဏာဒေါသောတွေနဲ့ မသဲမကွဲ ရောထွေးပစ်တတ်တဲ့ စာသင်ခန်းတွေကို အကြိမ်ကြိမ်ဖြတ်သန်းခဲ့ရတဲ့ ညီလေးဟာ ကဗျာဖတ်သူကိုယ်တိုင်ဖြစ်နေခဲ့ပါရောလား။
ကဗျာရေးသူကိုယ်တိုင်ကရော။

ကြိုးကိုင်ကြမ်းမှ လိမ္မာသတဲ့လား။
မဟုတ်ဘူး မဟုတ်ဘူး။
လွှတ်ချလိုက်၊
လွှတ်ချပစ်လိုက်။
လက်ဆင့်မကမ်းချင်ပါနဲ့တော့။
ကဗျာဆရာနဲ့ အတူ ရောယောင်အော်မိတယ်၊

လူဆိုတာ ဘာသာစကားရှိတယ်။
ဘာသာစကားမရှိတဲ့ ခိုင်းနွားတစ်ကောင်ဆိုရင်တောင် 'ဟိတ်' ဆိုတဲ့ အသံကို ဘာသာပြန်တတ်တာပါပဲ။
''လူသားတစ်ယောက်နဲ့ တစ်ယောက်
နုညံ့ခြင်းပြိုင်ပွဲ မရှိတာကိုတော့ ကျွန်တော်က ရယ်သွမ်းသွေးလိုလှပါတယ် '' ဆိုတဲ့ ကဗျာဆရာကြီး မောင်ချောနွယ်ရဲ့ စကားက ပိုပြီး အမှတ်ရစရာပါ။

မျက်ရည်တွေေ၀၀ါးနေတဲ့ကြားထဲ
အဲဒီ ကြိမ်လုံးတွေနောက်ကို ၀င်ပုန်းကြည့်ချင်ခဲ့ပါတယ်။
လူဆိုတာ ရတနာပဲ တဲ့။
မိဘဆရာတွေကို ထိထိရှရရှ လွမ်းမိသွားပါတယ်။

ပြီးတော့ မပြောဖြစ်ခဲ့ပဲ(ပြောခွင့်လည်း မရခဲ့ပဲ) ရင်ဘတ်ထဲမှာ တငွေ့ငွေ့လောင်ခဲ့တဲ့စကားတွေကိုတော့ နောက်ထပ်မျိုးဆက်တစ်ခုရဲ့ နှလုံးသားထဲ ဆက်လောင်မြိုက်ဖို့ ချန်မထားလိုတော့တာ သေချာသွားပါတယ်။

(၃)

ကျောပိုးအိပ်ထဲ
စာအုပ်တွေ အပြည့်သိပ်ထည့်
ခေါင်းငိုက်စိုက်ချလို့
စာချည်းပဲကျက်မနေနဲ့။

ကျောင်းမှန်မှန်တက် စာမခက်။ စာမှန်မှန်ကျက် အတန်းတက်။ နံရံပေါ်က တွန်းတွန်းတိုက်တိုက် ကန်ချက်တွေကို အလူးအလဲ ပုတ်ထုတ်ဖို့ ကုန်းထ။ ညီလေးက ကျောပိုးအိပ်ထဲကို စာအုပ်တွေ အပြည့်အသိပ် ထည့်ပြီးချိန်မှာ ညီလေးကိုလည်း စာသင်ခန်းတွေထဲ အပြီးအပိုင် ထိုးထည့်ခံလိုက်ရတော့တာပါပဲ။
ညီလေးကိုယ်တိုင်က စာသင်ခန်းတွေထဲ တိုးဝင်သွားတာလား၊
တစ်စုံတစ်ရာက တွန်းပို့လိုက်တာလား။
ဘာပဲဖြစ်ဖြစ် ဒီနေ့ထိ ညီလေးက စာသင်ခန်းထဲမှာ။
ပြီးတော့ ညီလေးကိုယ်တိုင်ကလည်း သင်ခန်းစာဖြစ်သွားခဲ့သေးရဲ့။
ဟောဒီမှာ
သင်တန်းဆင်းလက်မှတ်တွေ များလားတယ်၊
မတောက်တခေါက် သိတာတွေ များလာတယ်။
မသေချာတာတွေ များလာတယ်။
ပန်းတိုင်တွေ များလာတဲ့အထိ အန္တရာယ်ကြီးထွားစေတဲ့ အဲဒီသင်ရိုးဆန်လွန်းတဲ့ နေ့ရက်တွေထဲမှာ
ညီလေးရေ အမှန်တကယ်ရော ပျော်ပါရဲ့လားကွယ် ။

ဘ၀မှာ
ဘယ်သူ့ကိုမှ မထိခိုက်ဘူး၊
ကိုယ့်အတွက်လည်း နစ်နာမသွားဘူးဆိုရင်ပေါ့
မင်းကြိုက်တာလုပ်ပစ်လိုက်စမ်း
ဦးထုပ်မဆောင်းတဲ့
ဆိုင်ကယ်မောင်းသမားကို ဖမ်းသလို
ငါ မင်းကို လက်လှမ်းတားမှာ မဟုတ်ဘူး။

လူတွေရဲ့ စိတ်နဲ့ စာရိတ္တထက် ဗဟိဒ္ဓကိုပဲ တို့မီးရှို့မီးလုပ်တတ်တဲ့ အကန့်အသတ်တွေကို ဖောက်ထွက်နိုင်ဖို့၊ အဲဒီ သူပြောလူပြောလူ့ကျင့်ဝတ်တွေထဲ ရောယောင်ပြီး လူဖြစ်မရှုံးဖို့ ။
၂၁ ရာစုကို ၂၁ ရာစုအတိုင်းနေတတ်ဖို့တော့ အတိအကျလိုအပ်တယ်။
စိတ်ကိုသာ လှပအောင် ၀တ်ဆင်တတ်ရင် အပေါ်ယံအကြောင်အကျားတွေက ဘယ်လိုမှ သိမ်ငယ်စရာမရှိဘူး။

ဒါပေမယ့်
လှောင်ကန်ထဲ အထည့်ခံထားရတဲ့
ငါးကလေးတွေရဲ့ ဒုက္ခကို စာနာတတ်ဖို့
မင်း စာများများဖတ်ဖို့တော့ လိုလိမ့်မယ်။

ကမ္ဘာ့မြေပုံကြီးရှေ့ချပြီး
တူအောင်အဆွဲကျင့်နေရုံနဲ့
မင်းနဲ့ ကမ္ဘာကြီးနီးလာမှာ မဟုတ်ဘူး
ဒဏ်ရာတွေနဲ့ မိတ်ဆွေဖွဲ့နေရတဲ့
ငါတို့ဝန်းကျင်မှာ
လူသားအချင်းချင်းစာနာတတ်အောင်
မင်းစာများများဖတ်စေချင်တယ်။

အရေးကြီးတယ်၊
အရေးကြီးနေတယ်။
အရေးတကြီး ဖြစ်နေတယ်။
ကမ္ဘာကြီးရဲ့ နာမကျန်းမှုတွေကြား လူတွေ စာရိတ္တဆင်းရဲလာကြတယ်။
ကိုယ့်ရိုးသားခွင့်ကို သူတစ်ပါးဆီမှာလက်ဖြန့်တောင်းနေကြရတယ်။
တစ်ယောက်ရဲ့ ရပိုင်ခွင့်ကို တစ်ယောက်က တံခါးပိတ်ပစ်လိုက်ကြတယ်။
ကမ္ဘာတစ်ခြမ်းက စစ်ပွဲတစ်ပွဲဟာ
ကမ္ဘာတစ်ခြမ်းက ငတ်မွတ်ခေါင်းပါမှုဟာ
ကမ္ဘာတစ်ခြမ်းက ငလျင်နဲ့ မုန်တိုင်းတွေဟာ
ကိုယ့်ရဲ့ ခေါင်းတစ်ခြမ်းကိုက်ဝေဒနာလောက် အရေးမကြီးဘူး တဲ့။
တကယ်က အဲဒီလို မဟုတ်ဘူးနော်။
ကမ္ဘာပြုမိုးတွေ ရွာဖို့ ညီလေးရဲ့ လက်တွေကို ဆေးကြောထား၊
ကမ္ဘာပြုပန်းတွေ ပွင့်ဖို့ ညီလေးရဲ့ စိတ်တွေကို ပျိုးထား။
ကမ္ဘာမြေကို သင်ယူဖို့တော့ ညီလေးကိုယ်တိုင်ရဲ့ အရေးပေါ်ကိစ္စ။
ကဗျာဆရာနဲ့အတူ။
ညီလေးနဲ့အတူ ကမ္ဘာမြေရဲ့ စာမျက်နှာတွေကို ဖတ်ကြရမှာပါ။

အသက်ရှူကျပ်နေတဲ့ ငါတို့ကမ္ဘာမြေမှာ
ငါးကလေးတစ်ကောင်ရဖို့အတွက်
ဘယ်တော့မှ တီမတူးနဲ့ ညီလေး၊
လူဆိုတာ သွေးနဲ့ကိုယ် သားနဲ့ကိုယ်
ဖွဲ့စည်းတည်ဆောက်ထားတာမဟုတ်လား

ငါဆွဲလက်စ ဖဲချပ်ဟာ
မင်းအတွက်လက်ခံတဲ့အခါ
အမှန်တရားဆိုတဲ့ နံပါတ်ကလွဲပြီး
ဘာနဲ့မှ ဆေးပေးမီးယူမလုပ်ပစ်နဲ့နော်....။

ကော်ဖီက အေးစက်သွားပြီမို့ ကဗျာကိုပဲ မော့ချပစ်လိုက်တယ်။

ဓမ္မဂင်္ဂါ

အိပ်မက်

2011-07-25T20:12:00.000-07:00

နတ်သား တစ်ပါးနှင့် တွေ့သည်၊ ဖူးစာရေးနတ်တော့ မဟုတ်တာ သေချာသည်၊ လူတွေ ပြုလုပ်သမျှ အကောင်း၊ အဆိုးနှစ်ရပ်ကို သတင်းများမှတဆင့် မှတ်တမ်းတင်ရင်း၊ နိဗ္ဗာန်စော် အလုပ်ပါ ပူးတွဲ တာဝန်ယူသည့် သတင်းစောင့်နတ်ဖြစ်မည်ဟူ၍ ကိုယ့်ဘာသာကိုပဲ ခန့်မှန်းကြည့်သည်၊ (နတ်မင်းကြီးကိုယ်တိုင်ကလည်း သူ့ကိုယ်သူ ဘာဂျူတီကျသည့် နတ်ဆိုတာ ပြောမသွားခဲ့ပေ)

”အသင်လူသား အများအကျိုး ရွက်သယ်ပိုးတာ နည်းလှချည်လား”

“ဟာ...မနည်းပါဘူး၊ နတ်မင်းကြီးရဲ့”

“အိမ်း..တချို့လူတွေများ အများကောင်းကျိုးအတွက် သူတို့လုပ်ခဲ့သမျှတွေကို သတင်းတွေကနေ ငါ့မှာ မြင်ရ၊ ကြားရလွန်းလို့ ကြာလာတော့ မျက်စိရှုပ်၊ နားရှုပ်တောင် ဖြစ်လာတယ်…အသင့်မှာဖြင့်”

”အော်….ဒီလိုပါ နတ်မင်းကြီး”

“ကျွန်တော်မျိုးလည်း သူတို့နဲ့ ထပ်တူနည်းပါး လုပ်တာပါပဲ….ဒါပေမယ့် သူတို့လို မိတ္တူများများ ပွါးနိုင်စွမ်းတော့ ကျွန်တော်မျိုးမှာ မရှိကြောင်းပါ နတ်မင်းကြီး၊ မြင်ချင်၊ ကြားချင်ရင်ဖြင့် အရှင်နတ်မင်းကြီးက ကျွန်တော်မျိုးကို အဲဒီအစွမ်းအစကိုသာ ပေးသနားတော်မူပါ…။

မိတ္တူများများ ပွါးနိုင်ခွင့်ရှိကြစေ...။

မော်ကွန်းသစ်

၁၉.၇.၂၀၁၁

လူ့စိတ်

2011-07-24T00:23:00.000-07:00

မျောက်ကလေးတစ်ကောင်က

ဟိုပြောင်ပြ ဒီပြောင်ပြ

ဟိုကိုင်းကူး ဒီကိုင်းကူး

အသံကလည်း ဂျစ်တူးတူးနဲ့

ဂဏှာကို မငြိမ်ဘူး။

အိပ်စက်ဖို့ တစ်ညတာ

စောစောအိပ်ပျော်လေမလားလို့

ခပ်စောစောပဲ အိပ်ရာဝင်ခဲ့တယ်…

သို့သော်လည်းလေ…ထိုသို့သော်ပေါ့…။

သူနဲ့အတူ...ကော်ဖီသောက်ရရင် ကောင်းမယ်

သူနဲ့အတူ...ပန်းခြံထဲ လျှောက်လည်ရရင် ကောင်းမယ်

သူနဲ့အတူ...ထီးတစ်ချောင်းထဲ နှစ်ယောက်ဆောင်းရရင် ကောင်းမယ်

သူနဲ့အတူ...ရင်မောရတဲ့ အနမ်းလေးတွေ… အလှည့်ကျ ပေးရရင်ကောင်းမယ်

သူနဲ့အတူ...တည်းခိုခန်းမှာ………အဲ…အဲ…

အော်….ဟုတ်တယ်…ဟုတ်ပါတယ်….

ငါ့စိတ်ကိုလည်း

မျောက်စိတ်လို့ ခေါ်ရင်ကောင်းမယ်…..။

မော်ကွန်းသစ်

17.7.2011

လူသားအားလုံးလေးစားလည်း အပိုပဲ

2011-07-20T06:08:00.000-07:00

“အသင်လူသား ထစမ်း”

“ဘာလဲဟ”

“အောင်မာ အောင်မာ ငါ့ကိုများ ဘာလဲဟတဲ့”

“ဂါရ၀တရား နည်းလှချည်လား”

“ငါက နတ်ဖြစ်ပေတော့သကိုး”

“နတ်ယုံတဲ့ လူစားမဟုတ်ဘူး”

“ဘာ” “ဒီလောက် ကိုယ်ထင်ပြတာကိုပဲ မင်းက နတ်မယုံဘူး ဟုတ်လား”

“ငါက လူဘ၀မှာတုန်းက ရာထူး၊ ဂုဏ်သိန် အင်မတန်ကြီးမားခဲ့တဲ့လူကွယ့်...
မင်းတို့ ဌာနကို ငါပဲ...ဦးစီးခဲ့ရတာလေကွယ်၊ အခု ငါပြုလုပ်ခဲ့တဲ့ မစို့မပို့ ကုသိုလ်ကောင်းမှုလေးကြောင့် နတ်ပြည်မှာ နတ်သား ဖြစ်ရတာ၊ ငရဲမင်းက ဗီဇာတော့ သိပ်မပေးလိုက်ဘူးကွယ်...”

“ဘာတွေလာပြောနေတာလဲ၊ အဲဒီ ရာထူးက ခင်ဗျားနဲ့ နတ်ပြည်မှာ ပါသွားလို့လား၊ ခင်ဗျားက အခုထိ အဲဒီရာထူးနဲ့ တာဝန်ယူစဲလား”

“လူ့ကိစ္စက လူ့ကိစ္စပဲလေကွယ်…၊ နတ်သားပါဆိုမှ အဲဒီ လူ့ကိစ္စတွေ ဘယ်ရှိတော့ပါ့မလဲကွယ်၊ မင်းတို့ပဲ လြူ့ပည်တုန်းက ငါ့ကို လေးစားလှချည်ရဲ့ဆို၊ ဟိုဟာလေး လိုချင်ရင်လည်း လေးစားရ၊ ဒီနေရာ အဆင်မပြေလို့ ပြောင်းချင်ပြန်ရင်လည်း လေးစားရ၊ ပူဇော်ရနဲ့…အခုတော့ ဘယ်လိုဖြစ်ပ”

“အခု လိုချင်နေတဲ့ ပါမစ်တွေ ပေးနိုင်သေးလို့လား နတ်မင်းကြီး”

“အမ်… ဒါတော့ ဘယ်ပေးနိုင်တော့မှာလဲ၊ အခု မင်းတို့ ဌာနမှာ ငါ့နေရာကို ယူထားတဲ့ လူကို ပြောကြည့်ပေါ့…”

“ဒါဆိုရင်တော့ နတ်မကလို့ သိကြားပဲ ဖြစ်ပလေ့စေ…ဆောရီးပဲ…အိပ်ရေးပျက်တယ်…အိပ်ရေး မ၀ရင် ကျုပ်အကြောင်းကောင်းကောင်း သိတယ်နော်၊ နတ်ပြည်ကို ပြန်ကြွတာတောင် ခြေသံ မထွက်စေနဲ့၊ ကဲ…ကဲ ကြွ….ကြွ…” (နတ်သားခမျာ အာဏာမပါလေတော့ သူ့လာရင်းကိစ္စကိုတောင် ပြောမသွားခဲ့ရရှာပေ)

လူလေးစားခံသင့်ပါသလား၊ အဲဒီမေးခွန်းအတွက် ကိုယ့်ဟာကိုပဲ ပြန်ဖြေလိုက်ပါတယ်။ လူတင်မကပါဘူး၊ သတ္တ၀ါအားလုံးက လေးစားတာ ခံယူသင့်တာပေ့ါ။ လေးစားခံရတယ်ဆိုတာ လူတစ်ယောက်ရဲ့ ကြိုးစားမှုတစ်ရပ်ကြောင့် ရရှိလာတဲ့ အကျိုးရလဒ်ကို ကျန်တဲ့လောကသားတွေက ထိုက်ထိုက်တန်တန် ဂုဏ်ပြုမှုတစ်ခုပေပဲ။ သူ့တစ်ယောက်စာအတွက် ရလာတဲ့ အကျိုးတရားဆိုရင် တစ်ယောက်စာနဲ့ ထိုက်တန်သလောက် ဂုဏ်ပြုကြမှာပေါ့။ အများအကျိုးအတွက်ဆိုရင်တော့ ဒီထက်မက အများကြီး ဂုဏ်ပြု ပူဇော်ကြရ၊ လေးစားကြရတာပါပဲ။ ကိုယ့်ကို လေးစားကြ၊ ပူဇော်ကြတာဟာ အစစ်လား အတုလား၊ ရာထူးတွေ၊ ဂုဏ်တွေကို မြင်လို့ အပေါ်ယံသက်သက် လေးစားခြင်းခံရတာလားဆိုတာကိုတော့ ခွဲခြားတတ်ဖို့ လိုပေလိမ့်မယ်၊ (သိသိကြီးနဲ့ မိုက်ရင်လည်း မိုက်ပေါ့)

ဘယ်နေရာမှာမဆို စေတနာလေး ထားပြီးလုပ်ပေးပါ။ ရာထူးတွေ၊ ဂုဏ်တွေ မြင့်မားသလောက် စေတနာတွေက မြင့်မားနေမယ်ဆိုရင်တော့ ပိုလို့တောင် ကောင်းပါသေးတယ်။ အဲဒါတွေမရှိလည်း စေတနာထားပေးပါ။ စေတနာဆိုတာ လူ့စိတ်က ဖန်တီးထုတ်လုပ်လိုက်တာဖြစ်လို့ ရာထူး၊ ဂုဏ်တွေ မပါလည်း ရပါတယ်။ စေတနာကို လေးစားခံရတာမှ တကယ့်အစစ် လေးစားကြခြင်းဖြစ်ပါတယ်။ ဆိုက်ကားသမားက ကိုယ်ရဲ့ဆိုက်ကား ငှါးစီးသူတွေကို တန်ရာတန်ကျေး ပိုက်ဆံတောင်းပြီး၊ တော်ရုံတန်ရုံ စိတ်ထားနဲ့ပဲ လိုရာခရီးကို ပို့ပေးတယ်ဆိုရင် အဲဒီဆိုက်ကားသမားဟာ ဆိုက်ကားသမားပါပဲ၊ ဒီထက်မပိုပါဘူး၊ လိုရာခရီးကို ချောချော့မွေ့မွေ့ရောက်ပါစေတော့ရယ်လို့ ကိုယ့်ရဲ့ စိတ်ကို စေတနာစိတ်လေး ပြောင်းပေးလိုက်တယ်ဆိုရင် သူတပါးတို့ရဲ့ လိုရာခရီးကို ရောက်အောင်ပို့ပေးနိုင်တဲ့အတွက် သူဟာ အရှင်သခင် ဖြစ်လို့နေတော့တယ်။ အလုပ်ချည်းသက်သက်က ကံမဖြစ်ပါဘူး၊ စေတနာပါမှသာ ကံစစ်စစ်ဖြစ်သွားတာပါ။ "စေတနာ ကမ္မံ အဟံ ၀န္ဒာမိ ဘိက္ခဝေ"တဲ့။ ကောင်းကံဖြစ်ချင်တယ်ဆိုရင်တော့ ကိုယ်လုပ်တဲ့ အလုပ်ကို ကောင်းတဲ့စေတနာများနဲ့ အရင်းစတည်လိုက်ပါ။ စေတနာအရင်းခံ မဟုတ်တဲ့ လေးစားမှု၊ ပူဇော်မှုမျိုး ဖြစ်နေလို့ကတော့ လူသားအားလုံးလေးစားလည်း အပိုပဲ။

မော်ကွန်းသစ်
20.7.2011

လက်သစ် မိစ္ဆာ

2011-07-19T09:33:00.000-07:00

သံယောင်တွေမှာ

ယီးလေးခိုတွဲ
ကိုယ်ယုံကြည်ရာပဲ
တစ်ဖက်စွန်း နင်းခဲ့တယ်....

ဘုရားစကားတွေက..
အသားတောင်ကျနေပေါ့…
သူ့အတိုင်းပဲ ထားထားခဲ့တာလေ...

မြင့်မြတ်မှုတဲ့လား
အမြင်မခမ်းနားရင်တော့
သွားစမ်းပါ... ရွှေချဖို့
ကြီးကျယ်မှုကိုတောင်
ဆစ်ဆေးသုတ်လိုက်ပြီ။

တရားဆရာက
သံသရာစက်ဝိုင်းနဲ့
တံခါးလာအခေါက် ငါက...
သားငယ်ရေးတဲ့ ၀လုံးလေးကြောင့်
မူးချာနောက်...။

မော်ကွန်းသစ်
၁၉.၇.၂၀၁၁

ရဟန်းတို့ ဣနြေ္ဒ

2011-07-17T22:32:00.000-07:00

ရဟန်းတစ်ပါးရဲ့
သင်္ခန်းစာမှာ
ပေယျာလတွေက များလွန်းလှပေါ့
အဲဒီပေယျာလတွေကို
ဖော်ပြခွင့် မရှိကြတာကိုက
ပေယျာလတွေနဲ့ သူ့ကမ္ဘာမြေဟာ
ပိုလှသွားတာ…။

သိပ်လှတာလေးများတွေ့ရင် သိမ်းပိုက်ချင်ကြတယ်။ လိုချင်တာမရကြတော့ ကိုယ့်ဟာကိုရော၊ တပါးသူကိုပါ နှိပ်စက်ချင်ကြပြန်ရော…။ ဒီကြားထဲ မိန်းမောတွေဝေမှုတွေ ဖြစ်လိုက်ကြတာလည်း ဒုနဲ့ဒေး။ တချို့ကြတော့ သိမ်းပိုက်ချင်တဲ့စိတ်တွေ၊ နှိပ်စက်ချင်တဲ့စိတ်တွေ၊ တွေဝေတတ် တဲ့ စိတ်တွေဟာ ကိုယ့်ရဲ့ သန္တာန်မှာ ဖြစ်လာခဲ့ရင် ဖြစ်လာချင်းပဲ အပြင်ကို ဖော်ထုတ်လိုက်ကြတယ်။ ချုပ်တည်းနိုင်စွမ်း မရှိကြဘူး။ ပုထုဇဉ်လက်မှတ်ကလေးတစ်ခုတည်းနဲ့ ထင်ရာလုပ်ပစ်လိုက်တတ် ကြတယ်။ တချို့တတ်နိုင်သလောက် ထိန်းကြတာမျိုးလည်း ရှိပါတယ်။

မဇ္ဈိမပဋိပဒါဆိုတာ သိပ်ပေါ်ပြူလာဖြစ်တဲ့ စကားလုံးလေးမို့ တော်တော်များများ သိထားကြပါတယ်။ ဘ၀အတွက်၊ သံသရာအတွက် လမ်းလျှောက်ကြတဲ့အခါ အလည်တည့်တည့်ကသွားဖို့ ပြောထားတဲ့ ဗုဒ္ဓဘုရားရှင်ရဲ့ စကားလုံးလေးပါပဲ။

လောဘနဲ့ သိမ်းပိုက်တဲ့ အစွန်းမှာလည်း မလျှောက်မိစေနဲ့။
ဒေါသနဲ့ နှိပ်စက်တဲ့ အစွန်းကိုလည်း မကပ်မိ၊ မလျှောက်မိစေနဲ့၊
အလည်တည့်တည့်ကသာ သွားပါလေ..တဲ့။

ဘုရားရှင်က လောကသားတွေအတွက် အရင်ဦးဆုံး ချပြခဲ့တဲ့ တရားဦးလေးပါပဲ။

အာရုံတစ်ခုခုနဲ့ကြုံတွေ့လာရင် ဖြစ်လာတဲ့ စိတ်ကလေးကို ချုပ်တီးနိုင်စွမ်းရှိတဲ့သူဟာ ဣနြေ္ဒရှိတယ်လို့ ခေါ်တာပါ။ ခပ်စိမ်းစိမ်းလေးပြောရရင် ဟန်ဆောင်မှုတစ်ခုပါပဲ။ သိမ်းပိုက်ချင်တဲ့ စိတ်တွေ၊ နာကြည်းမုန်းတီးတတ်တဲ့ စိတ်တွေဟာ ပုထုဇဉ်လူသားပဲ ဖြစ်မိမှာပေါ့။ ဒါပေမယ့် ဖြစ်တာကို မဖြစ်ရလေအောင် ဟန်ဆောင်ရတယ်၊ ဣနြေ္ဒဆောင်ရတာပါပဲ။ ဒါမှသာ အစွန်းနှစ်ဖတ်လွတ်တဲ့ မျှတတဲ့စိတ်ထားရှိသူ ဖြစ်သွားတာပါ။

လောကမှာ မယူတတ်ရင် ကိုယ်က ရလိုက်တာက နည်းနည်းရယ်။ အဲဒီ နည်းနည်းလေးကိုပဲရဖို့ ပေးဆပ်လိုက်ရတာက အများကြီး။ ဒါကို လူတွေက သတိမထားကြဘူး။ ကိုယ်လိုချင်တာကို အကြောင်းကြောင်းကြောင့် ရလိုက်တယ်ပဲထား.. ဒါပေမယ့် ကိုယ်သတိမထားလိုက်တဲ့ အရာတွေက ဘယ်လောက်များများ ကိုယ့်ကို ချုပ်ကိုင်ထားလိုက်လဲ၊ ကိုယ့်သံသရာက ဘယ်လောက်များ ရှည်လျားသွားသလဲဆိုတာကိုတော့ တွေးကြည့်ဖို့ကောင်းတယ်။

တစ်ဖတ်သက်ဆိုတဲ့ စကားလုံးလေးက အစွန်းဘက်ကို ဦးတည်တယ်ဆိုတာ သိသာပါတယ်။ လူတွေဟာ ကိုယ့်ရဲ့ လိုအပ်ချက်လေး ဖြည့်ဆည်းဖို့အတွက် တစ်ဖတ်ကို သတ်ပစ်လိုက်ကြတယ်။ တစ်ကိုယ်ကောင်းဆန်တဲ့ အတွေးအခေါ်၊ အပြောအဆို၊ အလုပ်အကိုင်တွေနဲ့ပဲ နေချင်ကြတယ်။

ဦးလေးက သူ့ရဲ့တူလေးကို မေးပါတယ်။
“မင်းကြီးလာရင် ဘာလုပ်မှာလဲ”တဲ့။ ဒီတော့ တူလေးက ပြန်ဖြေတယ်။ “စစ်ဗိုလ်ကြီးလုပ်မယ်”တဲ့။ ဦးလေးက ပြန်မေးတယ် “အသတ်ခံရမှာ မကြောက်ဘူးလား” တူလေးက “ဘယ်သူက သတ်မှာလဲ” တဲ့။ “ရန်သူကပေါ့”လို့ ဦးလေးကပြန်ပြောတော့ “ဒါဆိုရင် ကျွန်တော်ရန်သူလုပ်မယ်”တဲ့။
ဒီလိုပါပဲ။ လူတွေဟာ လူကောင်းပဲဖြစ်ဖြစ်၊ လူဆိုးပဲဖြစ်ဖြစ် ကိုယ်က လုပ်လိုက်ရတဲ့ ဘက်ကချည်း နေချင်ကြတယ်။ အဲဒီလို သဘောတရားမျိုးတွေရှိကြလို့လည်း ဘုရားရှင်က အဲဒီအစွန်းတွေကနေ လွတ်အောင် အလည်တည့်တည့်ကို လျှောက်ခိုင်းတာပါ။

ရဟန်းဆိုတာ လျှောက်မိတတ်တဲ့ အစွန်းတွေကို ဣနြေ္ဒနဲ့ ဖျက်စီးပစ်လိုက်တာပါ။ ဖြစ်တတ်တဲ့ လောဘ ဒေါသ၊ မာန်မာနတွေကို ရဟန်းတစ်ပါးရဲ့ သင်္ခန်းစာမှာ ပေယျာလမြုပ်ပစ်လိုက်ရတဲ့ သဘောပါပဲ။ ရှိတော့ရှိတယ်၊ ဒါပေမယ့် ပေယျာလလုပ်ထားတာ။

အဲဒီ မြုပ်ထားတဲ့ လောဘ၊ ဒေါသ၊ မာန်မာနတွေကို ရဟန်းကိုယ်တိုင်ကလည်း အမြဲမြုပ်ထားနိုင်အောင် ကြိုးစားထားရတယ်၊ တစ်စုံတစ်ယောက်က လာပြီးတော့လည်း နှစ်ဦးနှစ်ဘက် အကျိုးမရှိတဲ့အတွက် တူးဆွဖော်ထုတ်ပိုင်ခွင့် မရှိပါဘူး။ ရဟန်းကိုယ်တိုင်ကလည်း ခွင့်မပေးရဘူး။ အဲဒါကို ဘာဝနာလို့လည်း ခေါ်ကြပါတယ်။

သိမ်းပိုက်ချင်စရာ၊ ဒါမှမဟုတ် နှိပ်စက်ချင်စရာတွေ ဖြစ်လောက်အောင် အာရုံတွေက မြင်လာတဲ့အခါ၊ ကြားလာတဲ့အခါ၊ အနံ့ရလာတဲ့အခါ၊ အရသာ၊ ထိတွေ့မှုတွေနဲ့ ကြုံလာတဲ့အခါမှာ ပြူတစ်၊ ပြူတစ် လုပ်လာတတ်တဲ့ စိတ်ကလေးကို ငြိမ်ငြိမ်ကလေးကုတ်နေအောင် ဘာဝနာစွမ်းအားနဲ့ ပြန်မောင်းထုတ်လိုက်တာပါပဲ။ အဲဒီလို ပြုလုပ်လိုက်တဲ့အတွက် ရလာတဲ့ စွမ်းအားကတော့ ချမ်းသာမှုဆိုတာပါပဲ။ ဖြစ်လာတဲ့ စိတ်ကို ဖြစ်လာချင်းပဲ လွှတ်ပေးလိုက်ကြည့်ပါလား၊ ခဏဖြစ်ဖြစ် စိတ်ချမ်းသာတယ်တော့ ထင်ရတာပေါ့လေ။ ဒါပေမယ့် အဲဒီစိတ်ချမ်းသာမှုက အစစ်မဟုတ်ပါဘူး။ အာရုံက လူကို ပြူစားခြင်း ခံလိုက်ရတာပါပဲ။ အပျင်းပြေရုံလောက်သာ ဖန်တီးပေးတာဖြစ်ပါတယ်။

မော်ကွန်းသစ်
18.7.2011

ရဟန်းနဲ့ အချစ်ကဗျာ

2011-07-13T00:21:00.000-07:00

လပြည့်ညမှာ
ချစ်တင်းနှောနေတဲ့
ချစ်သူနှစ်ဦးအကြောင်း
ကဗျာအရိပ်မှာ ပုံနှိပ်ဖော်ကြည့်တယ်

ခံစားချက်က
လားလားမှ မရှိလေတော့....
ကဗျာတစ်ပုဒ်ဖြစ်ဖို့ ဝေးရော
မှင်စွန်းမခံရသေးတဲ့ စာရွက်ဟာ
ခုထိ....သူတော်စင်ကြီးကိုဖြစ်လိ်ု့ ..........

စိတ်ကူးတွေကို အထပ်ထပ်
တွင်းတူးရှာလိုက်ရဲ့

ခေါင်းပေါ်မှာ
အကုသိုလ်တွေပဲ
တခုပြီးတခု
ပြုတ်ပြုတ်ကျလာတယ်….။

မော်ကွန်းသစ်
13.7.2011, 1:00pm.

ဈာန်ရ ရသေ့ကြီး

2011-07-12T03:49:00.000-07:00

အထာမဆန်
ထိုမူဟန်လေးပေါ့
ငါ့ စိတ်အကွေးမှာ လာချိတ်
စိပ်ပုတီးလေး ပျောက်သွားပြန်တယ်..း)

နာမည်များရဲ့ ပိုင်စိုးမှု

2011-07-07T08:27:00.000-07:00

(၁)
နတ်သားတစ်ပါးက ဘုရားရှင်ကို လျှောက်တယ်။ လောကမှာ အရာအားလုံးကို ပိုင်စိုးထားတဲ့ အရာဟာ ဘာပါလဲတဲ့။ ဒီတော့ ဘုရားရှင်က ပြန်ဖြေတယ်။ အမည်နာမတဲ့။ သက်ရှိသက်မဲ့ အရာခပ်သိမ်း အမည်နဲ့ မကင်းကြဘူးတဲ့။

တလောက ဂင်္ဂါဆိုတဲ့နာမည်လေးကို နှစ်သက်မိကြောင်း သူငယ်ချင်းတစ်ယောက်ကို စကားစပ်မိရာက ပြောပြဖြစ်တယ်။ ဒါပေမယ့် အဲဒီနာမည်ကို ဓမ္မနဲ့ ပေါင်းစပ်ပြီးတော့ ဓမ္မဂင်္ဂါဆိုတဲ့နာမည်နဲ့ အသွင်သွင်စီးပြနေတာကို ဘလော့လောကမှာ ရင်းနှီးနေကြတယ်။

သူငယ်ချင်းကပြောတယ်။ အဲဒီနာမည်ကို မင်းကြိုက်တယ်ဆိုရင် ဓမ္မဂင်္ဂါနဲ့ နာမည်တူလည်းမဖြစ်အောင်၊ မင်းကြိုက်တဲ့ ဂင်္ဂါဆိုတာလည်းပါရအောင်၊ အဓိပ္ပါယ်လည်း သီးခြားကလေးဖြစ်သွားရလေအောင် "အဓမ္မဂင်္ဂါ"လို့ ပေးလိုက်ပေါ့တဲ့။ ဓမ္မဂင်္ဂါနဲ့ “အ” အက္ခရာလေးတစ်လုံးပဲ ခြားနားသွားတာပါ။ ဒါပေမယ့် ဓမ္မရှေ့က “အ” က နာမည်အတိုင်း တကယ်ပုံဖော်လိုက်ရင် ဘုန်းဘုန်းဒေ၀ဒတ်တို့စီ အရောက်ပို့မယ့် “အ”

(၂)
လွန်ခဲ့တဲ့ ခြောက်နှစ်လောက်တုန်းကပါ။ ဒကာမတစ်ယောက်က သူ့သမီးလေးအတွက် အမည်ရွေးပေးဖို့ နားပူနားဆာလာလုပ်တယ်။ ဒါနဲ့ တတ်သလောက်၊မှတ်သလောက် ဆန်ဂိုဏ်းတွေဘာတွေနဲ့ တွက်ချက်ပြီးတော့ ပေးလိုက်တယ်။ အခု ပေးလိုက်တဲ့နာမည်နဲ့ သူတို့ခေါ်နေကြတဲ့နာမည်က တခြားစီဖြစ်နေတယ်။ “ဂျူးဂျူး”တဲ့။ ဘယ်လိုအဓိပ္ပါယ်လဲတော့ မသိဘူး၊ ဂျူးဂျူးတစ်နှစ်လောက်ရှိတော့ အမေက ညီမလေးတစ်ယောက် မွေးပေးလိုက်ပြန်တယ်။ ညီမလေးက အင်္ဂါသမီလေးပါဖြစ်နေတာမို့ “ဇူးဇူး”လို့ သူတို့ ခေါ်ကြပြန်တယ်။ နောက်အိမ်နားနီးချင်း တစ်ယောက်က သမီးလေး တစ်ယောက်မွေးလိုက်ပြန်ရောလား။ သူ့ကိုကျတော့ သူ့အဖေက အမြဲတိုင်းလိုလို အရက်မူးမူးနေတတ်တာမို့ “မူးမူး”လို့ ချစ်စနိုးခေါ်ကြပြန်တယ်။ ညီမတတွေ ဂျူးဂျူး၊ ဇူးဇူး၊ မူးမူး ဆိုပြီး ခေါ်ရတာလည်းလွယ်၊ မှတ်ရတာလည်း လွယ်သွားတယ်။

(၃)
တခါက ဖိုးထောင်ဆိုတဲ့ လူငယ်တစ်ယောက်ရှိသတဲ့။ တနေ့မှာ ရန်ကုန်ကိုသွားရင်းနဲ့ သူငယ်ချင်းဖြစ်သူက ဖိုးထောင်ကို အခြားသူတွေနဲ့ မိတ်ဆက်ပေးလိုက်တယ်။

“သူက အေပရယ်ချစ်ကြည်တဲ့။ ဟိုဘက်က တစ်ယောက်က မေရွက်စိမ်းတဲ့။ ဘေးက ဂျူလှိုင်မို့မို့၊ နောက်တစ်ယောက်က ဇွန်ပွင့်ဖြူ၊ နောက်တစ်ယောက်က ဒီဇင်ဘာနှင်းဦးလို့ခေါ်တယ်”
နာမည်များရှေ့မှာ အင်္ဂလိပ်လနာမည်တွေ ထည့်ထည့်ပြီး ခေါ်ကြတာကို ဖိုးထောင်တစ်ယောက် သဘောပေါက်သွားတဲ့အခါ…

“ကျွန်တော်နာမည်လည်း မှတ်ထားကြပါ၊ သြဂုတ်ဖိုးထောင်လို့ခေါ်ပါတယ်”

မိတ်ဆက်ပေးတဲ့ နာမည်တွေက ကဆုန်ပွင့်၊ ၀ါဆိုမိုးဦးစသဖြင့် မြန်မာလတွေနဲ့သာ ပူးတွဲနေခဲ့ကြရင် ဖိုးထောင်တစ်ယောက် သူ့ရဲ့ နာမည်ရှေးက တပိုးတွဲတွေ၊ တော်သလင်းတွေများထည့်ပြောလေအုံးမလား။

မော်ကွန်းသစ်
9:10pm, 7.7.2011

ဗုဒ္ဓ၀င်မှတ်စု (၂)

2011-07-05T07:30:00.001-07:00

၁၁။ နောက်ဆုံးစံခဲ့သော နတ်ပြည်>>>တုသိတာနတ်ပြည်၊

၁၂။ နတ်သားအမည်>>>သေတကေတုနတ်သား၊

၁၃။ ကြည့်ခြင်းကြီးငါးပါး>>>
(၁) ဘုရားဖြစ်ရာ လူ့သက်တမ်း၊
(၂)ဘုရားဖြစ်ရာကျွန်း၊
(၃)ဘုရားဖြစ်ရာ ဒေသ၊
(၄)ဘုရားဖြစ်ရာ မျိုးနွယ်၊
(၅)မယ်တော်၏ သက်တမ်း၊

၁၄။လူ့သက်တမ်း>>>နှစ်(၁၀၀)သက်တမ်း၊

၁၅။ကျွန်း>>>ဇမ္ဗူဒီပကျွန်း၊

၁၆။ဒေသ>>>မဇ္ဈိမဒေသ၊

၁၇။မျိုးနွယ်>>>သာကီဝင်မင်းမျိုးနွယ်၊

၁၈။မယ်တော်၏အသက်>>>ဘုရားလောင်းတော်ကို ဖွားမြင်ပြီး (၇)ရက်တွင် မယ်တော်နတ်ရွာစံသည်။

၁၉။ပဋိသန္ဓေယူသောနေ့>>>မဟာသက္ကရာဇ်-၆၇ ခုနှစ်၊ ၀ါဆိုလပြည့်၊ ကြာသာပတေးနေ့။

၂၀။ဖွားမြင်သောနေ့>>>မဟာသက္ကရာဇ်-၆၈ ခုနှစ်၊ ကဆုန်လပြည့်၊ သောကြာနေ့။

မော်ကွန်းသစ်
8:00pm,5.7.2011

ဗုဒ္ဓ၀င်မှတ်စု (၁)

2011-07-01T07:22:00.000-07:00

ဘုရားရှင်အကြောင်း မေးလိုက်ရင် မိမိအပါဝင် ချက်ချင်းမသိသေးသောသူများအတွက် ရည်ရွယ်တယ်။ လူ့ယဉ်ကျေးမှုနဲ့ ပတ်သက်တဲ့ သိသင့်၊သိထိုက်တာတွေကို ဆက်လက် မျှဝေမယ်။

ဗုဒ္ဓ၀င်မှတ်စု (၁)

၁။ဗျာဒိတ်ခံယူသော ဘ၀>>>သုမေဓာရှင်ရသေ့ဘ၀။

၂။ဗျာဒိတ်ခံယူသောကမ္ဘာ>>>သာရမဏ္ဍကမ္ဘာ။

၃။သာရမဏ္ဍကမ္ဘာတွင် ပွင့်တော်မူသော ဘုရားများ>>>
(၁) တဏှာင်္ကရာ၊
(၂) မေဓင်္ကရာ၊
(၃)သာရဏင်္ကရာ၊
(၄)ဒီပင်္ကရာ၊

၎။ဗျာဒိတ်ပေးသောဘုရားရှင်>>>ဒီပင်္ကရာ။

(၅)ဗျာဒိတ်ခံယူသောနေ့ >>>ကဆုန်လပြည့်နေ့။

(၆)ပါရမီဖြည့်ဖက်အမျိုးသမီး>>>သုမိတ္တာ။

(၇)ပါရမီဖြည့်ရာကာလ>>>>>>သုမေဓာရှင်ရသေ့ဘ၀မှ ဝေဿန္တရာမင်းကြီးဘ၀အထိ၊ လေးသင်္ချေနှင့် ကမ္ဘာတစ်သိန်း။

(၈)ဖြည့်ဆီးခဲ့သော ပါရမီများ>>>ဒါန၊ သီလ၊ နိက္ခမ၊ ပညာ၊ ၀ီရိယ၊ ခန္တီ၊ သစ္စာ၊ အဓိဋ္ဌာန၊ မေတ္တာ၊ ဥပေက္ခာ၊ စုစုပေါင်း (၁၀) ပါး။

(၉)ပါရမီဖြည့်ရခြင်း ရည်ရွယ်ချက်များ>>>သတ္တများ၏ ကောင်းကျိုးကို ဆောင်ရွက်တော်မူရန်။

(၁၀)စွန့်ခြင်းကြီးငါးပါး>>>>>>(၁) စည်းစိမ်ဥစ္စာကို စွန့််လှူခြင်း၊ (၂) သားသမီးကို စွန့်လှူခြင်း၊ (၃) ဇနီးမယားကို စွန့်လှူခြင်း၊ (၄) ကိုယ်၊ လက်အင်္ဂါကို စွန်လှူခြင်း၊ (၅) အသက်ကိုစွန့်လှူခြင်း၊

မော်ကွန်းသစ်
8:2pm, 1.7.2011

ရာထူးခန့်အပ်ထားခြင်းကိစ္စ သတင်းစာရှင်းလင်းပွဲ

2011-06-28T09:19:00.000-07:00

"ရာထူးဂုဏ်သိန်၊ စည်းစိမ်ဥစ္စာ၊ တနေ့တခြား၊ ဒီရေအလားကဲ့သို့၊ တိုးပွါးစည်ပင်ပါစေသတည်း"
အလှူအတန်းတွေမှာ မိမိရဲ့ ဆရာတော်က ဒကာ၊ ဒကာမတွေကို ပေးလေ့ရှိတဲ့ ဆုပေးထဲက တစ်ပိုင်းတစ်စရယ်ပါ။ ရာထူးတွေ တိုးပွါးပါစေပေါ့လေ။ ရာထူးကို လူသားတွေအားလုံး မက်မက်မောမောရှိခဲ့ကြလို့လည်း အနာနဲ့ဆေးတည့်ကြသလို ဒီဆုပေးနဲ့ လူတွေဟာ တည့်လာကြတဲ့ အစဉ်လာရှိခဲ့ကြတာဖြစ်မယ်။ ရာထူးတွေတတ်ပါစေ၊ ဂုဏ်တွေတိုးပွါးပါစေလို့ ဆုပေးလိုက်ရင်လည်း လူတွေရဲ့မျက်နှာမှာ ဖြစ်သော်ရှိ၊ မဖြစ်သော်ရှိ ပြုံးရောင်လေးတွေ သမ်းလို့။

ရာထူးက လူတွေကို ပျော်ရွှင်အောင်လည်း လုပ်တတ်တယ်၊ ရူးသွားအောင်လည်း လုပ်တတ်တယ်။ သူ့ကိုရတဲ့သူဘက်က ပြုံးရယ်နိုင်ပေမယ့်၊ မရတဲ့သူအဖို့ကျတော့ ရာထူးကို အကြောင်းပြုပြီး ကျေကွဲကြရတယ်။ အမုန်းတွေပွါးကြရတယ်၊ အကုသိုလ်တွေ တစ်စပြီးတစ်စ တိုးပွါးလာကြရတယ်။ ခေတ်တွေ၊ တစ်ခေတ်ပြီးတစ်ခေတ် ပြောင်းလဲလာကြတဲ့အခါမှာ ရာထူးကို တော်လှန်နိုင်တဲ့ ခေတ်ဆိုတာ မရှိခဲ့ပါဘူး။ အိန္ဒိယနိုင်ငံမှာ ပြည်နယ်ဝန်ကြီးရာထူးရဖို့အတွက် ကိုယ့်ဦးလေး အရင်းခေါက်ခေါက်ရဲ့ ၀န်ကြီးရာထူး ကိုတောင် မှ အသည်းအသန် ပြန်လုခဲ့ဖူးတဲ့ တူတော်မောင်မျိုးကြုံခဲ့ဖူးတယ်။ ဒါတောင် ဦးလေးက တူတော်မောင့်မှာ အဖေမရှိတော့အတွက် သားအဖြစ်နဲ့လည်း မွေးစားထားသေးဆိုပဲ။ ဦးလေးလည်း ရွေးကောက်ပွဲအပြီးမှာ တူတော်မောင့် လုပ်ရပ်ကြောင့်ပဲ ဘ၀ကူးသွားရရှာတယ်။

လူတွေသာ ရာထူးကို မက်မောကြတာ မဟုတ်ပါဘူး၊ ပုထုဇဉ်ရဟန်းတွေလည်း မက်မောကြတာပါပဲ။ ရာထူးလေး နှစ်ကျပ်ခွဲသားလောက် မက်လုံးပေးလိုက်ရင် ဘနဖူးကိုပင် ဒူးနဲ့ တက်တိုက်ရဲတဲ့ ရဟန်းတွေ ရှိကြသေးတာပါ။ မြတ်စွာဘုရားရှင် ဘုရားဖြစ်တော်မူတာ တစ်နှစ်သားလောက်ပဲ ရှိသေးတဲ့အချိန်ပါ။ မြို့ရွာအနှံ့ပြားကိုလည်း မရောက်သေးပါဘူး၊ တရားတော်တွေကိုလည်း များများစားစား မဟောရသေးပါဘူး။ သူ့သာသနာမှာ ရဟန်းဦးရေ စာရင်းကောက်ကြည့်လိုက်ရင်လည်း တစ်ထောင်ကျော်လောက်သာ ရှိပါသေးတယ်။ အဲဒီရဟန်းတစ်ထောင်ကျော်ထဲမှာ ပုထုဇဉ်ရဟန်းတွေလည်းပါဝင်ပါတယ်။

ရာဇဂြိုလ်ပြည် ဗိမ္မိသာရမင်းကြီး ဆောက်လုပ်လှုဒါန်းတဲ့ ဝေဠုဝန်ကျောင်းတော်ကြီးကို အလှုခံပြီးစ သုံးရက်မြောက်တဲ့နေ့မှာ နောက်လိုက်တပည့် နှစ်ရာငါးဆယ်ခြံရံပြီးတော့ ဥပတိဿနဲ့ ကောလိတဆိုတဲ့ ပရဗိုဇ်နှစ်ဦး မြတ်စွားဘုရားထံရောက်လာတယ်။ ပြီးတော့ ရဟန်းပြုခွင့်တောင်းတယ်၊ ဘုရားရှင်ကလည်း ဧဟိဘိက္ခု ရဟန်းပြုပေးလိုက်တယ်၊ တရားပါဟောလိုက်တာ ရဟန္တာပါ ဖြစ်သွားကြတယ်။ သူတို့နှစ်ပါးကို သံဃာအစည်းဝေးကို ခေါ်ပြီး သံဃာအစည်းဝေးမှာ ဥပတိဿကို အရှင်သာရိပုတ္တရာ ဘွဲ့အမည်နဲ့ သူ့ရဲ့ လက်ယာတော်ရံအဖြစ်၊ ကောလိတကို အရှင်မဟာမောဂ္ဂလာန်ဘွဲ့အမည်နဲ့ သူ့ရဲ့ လက်ဝဲတော်ရံအဖြစ် ခန့်အပ်ထားလိုက်ပြီဖြစ်ကြောင်း ကြေငြာလိုက်တယ်။ အဲဒီအချိန်မှာ ကျန်တဲ့ သံဃာပရိသတ်က မကျေမနပ်ဖြစ်ကုန်ကြတယ်။ သူတို့အတွေးက အဲဒီရာထူးကို သာသနာထဲကို အရင်ရောက်တဲ့ ရဟန်းတွေထဲကပဲ ဖြစ်သင့်တယ်၊ နောက်မှ ရောက်လာတဲ့လူက မဖြစ်သင့်ဘူးလို့ ယူဆကြတယ်။ သာမန်ဆိုရင်တော့ ဒီလိုပဲတွေးသင့်တာပေါ့လေ။ အဲဒီအချိန်မှာ အရှင်သာရိပုတ္တရာ၊ အရှင်မောဂ္ဂလာန်တို့ထက် သာသနာထဲကို အရင်ရောက်နေတဲ့ စားရင်းက ဒီလိုပါ။

ပဉ္စ၀ဂ္ဂီရဟန်းငါးပါး၊
အရှင်ယသနဲ့အခြားရဟန်းများ ငါးဆယ့်ငါးပါး။
ဘဒ္ဒ၀ဂ္ဂီရဟန်းများ သုံးဆယ်။
ဥရုဝေလနဲ့ ရဟန်းများ တစ်ထောင်။
စုစုပေါင်း တစ်ထောင်ကိုးဆယ်ပါ။
အဲဒီရဟန်းတွေထဲကပဲ လက်ယာရံ၊ လက်ဝဲရံရာထူးကို ခန့်အပ်သင့်တယ်ပေါ့။ အခုတော့ ဘုရားရှင်က မျက်နှာလိုက်တယ်ပေါ့လေ။

အဲဒီရာထူးကိစ္စ ရဟန်းတွေရဲ့ကြားမှာ လှိုင်းပွက်သလို ဂယက်ရိုက်နေတာကို ဘုရားရှင်သိတော်မူသွားတယ်။ ချက်ချင်းပဲ ရားထူးခန့်အပ်ခြင်းကိစ္စ ရှင်းလင်းပွဲ အစည်းဝေးကြီး ကျင်းပလိုက်တယ်၊ အဲဒီအစည်းဝေးပွဲကို ရဟန်းတွေအားလုံးကိုလည်း တက်ရောက်စေခဲ့တယ်။ ရဟန်းတွေအားလုံး သံသယရှင်းသွားအောင်လည်း ဒီလိုရှင်းပြတော်မူခဲ့ပါတယ်။

“အရှင်သာရိပုတ္တရာနဲ့ အရှင်မဟာမောဂ္ဂလာန်တို့ကို ငါဘုရားရဲ့ လက်ယာရံ၊ လက်ဝဲတော်ရံအဖြစ်ခန့်အပ်ခဲ့တာ ချစ်သားတို့ အားလုံး သိခဲ့ပြီးသားဖြစ်တယ်။ အခုလို ခန့်အပ်လိုက်တာဟာ ရဟန်းတို့ ထင်သလို မျက်နှာလိုက်ပြီးတော့ ခန့်အပ်လိုက်ခြင်း မဟုတ်ပေဘူး။ ရှေးရှေးသော အတိတ်ဘ၀က သူတို့ တောင်းခဲ့ကြတဲ့ဆု၊ သူတို့ပြုခဲ့ကြတဲ့ ပါရမီအတိုင်းသာ ငါဘုရား ပေးတော်မူခဲ့ခြင်းဖြစ်ပေတယ်” ဒီလို ဘုရားရှင် မိန့်တော်မူလိုက်တဲ့အခါမှာ ရဟန်းတွေအားလုံး ဘုရားရှင်ကို ရှိခိုးပြီးတောင်းပန်ကြတယ်။ ပြီးတော့ သူတို့ရဲ့ ရှေးဆုတောင်း၊ ရှေးပါရမီဆန္ဒကိုလည်း အားလုံးသိချင်နေကြတာမို့ ဘုရားရှင်ကို ဟောတော်မူပါဘုရားလို့ တပြိုင်နက် လျှောက်တင်လိုက်ကြတယ်။ ဒီတော့ ဘုရားရှင်က…..

“လွန်ခဲ့သော ကမ္ဘာတစ်သိန်းထက်က ပဒုမုတ္တရအမည်နဲ့ ဘုရားရှင်ဟာ လောကမှာ ပွင့်ခဲ့တယ်။ အဲဒီဘုးရာလက်ထက်မှာ ချစ်သားတို့ ပေးသင့်တယ်ဆိုတဲ့ ပဉ္စ၀ဂ္ဂီစာရင်းဝင် အရှင်ကောဏ္ဍညဟာ လယ်များစွာပိုင်တဲ့ လယ်ပိုင်ရှင်သူဌေးကြီးဖြစ်ခဲ့တယ်။ အဲဒီသူဌေးကြီးက ရဟန်းတစ်ပါးကို ဧတဒဂ်ဘွဲ့ပေးတာ မြင်တဲ့အခါ အားကျစိတ်တွေဝင်လာတယ်။ ပြီးတော့ သူ့လယ်ခင်းထဲက ထွက်တဲ့စပါးတွေထဲက အဦးဆုံးဖြစ်ပေ့ဆိုတဲ့ဟာမှန်သမျှ အကုန်လှူတယ်။ ဥပမာ ရိပ်တဲ့အခါမှာ ရိပ်ဦးအလှူ၊ နင်းနယ်တဲ့အခါ နယ်ဦးအလှူ၊ ရောင်းတဲ့အခါ ရောင်းဦးအလှူ၊ စားတဲ့အခါ စားဦးအလှူ စသဖြင့် အဦးဆုံးအလှူတွေကို ပေးပြီးတော့ သူဟာ နောက်ပွင့်မယ့် ဘုရားရှင်တို့ရဲ့ အထံမှာ တခြားသူတွေထက် ဦးဦးဖျားဖျား တရားအရသာကို နာရသူဖြစ်ရပါလို၏ ဆိုပြီးဆုတောင်းခဲ့ဖူးတယ်။ အခု သူဟာတရားဦးအရသာကို ခံစားရသူ ဖြစ်တယ်။

လွန်ခဲ့သော တသင်္ချေနဲ့ ကမ္ဘာတစ်သိန်းထက်မှာ အရှင်သာရိပုတ္တရာက ဗြဟ္မဏမဟာသာလမျိုးမှာဖြစ်တယ်။ အမည်က သရဒလို့ခေါ်တယ်။ အရှင်မောဂ္ဂလာန်က အသည်မျိုးမှာ ဖြစ်တယ်။ အမည်က သီရိဝဍ္ဎနလို့ခေါ်တယ်။ သူတို့နှစ်ဦးက သိပ်ချစ်ကြတဲ့ သူငယ်ချင်းတွေဖြစ်ခဲ့ကြတယ်။ အဲဒီအချိန်မှာ မနောမဒဿီအမည်ရတဲ့ ဘုရားပွင့်တယ်။ တနေ့တော့ သရဒက သံဝေဂရလို့ တောထွက်ပြီး ရသေ့ဝတ်တယ်။ သီရိဝဍ္ဎနကတော့ လူ့ဘောင်မှာပဲ ရှိနေတုန်းပါပဲ။

အဲဒီအချိန်မှာ မနေမဒဿီဘုရားရဲ့ လက်ယာရံမှာ အရှင်နိသဘဖြစ်ပြီးတော့၊ လက်ဝဲရံက အရှင်အနောမဖြစ်တယ်။ သရဒရသေ့က လက်ယာရံဖြစ်တဲ့ အရှင်နိသဘကို အားကျပြီးတော့ မြတ်စွာဘုရားကို ပန်းထီးနဲ့ ပူဇော်တယ်။ ပြီးတော့ ဒီလိုဆုတောင်းတယ်။ “ပန်းထီးကို လှူရတဲ့ ကောင်းမှုကံနှင့် အခြားခြားသော ကောင်းမှုကံအစုစုတိုကြောင့် အရှင်ဘုရားရဲ့ လက်ယာရံဖြစ်တဲ့ အရှင်နိသဘလို နောင်ပွင့်မယ် ဘုရားရှင်ရဲ့သာသနာမှာ လက်ယာရံ အဂ္ဂသာဝကဖြစ်ရပါလို၏”လို့ဆုတောင်းတယ်။ အဲဒီလိုဆုတောင်းတဲ့အခါ အနောမဒဿီဘုရားကလည်း ဘဒ္ဒကမ္ဘာမှာ ဂေါတမအမည်ရှိတဲ့ ဘုရားပွင့်လတ္တံ၊ အဲဒီအချိန်မှာ ဓမ္မသေနာပတိ သာရိပုတ္တရာ အမည်နဲ့ လက်ယာရံ အဂ္ဂသာဝကဖြစ်လိမ့်မယ်ဆိုပြီး ဗျာဒိတ်ပေးခြင်းခံခဲ့ရတယ်။

သရဒရသေ့က သူဗျာဒိတ်ပေးခြင်းခံရတဲ့အကြောင်း ချစ်သူငယ်ချင်း သီရိဝဍ္ဎနကို အသိပေးခဲ့တယ်။ ပြီးတော့ လက်ဝဲရံဆုကိုလည်းတောင်းလိုက်ပါလို့ အကြံပေးတိုက်တွန်းခဲ့တယ်။ ဒါနဲ့ သီရိဝဍ္ဎနလည်းပဲ ဘုရားအမှုးအရှိတဲ့ သံဃာတော်တွေကို တိစီဝရိတ်သင်္ကန်းလှူဒါန်းပြီး လက်ဝဲရံဆုကို ဆုတောင်းလိုက်တယ်။ ဘုရားရှင်ကလည်း သင့်ဆုတောင်းအတိုင်း ဂေါတမဘုရားရှင်လက်ထက်မှာ မဟာမောဂ္ဂလာန်အမည်နဲ့ လက်ဝဲရံ အဂ္ဂသာဝကြီးဖြစ်လတ္တံဆိုပြီး ဗျာဒိတ်ရလာခဲ့သူဖြစ်တယ်။
မြတ်စွာဘုရားရှင်က အတိတ်ကို အဲဒီလို တူးဆွပြလိုက်တော့မှ ရဟန်းတွေအားလုံး သံသယ ကင်းစင်သွားပါတော့တယ်။

မော်ကွန်းသစ်
9:56 pm. 28.6.2011

ကမ္ဘာနှင့်ချီ၍ အရာအားလုံးကို ပိုင်စိုးသောအရာ

2011-06-24T01:31:00.000-07:00

ကမ္ဘာကြီးဘယ်တော့ ပျက်မှာလဲ၊ ပျက်ခဲ့ရင်ရော ဘယ်လို၊ ဘယ်နည်းပျက်မှာလဲ၊ လဆိုတာဘာလဲ၊ နေဆိုတာကရော ဘာလဲ၊ လောကကြီးမှာ အကြီးဆုံးအရာက ဘယ်အရာလဲ၊ အသေးဆုံးကရော ဘယ်အရာလဲ၊ စသဖြင့်စသဖြင့် အရာအားလုံးကို တိတိကျကျ စူးစမ်းလိုစိတ်၊ သုတေသနပြုလိုစိတ်ရှိကြတာ လူတွေရဲ့ အကျင့်တစ်ခုပါပဲ။ တစ်စုံတစ်ခုကို တွေးတယ်၊ စူးစမ်းတယ်၊ ပြီးတော့ အဖြေကို မတွေ့တွေ့အောင် ရှာဖွေလိုက်စားလိုစိတ်ရှိကြတယ်။

ဒီလိုသုတေသနပြုလိုတဲ့ စိတ်မျိုးရှိကြတာလည်း ကောင်းတာပါပဲ။ အမှန်တရားပေါ်ထွက်လာရေးအတွက် သုတမယဥာဏ်၊ စိန္တာမယဥာဏ်တွေ တိုးပွါးတာပေါ့။

လူတွေမှာသာ သုတေသနပြုလိုစိတ်ရှိကြတာလားဆိုတော့ မဟုတ်သေးဘူး။ လူလိုပဲ နတ်တွေ၊ ဗြဟ္မာတွေလည်း သုတေသနလုပ်လိုစိတ်ရှိကြတာပါပဲ။ မြတ်စွာဘုရားရှင်ကို ကြံကြံဖန်ဖန် ပြဿနာတွေ မေးလျှောက်တတ်တဲ့ သန်းခေါင်စာရင်းထဲမှာ သူတို့လည်း ပါဝင်ကြတယ်။ သူတို့မေးတဲ့အရာတွေက မြတ်စွာဘုရားရှင်မို့သာ တော်သေးတယ်၊ သာမန်အတန်းစားထဲကပုဂ္ဂိုလ်သာ ဆိုရင်တော့ “ဘူး” ပဲခံလိုက်ရမှာ သေချာပဲ။

အခုလည်းကြည့်၊ အတွေးနယ်ကျွံနေတဲ့ နတ်သားတစ်ပါးက သူ့ပြဿနာ သူကိုယ်တိုင် အဖြေရှာမရလေတော့ မြတ်စွာဘုရားရှင်ကို မေးလိုက်ပြန်ပြီ။ “မြတ်စွာဘုရား ကမ္ဘာလောကကြီးမှာ သက်ရှိသက်မဲ့အရာအားလုံးကို အလွှမ်းမိုးနိုင်ဆုံးသောအရာက ဘာပါလဲ၊ သက်ရှိ၊ သက်မဲ့အရာ အားလုံးတို့က လိုက်လျောပေးနေရတဲ့ သူကရော ဘယ်အရာဖြစ်နိုင်ပါသလဲဘုရား” တဲ့။

မေးလာတဲ့ ပြဿနာက အားလုံးအတွက် အကျိုးရှိမယ်၊ အမြတ်စွန်းထွက်မယ်ဆိုရင် ဘုရားရှင်တို့ ထုံးစံအရ ပြန်ဖြေပေးလေ့ရှိပါတယ်။ အခုလည်း နတ်သားရဲ့အမေးက ကမ္ဘာသူ၊ ကမ္ဘာသား အားလုံးတို့အတွက် အကျိုးသက်ရောက်မှုရှိတာမို့ ဒီလို ပြန်ပြီး ဖြေပေးတော်မူပါတယ်။

“ကမ္ဘာလောကကြီးမှာ ရှိရှိသမျှ သက်ရှိ၊ သက်မဲ့ အရာအားလုံးကို လွှမ်းမိုးထားတာတဲ့အရာက ခေါ်တွင်စရာ အမည်နာမသာဖြစ်တယ်။ အမည်လွတ်တဲ့ သတ္တ၀ါမရှိ၊ သင်္ခါရမရှိ၊ အမည်မဲ့သော နိုင်ငံ၊ မြို့၊ ရွာစသည် မရှိ။ အရာအားလုံးတို့ဟာ နာမည်ရဲ့အောက်မှာသာ ကျရောက်ရတယ်။ အမည်နာမထက် ပို၍လွှမ်းမိုးဆုံးသော အရာ လောကမှာ မရှိပေဘူး။ သူ့ရဲ့ အလိုသို့သာ ကမ္ဘာနဲ့ချီပြီး သက်ရှိ၊ သက်မဲ့အားလုံးတို့က လိုက်လျော ပေးကြရစမြဲ”။

ကဲ...ဟိုဒင်း...ဟိုဝှါတို့....အမည်လွတ်တာဘာမှ မရှိဘူးတဲ့ဗျာ...။

မော်ကွန်းသစ်
၂၄.၆.၂၀၁၁

မိုးနှင့်တူသော လူသားများ

2011-06-19T19:23:00.000-07:00

လူဆိုတာဘာလဲ?

အကောင်းနဲ့အဆိုး၊ အကြောင်းနဲ့အကျိုးကို ခွဲခြားသိရမယ်၊ သိတဲ့အတိုင်း လိုက်လုပ်တတ်ရမယ်။ ဒါမှသာ လူမည်ပါသတဲ့။ တန်ဖိုးရှိတဲ့လူတစ်ယောက်ဖြစ်ချင်ရင်၊ လူဖြစ်ရကျိုးနပ်ချင်ရင်၊ လူမည်တဲ့ လူတစ်ယောက်ဖြစ် ချင်တယ်ဆိုရင် အကြောင်းအရာတစ်ခု မိမိနဲ့ ကြုံတွေ့လာတိုင်း ကောင်းတာလား၊ ဆိုးတာလားဆိုတာ အရင်ဆုံးသိအောင် သရုပ်ခွဲပေးပါ။ ပြီးတော့ ကောင်းတာဆိုရင် ကံ၊ကံရဲ့ အကျိုး ယုံကြည့်တဲ့ စိတ်ထားနဲ့ ဆက်လုပ်ဖို့ ကိုယ့်မှာတာဝန်ရှိသလို၊ မကောင်းတာဆိုရင်လည်း “ဒီမကောင်းတာကိုလုပ်မိရင် အဲဒီ မကောင်းတာကြီးက တစ်နေ့နေ့၊ တစ်ချိန်ချိန်မှာ ငါ့ကို ဆင်းရဲခြင်းတွေ မေးလိမ့်မယ်”ဆိုတဲ့ အတွေးနဲ့ မလုပ်ဖြစ်အောင် မိမိရဲ့ ကိုယ်၊ နှုတ်၊ စိတ်သုံးပါးကို နိုင်အောင်ထိန်းပါ။

အဘိဓမ္မာခုနှစ်ကျမ်းထဲမှာ ပုဂ္ဂလပညတ်ကျမ်းဆိုတာရှိပါတယ်။ အဲဒီကျမ်းက ပုဂ္ဂိုလ်အမျိုးအမျိုးကို ကွဲကွဲပြားပြား၊ ခြားခြားနားနားသိစေရန်အတွက် သူအကန့်နဲ့သူ တကန့်စီ ဒီလို မိုးနဲ့ဥပမာပေပြီးတော့ ခွဲခြားပြသပေးထားပါသေးတယ်။

မိုးလေးမျိုး
(၁) ခြိမ်းလျှက် မရွာသော မိုး၊
(၂) ရွာလျှက် မခြိမ်းသော မိုး၊
(၃) ခြိမ်းလည်းခြိမ်း၊ ရွာလည်းရွာသော မိုး၊
(၄) ခြိမ်းလည်းမခြိမ်း၊ ရွာလည်းမရွာသော မိုး၊

(၁) လောကမှာ လူတချို့ဟာ ပါးစပ်ကသာပြောတယ်၊ ပြောတဲ့အတိုင်း လက်က လက်တွေ့မလုပ်ကြဘူး။ ဒီလိုပြောရုံသာပြောပြီး၊ ပြောတိုင်းလိုက်မလုပ်တတ်တဲ့ သူဟာ ခြိမ်းလျှက် မရွာသောမိုးနဲ့တူကြတယ်။

(၂) လောကမှာ လူတချို့ဟာ အလုပ်ကိုတော့ လုပ်ကြတယ်၊ ပြောတော့ မပြောကြဘူး၊ ဒီလို လုပ်ရုံသာ လုပ်ပြီး၊ မပြောတဲ့သူဟာ ရွာပေမယ့် မခြိမ်းတဲ့ မိုးနဲ့တူကြတယ်။

(၃) လောကမှာ လူတချို့ဟာ အလုပ်လည်းလုပ်ကြတယ်။ ပြောလည်းပြောကြတယ်။ ဒီလို ပြောလည်းပြော၊ လုပ်လည်းလုပ်တဲ့သူတွေဟာ ခြိမ်းလည်းခြိမ်း၊ ရွာလည်းရွာတဲ့မိုးနဲ့တူကြတယ်။

(၄) လောကမှာ လူတချို့ဟာ အလုပ်လည်း မလုပ်ကြဘူး၊ ပြောလည်း မပြောကြဘူး၊ ဒီလူတွေဟာ ခြိမ်းလည်း မခြိမ်း၊ ရွာလည်း၊ မရွာတဲ့မိုးနဲ့တူကြတယ်။

သင်ရော ဘယ်လိုလူစားမျိုးလဲ?

မော်ကွန်းသစ်
7း58am 20.6.2011

သမက်ရဟန်းနဲ့ ယောက္ခမ

2011-06-18T08:49:00.000-07:00

သမက်ဖမ်းတဲ့ ယောက္ခမ အကြောင်းပါ။
ကလေးတွေကို ယဉ်ကျေးမှုသင်တဲ့အခါ သင်ခန်းစာ တစ်ခုချင်းစီရဲ့ အဓိပ္ပါယ်ကို ပုံပြင်၊သာဓကလေးတွေနဲ့ ဥပမာပေးပြီးပြောလေ့ရှိတယ်။ တနေ့မှာ မိဘကျင့်ဝတ်၊ သားသမီးကျင့်ဝတ်စတဲ့ လူမှုကျင့်ဝတ်ဆိုင်ရာ အခန်းလေးတွေရောက်လာပါတယ်။ ပထမ သားသမီတို့ရဲ့ အပေါ်မှာ ပြုလုပ်ရမယ့် မိဘတို့ကျင့်ဝတ်ကို ရှင်းပြတယ်။ မိဘကျင့်ဝတ်ထဲမှာ သားသမီးတွေ အရွယ်ရောက်လာတဲ့အခါ ပြုလုပ်ပေးရမယ့် ထိမ်မြှားလက်ထပ်ပေးရခြင်းဆိုတဲ့ အချက်တစ်ချက်လည်း ပါဝင်ပါတယ်။ အဲဒီအချက်ကို ရှင်းပြတဲ့အခါ မိဘတွေက သား၊ သမီးတွေ အရွယ်ရောက်လာတဲ့အခါမှာ သင့်တော်တဲ့လူမျိုးကိုရှာပြီး ကိုယ့်သားသမီးတွေကို လက်ထပ်ပေးရမယ်။ လက်ထပ်ပေးတဲ့အခါမှာ “ကောင်းတဲ့လူနဲ့ လက်ထပ်ပေးရမှာလား၊ မကောင်းတဲ့လူဆိုးနဲ့ လက်ထပ်ပေးရမှာလား”လို့ ကလေးတွေကို မေးလိုက်တယ်။

ကလေးတွေအားလုံး တညီတညာတည်း ပြန်ဖြေပါတယ်။ ကောင်းတဲ့လူနဲ့ လက်ထပ်ပေးရမှာပါတဲ့။ အားလုံးဖြေပြီးလို့ ခဏ အသံတိတ်ဆိတ်သွားတဲ့အခါ ကောင်လေးတစ်ယောက်က ထပြီးပြောတယ်။ “မိန်းကလေးတွေအတွက် ကောင်းတဲ့လူဆိုရင် ဘုန်းဘုန်းနဲ့ ပေးစားရမှာပေါ့။ ယောက်ျားလေးတွေဆိုရင် သီလရှင် ဆရာလေးတွေနဲ့ ပေးစားရမှာပေါ့။ ဘာဖြစ်လို့လဲဆိုတော့ ဘုန်းဘုန်းတွေ၊ သီလရှင်တွေက လူဝတ်ကြောင်တွေထက် ပိုပြီး ကောင်းတယ်၊ သင့်တော်ပါတယ်” တဲ့။ ကျန်တဲ့ကလေးတွေကလည်း ဟုတ်တယ်၊ ဟုတ်တယ်နဲ့ တညီတညာတည်း ထောက်ခံကျတယ်။ သာသနာတော်ကို မျိုးဆက်ပြုတ်အောင် လုပ်မယ်ဆိုတဲ့ ရည်ရွယ်ချက်မျိုး မရှိဘဲနဲ့ ကလေးက ကလေးဆန်စွာပဲ ပြောလိုက်လို့ တော်ပါသေးရဲ့။

မေးတဲ့ ကောင်လေးကို ရယ်ချင်သွားတယ်။ သူ့စိတ်ထဲမှာလည်း လူကောင်းလို့ပြောလိုက်တာနဲ့ သူစိတ်ထဲမှာ နီးစပ်ရာ ဘုန်းဘုန်းတို့ သီလရှင်တို့ ပြေးမြင်လိုက်တာကိုး။

ဒါနဲ့ သူ့ကို နားလည်အောင် ရှင်းပြလိုက်ရတယ်။ “ဘုန်းဘုန်း၊ သီလရှင်တွေဆိုတာ အပူကင်းချင်လို့ ကိစ္စများမြောင်တဲ့ လူ့ဘောင်ကို စွန့််ပြီး၊ သားမွေးမှု၊ မယားကျွေးမှု ကင်းတဲ့ သာသနာ့ဘောင်ဘ၀ကို ကူးကြတာလေ။ ဒါကြောင့် သူတို့နဲ့ပေးစားလို့ ဘယ်ဖြစ်ပမလဲ။ လူ့ဘောင်၊ လူ့လောကမှာလည်း လူတော်လူကောင်းတွေ အများကြီးရှိပါတယ်။ ကိုယ့်သား၊ ကိုယ့်သမီးတွေကို သင့်တော်မယ် ထင်ရင် သူတို့နဲ့ ပေးစားလည်း ရပါတယ်။ မင်းတို့လေးတွေကြီးလာလို့ မိဘဖြစ်လာရင် သမက်ဖမ်းတာလည်း ကြည့်ဖမ်းကြအုံး။ သမက်၊ ချွေးမအဖြစ် ဘုန်းကြီး၊ သီလရှင်ကိုမှ သွားဖမ်းလို့ အကုန်ဒုက္ခရောက်ကုန်အုံးမယ်၊ ဘုရားရှင်လက်ထက်ကလည်း ဘုရားရှင်ကို သမက်ဖမ်းလို့ ဘုရားရှင်ကိုယ်တော်တိုင် သဘောပေါက်အောင် တရားဟောပြလိုက်ရတဲ့ သမက်ဖမ်းယောက္ခမ တွေရှိခဲ့ဖူးတယ်။ မာဂဏ္ဍိယပုဏ္ဏား လင်မယားနှစ်ယောက်ရှိတယ်။ သူတို့မှာ သမီးချောကလေး တစ်ယောက်လည်းရှိတယ်။ သူတို့က ရဟန်းတော်တွေကို မြတ်နိုးလေ့ရှိကြတယ်။ ရဟန်းတော်တွေကို တန်ခိုးရှိတဲ့ သူတော်ကောင်းတွေလို့လည်း သူတို့ရဲ့ စိတ်ထဲမှာ ယူဆကြတယ်။ ဒါကြောင့် သူတို့ရဲ့ သမီးလေးကို ရဟန်းတော်တွေနဲ့မှ ပေးစားလိုစိတ်ရှိကြတယ်။ ကျန်တဲ့ လူဝတ်ကြောင်တွေနဲ့ရင်ဆိုရင် သဘောမတူကြဘူး၊ မတန်ဘူးပေါ့လေ။ သူတို့သမီးလေး အရွယ်ရောက်လာလို့ ထိပ်မြှားပေးမယ်ဆိုရင် ရဟန်းတော်တွေက သူတို့ရဲ့ ခေါင်းထဲမှာ သမက်လောင်းအဖြစ် နံပါတ်တစ်ပေါ့။

ဒါနဲ့ပဲ လူရည်သန့်၊ ရုပ်ချောချော သမက်လောင်းရရှိရေးအတွက် ရှာကြတာပေါ့။ အဲဒီလိုရှာနေဆဲမှာ သမက်လောင်း လူရည်သန့် ရုပ်ချောချော သမက်လောင်းတွေကို တွေ့ကြပါတယ်။ ဒါပေမယ့် ရဟန်းမဟုတ်တဲ့အတွက် မပေးစားလိုကြဘူး။ သူတို့လိုချင်တဲ့ သမက်လောင်းမှာ ရှိရမယ့် အချက်အလက်တွေက…

နံပါတ်တစ်….အမျိုးမြတ်ရမယ်…။
နံပါတ်နှစ်….ရုပ်ချောရမယ်…..။
နံပါတ်သုံး…အဲဒီလူကလည်း ရဟန်းဖြစ်ရမယ်တဲ့…။

အခုခေတ်မော်ဒယ်မင်းသမီးလေးတွေ ဂျာနယ်၊ မဂ္ဂဇင်းတွေကနေပြီးတော့ အင်တာဗျူးကြတဲ့အခါ သူတို့မျှော်လင့်ထားတဲ့ ချစ်သူအင်္ဂါတွေထက် ပိုဆိုးမယ်ထင်တယ်။ သူတို့သမီးလေးကလည်း မိန်းမတစ်ယောက်ရှိရမယ့် ငါးလီကောင်းတာတို့၊ ခြောက်ပစ်ကင်းတာတို့နဲ့ ကိုက်ညီပြီးတော့ လှတာဆိုတော့ အင်္ဂါတွေကလည်း ဒီလောက်တော့ရှိရမှပေါ့လေ။ တကယ့်ရှုမ၀တဲ့ မိန်းမလှလေးပေါ့။

တစ်နေ့မှာတော့ ပုဏ္ဏားကြီးဟာ သူ့ရဲ့အိမ်ရှေ့ကို ဆွမ်းခံကြွလာတဲ့ မြတ်စွာဘုရားကို တွေ့လိုက်တယ်။ ဒါနဲ့ အိမ်ထဲကို အမြန်ပြေးဝင်ပြီး သူ့ဇနီး ပုဏ္ဏေးမကို ၀မ်းသာအားရစွာနဲ့ ဒီလိုပြောလိုက်တယ်။

“ရှင်မရေ…တို့တော့ သမက်လောင်းတွေ့ပြီကွ… သမီးဘယ်မှာလဲ… သမီးလေးကို အကောင်းစား မိတ်ကပ်၊ နှုတ်ခမ်းနီ၊ လက်သည်း၊ ခြေသည်းဆိုးဆီ၊ ခေါင်းလိမ်းဆီနဲ့ အကောင်းဆုံး အ၀တ်စားတွေကို ဖီးလိမ်းပြင်ဆင်ပေးပြီး ခေါ်ခဲ့စမ်းပါ။ ငါ့ရဲ့ သမက်လောင်းလေးကို ပြချင်လွန်းလို့ပါ”

ပထမတော့ ပုဏ္ဏားကြီးရဲ့ အရေးတကြီး ပြောဆိုချက်ကြောင့် ပုဏ္ဏေးမကြီး အံအားသင့်သွားတယ်။ လင်ဖြစ်သူရဲ့ အတန်တန်ပြောဆိုမှုကြောင့်လည်း သူ့သမီးလေးကို အကောင်းဆုံးဆို တာတွေနဲ့ သေချာဖီးလိမ်းပေးပြီး သားမိသားဖသုံးယောက် အိမ်ကနေ ထွက်လာကြတယ်။

အိမ်ရှေ့ခြံတံခါးဝကို ရောက်တဲ့အခါမှာ ဘုရားကို မတွေ့တော့တာရယ်ကြောင့် ပုဏ္ဏားကြီးက “ညည်းတို့ နုံလို့ သမက်လောင်းနဲ့ လွဲရတော့မယ်”ဆိုပြီး ဆူပူကြိမ်းမောက်လိုက်တယ်။ ပြီးတော့ ဘုရားရဲ့ခြေတော်ရာကိုလည်း “အဲဒါ ငါ့သမက်လောင်းခြေရာပဲ” ဆိုပြီးတော့ လက်ညိုးထိုးပြ လိုက်တယ်။

ပုဏ္ဏေးမကြီးကလည်း ဘုရားရှင်ရဲ့ခြေတော်ရာကို မြင်တဲ့အခါကျမှ ပုဏ္ဏားကြီးကို ဒီလို ပြန်ကောတော့တာပဲ။

“ဗေဒင်ပညာတွေ ရှင်သင်ထားပြီးတော့ ဒါလေးတောင်ရှင်မသိဘူးလား။ ယောက်ျားကြီးတန်မဲ့ ညံ့ပါ့တော်..ရှင် သေချာကြည့်စမ်း…ဒီခြေရာပိုင်ရှင်က ကျုပ်တို့ သမီးကို ယူမယ့်လူတန်းစားမျိုးလား ဆိုတာ…ရှင့်သမီးကို ဒီလောက် အထင်ကြီးမနေနဲ့…ဒီခြေရာပိုင်ရှင်က လူတစ်မျိုးရယ်..။ ရှင်မြင်ရဲ့လား..။ ရာဂအားကြီးသူရဲ့ ခြေရာက အလယ်လောက်က ကောက်နေတတ်တယ်လို့ ဗေဒင်ကျမ်းကဆိုတယ်..။ ဒီခြေရာမှာ မကောက်ဘူး…ညီနေတာ..ဒါကတစ်ချက်…။

ပြီးတော့ ဒေါသအားကြီးသူရဲ့ ခြေထောက်က ရှေ့ကိုဆွဲနေတတ်တယ်..ဒါက မဆွဲဘဲနဲ့ ညီနေတာ…ဒါကတစ်ချက်..။

နောက်ပြီး မောဟအားကြီးသူရဲ့ခြေထောက်ဟာ နောက်ပိုင်းက ခွက်နေတတ်တယ်…ဒီခြေရာက မခွက်ဘူး…အားလုံး တပြေးတည်းညီမျှတဲ့ သာမန်ယောက်ျားနဲ့ မတူတဲ့ လက္ခဏာတွေ ရှိတာရယ်မို့ မဟုတ်မှလွဲရော ဒီခြေရာပိုင်ရှင်ဟာ ဘုရားသာဖြစ်ရမယ်...ကျုပ်တို့ သမီးကို နှစ်သက်မယ့် လူစားမျိုးမဟုတ်ပေဘူး…။

ဒီလို ပုဏ္ဏားလင်မယားနှစ်ယောက် အခြေအတင်စကားပြောနေစဉ်မှာပဲ ဘုရားရှင် ရွာတွင်းကပြန် ကြွလာတာကို တွေ့လိုက်ရတယ်..။ ဒီတော့ ဘုရားရှင်ရဲ့ အနားကိုကပ်ကာ သူတို့သမီးနဲ့ ပေးစားချင်တဲ့ အကြောင်း၊ သမီးကလေးကလည်း ခြောက်ပစ်ကင်းစင် သမီးချောလေးဖြစ်ကြောင်း၊ ဘုရားရှင်ကို လျှောက်တင်လိုက်တယ်။

ဒီတော့မှ ဘုရားရှင်က ဘယ်လောက်ပဲချောချော၊ ဘယ်လောက်ပဲလှလှ ကာမအမိုက်မှောင်ပင်ဖြစ်ကြောင်း၊ တကယ်တမ်းဆိုရင် ကာမဂုဏ်တွေက စိတ်ကို လှည့်စားမှုသက်သက်သာ ပေးထားတာမျိုးဖြစ်ကြောင်း၊ ဒါကြောင့်မို့ ပုဏ္ဏားသမီးကို ယူဖို့ မဆိုထားနဲ့ ခြေဖျားနဲ့တောင်မှ ထိပါးခြင်းမပြုချင်ကြောင်း စသဖြင့် ကာမာဒိနာဝလို့ခေါ်တဲ့ ကာမအမိုက်မှောင်အပြစ်တရားတွေကို ဟောပြလိုက်မှ ပုဏ္ဏားကြီးလင်မယားလည်း အကျွတ်တရားရသွားတယ်။ နောက်ပြီးတော့ သမီးဖြစ်သူကိုလည်း ညီဖြစ်သူထံ အပ်ပြီး ရဟန်းဝတ်သွားပါတော့တယ်။။

ထပြောခဲ့တဲ့ကောင်လေး အရွယ်ရောက်လာလို့ အိမ်ထောင်သားမွေးပြုမယ်ဆိုရင်တော့ မလွယ်လှပေဘူး။ သူသမက်ဖမ်းတာ စိတ်ဝင်စားစရာဖြစ်မှာတော့ သေချာပဲ။

မော်ကွန်းသစ်

ယဉ်ကျေးမှုသင်တဲ့ ကလေးဆရာ

2011-06-17T20:12:00.000-07:00

၂၀၁၀ ရှစ်လပိုင်းလောက်က M.A ဖိုင်နယ်စာမေးပွဲ ဖြေပြီးတော့ မြန်မာပြည်ကိုပြန်ခဲ့တယ်။ M.A စာမေးပွဲ အောင်တယ်ဆိုတော့ ဒေါက်တာဘွဲ့ ဆက်လက်တက်နိုင်ရေးအတွက် ၂၀၁၁ တစ်လပိုင်း ဆယ်ရက်နေ့မှာ အိန္ဒိယကို ပြန်လာခဲ့ရပြန်ပါတယ်။ အိန္ဒိယမှာ ဒေါက်တာဘွဲ့ ဆက်တက်ခွင့် ရဖို့ ကျောင်းအချိတ်အဆက်လုပ် ရတာ မလွယ်မှန်း အစကတည်းက သိထားပါတယ်။ သိထားသလိုလည်း မလွယ်တာတွေ တပုံကြီး ကြုံတွေ့ခဲ့ရတယ်။ ကျောင်းလာချိတ်တဲ့အချိန်ကာလမှာ နေရာထိုင်ခင်း၊ ဆွမ်းကိစ္စ အ၀၀ အကုန်အသစ်က ပြန်ဖန်တီးရတယ်။ ကျောင်းချိတ်ကာလကလည်း အင်မတန်တိုတောင်းလှတယ်။

အဓိကပြဿနာက နေထိုင်ခွင့်ဗီဇာပြဿနာပါပဲ။ ကျောင်းချိတ်တဲ့နေရာမှာ မြန်မာပြည်ကနေ အလည်အပတ် ဗီဇာနဲ့ပဲ ပြန်လာခဲ့ရတာမို့ အခုသူတို့ပြောတဲ့စည်းကမ်းအရ သုံးလပဲပေးပိုင်ခွင့်ရှိတယ်။ ကံကောင်းထောက်မစွာ ခြောက်လရတာမျိုးလည်းရှိတတ်ပါတယ်။ သံရုံးလူကြီးများနှစ် လုံး ပေါက်၊ ဘောလုံးပွဲနိုင်တဲ့အချိန်အခါမျိုးနဲ့ တိုးမယ်ဆိုရင်ပေါ့။

တချို့ကံကောင်းရင် ကျောင်းဆက်တက်ခွင့် တစ်လလောက်နဲ့ရသွားတာမျိုးလည်းရှိတယ်။ ဗီဇာကုန်လို့ တက်ခွင့်မရဘဲ ပြန်လှည့်သွားတာမျိုးလည်း ရှိတတ်ပါတယ်။

သူကတော့ သုံးလအတွင်းမှာပဲ ကံကောင်းထောက်မစွာ အဆင်ပြေခဲ့လို့ မြန်မာပြည်ပြန်ပြီးတော့ သုတေသန (Research)ဗီဇာ ယူခွင့်ရလိုက်တယ်။ သူကျောင်းဆက်တက်ခွင့်ရတဲ့ နေရာသစ်လေးကလည်း တကယ့်ကို ကြည်နူးဖွယ်ရာ မြို့လေးတစ်မြို့ဖြစ်နေတာကိုတွေ့တော သူဝမ်းသာခဲ့ရပြန်တယ်။ အဲဒီမြို့က ခောတ်သစ် ဇာတ်နိမ့်၊ ဇာတ်မြင့်စနစ် လူတန်းစားခွဲခြားမှုကို တော်လှန်ခဲ့သူ ဒေါက်တာအမ်ဘေဒကာ ရဲ့ မြို့လေး ဖြစ်နေလို့ပါ။ မြို့ရဲ့နာမည်က နာဂပူ (Nagpur) မြို့ပါ။ အိန္ဒိယနိုင်ငံရဲ့ ဆိပ်ကမ်းမြို့ဖြစ်တဲ့ ဘုံဘေမြို့နဲ့လည်း နီးပါတယ်။ ဒေါက်တာအမ်ဘေဒကာရဲ့ ကြိုးပမ်းမှုကြောင့် လူတစ်ယောက်ကို အပေါ်ယံပစ္စည်းဥစ္စာ၊ ဂုဏ်ပကာသနကိုသာ ကြည့်ပြီး ခွဲခြားလေ့ရှိတဲ့ လူတွေရဲ့ အတန်းစားခွဲခြားမှုတွေ ပပျောက်ပြီး၊ အကာကိုမကြည့်ဘဲ စိတ်နေစိတ်သဘောထားမြင့်မြတ်မှုကိုသာ အဓိကအလေးထားကြည့်လေ့ရှိ တဲ့ ဗုဒ္ဓဘာသာဝင်တွေ အဲဒီမြိုမှာ များလာခဲ့ပါတယ်။

အခုထိလည်း ဗုဒ္ဓဘာသာဝင်တွေ အများစုနေထိုင်လျှက်ရှိဆဲပါပဲ။ ရဟန်းတစ်ပါးကိုတွေ့တိုင်း ၀န္ဒာမိဘန္တေ(အရှင်ဦးတော်)လို့ ဂါရ၀ပြုတတ်တာလေးကလည်း ချစ်စရာကောင်းလှပါတယ်။

မြန်မာပြည်မှာ သုတေသနဗီဇာယူတဲ့ အချိန်က အကြောင်းအမျိုးမျိုးကြောင့် အိန္ဒိယကို ပြန်တက်မလာ ဖြစ်သေးဘဲ သုံးလနီးပါလောက်ကြာသွားပြန်တယ်။ အဲဒီအချိန်သုံးလလောက်ကလည်း မြန်မာပြည်ရဲ့ တစ်နှစ်တာ ကျောင်းပိတ် ရက်ဖြစ်နေပြန်တာရယ်ကြောင့်၊ ကျောင်းပိတ်ထားတဲ့ ကလေးငယ်လေးတွေကို ယဉ်ကျေးမှုသင်တန်းလေးဖွင့်ပြီး တပိုင်တနိုင် ပညာဒါနလုပ်ပေးဖြစ်ခဲ့ပါတယ်။ ကျောင်းသားဦးရေ တစ်ရာ့နှစ်ဆယ်လောက်ရှိတာကိုတွေ့တော့ ပီတိဖြစ်လို့မဆုံးပါဘူး။

သင်တန်းကို ကလေးတွေရဲ့ ဥာဏ်ရည်အပေါ်မူတည်ပြီး ပ.ဒု.တအနေနဲ့ အဆင့်သုံးဆင့်အဖြစ် ခွဲခြားသက်မှတ်လိုက်တယ်။ တော်တဲ့ကလေး၊ ညံ့တဲ့ကလေးတွေကို ဆုပေး၊ ဒဏ်ပေးစနစ်နဲ့ ကျင့်သုံးခဲ့တာရယ်ကြောင့် လူငယ်တို့ရဲ့ သဘာဝ အပြိုင်အဆိုင်၊ မခံချင်စိတ်ဓာတ်အပြည့်အ၀နဲ့ ကြိုးစားမှုလေးတွေ မြင်ရတော့ ဆရာဖြစ်မှခံစားခွင့်ရတဲ့ ဆရာ့ပီတိတပိုင်းတစ ခံစားခွင့်ရခဲ့တယ်။

ယဉ်ကျေးမှုဆိုတာ လူတစ်ယောက်ရဲ့ ကိုယ်၊နှုတ်၊စိတ်သုံးပါးကို မရိုင်းစိုင်းစေဘဲနဲ့ ယဉ်ကျေးလာအောင် ဘ၀နေနည်းကောင်းတွေနဲ့  ဆုံးမပေးတာကို ယဉ်ကျေးမှုတဲ့။ ရင်သွေးငယ်တွေဆိုတာ နောင်အနာဂတ်ရဲ့ အရေးကြီးဆုံးသော သူတွေပါ။

ကလေးငယ်တွေကို ယဉ်ကျေးမှုသင်းရင်း အမြဲဒီလိုပြောပြလေ့ရှိပါတယ်။

မင်းတို့ရဲ့ ကိုယ်၊ နှုတ်၊ စိတ်သုံးပါးက ကောင်းတာရော၊ မကောင်းတာရော လုပ်လို့၊ ပြောလို့၊ တွေးလို့ရတယ်။ ကောင်းတာတွေဖြစ်တဲ့ ဆွမ်းတော်ကပ်၊ ရေချမ်းကပ်စတဲ့ ဘုရားဝေယျာဝစ္စ၊ သံဃာ့ဝေယျာဝစ္စ၊ မိဘဆရာ ဝေယျာဝစ္စ စတာတွေကို မင်းတို့ရဲ့ ကိုယ်၊ နုတ်၊ စိတ်နဲ့ လုပ်လို့ရတယ်။ သူများအသတ် သတ်တာလည်းပဲ ဒီကိုယ်၊ နှုတ်၊ စိတ်ပဲ။ သူများဥစ္စာ၊ သူများသားမယားပြစ်မှားတာ၊ သူများဒုက္ခရောက်အောင် လိမ်တာ၊ အရက်သေစာသောက်စားတာ၊ သူများအတင်းအဖျင်းပြောတာ၊ ကမ္ဘာကိုဖျက်ဖို့အတွေးတွေ ခေါင်းထဲမှာ ထည့်ထားတာ စတဲ့ မကောင်းတဲ့အရာတွေကိုလည်းပဲ ဒီကိုယ်၊ နှုတ်၊ စိတ်နဲ့ပဲ ပြုလုပ်လို့ရတယ်။ အဲဒီတော့ မင်းတို့တတွေရဲ့ နှလုံးသားထဲမှာ အကောင်း၊အဆိုးနှစ်မျိုးကို ခွဲခြားသိရင်၊ သိတဲ့အတိုင်း တကယ် လိုက်လုပ်လေ့ရှိတဲ့ သူတော်ကောင်းတွေရဲ့ စိတ်ဓာတ်မွေးကြမယ်ဆိုရင် မင်းတို့ငါတို့ ယဉ်ကျေးမှု သင်ရကျိုးနပ်ပြီ။

မော်ကွန်းသစ်

ခိုနားမိတဲ့ အရိပ်

2011-06-12T21:20:00.000-07:00

ဟိုနှစ်ပေါင်း များစွာက အရိပ်တစ်ခုကို ကြုံကြိုက်လို့  နားခိုမိရင်း အရိပ်စစ်တွေ့ သွားတဲ ရှင်ပုဏ္ဏတစ်ယောက် အကြောင်းလေးကြားဖူးလား။ ပြောပြချင်လို့ ။ အကုန်တော့ မပြောတော့ဘူး။ ရှည်သွားရင် မဖတ်ဖြစ်ဘဲ နေမှာစိုးလို့ ။

အစကတော့ သူလည်းပဲ လောကရဲ့ အပူမီးတွေကို ရင်မှာပိုက်လျက်ပါပဲ။ ပျော်စရာနဲ့ တွေ့ ရင်လည်း ဘာရမလဲ ပျော်လိုက်တာပါပဲ။ ငိုစရာရှိရင်လည်း ငိုတတ်တဲ့ အကျင့်သူ့ မှာ ရှိတုန်းပဲ။ သူ့ ကို အလိုမကျလို့ သွားဆဲရင်လည်း သူနာနေတုန်းပါပဲ။ ချီးမွှမ်းတာမျိုး၊ မြှောက်ပြောတာမျိုးလည်း မယုံရင် သွားလုပ်ကြည့်။ သူ အမြောက်ကြီး မြောက်နေဦးမှာပါပဲ။ ဆိုလိုတာက သူ့ အသည်းမှာ ပျော်ရွှင်မှုတွေ၊ လွမ်းဆွတ်မှုတွေ၊ ကြင်နာမှုတွေ၊ နာကြည်းမှုတွေနဲ့ ပြည့်နှက်နေတုန်း။ ဒီလို အခွင့်အရေးမျိုးကြုံလာပြီဆိုရင်လည်း လောကဇာတ်ခုံပေါ်မှာ ကျရာနေရာက သရုပ် ဆောင်တုန်းပဲ။

တစ်နေ့ မှာတော့ သူဟာ အရောင်းအ၀ယ်ကိစ္စနဲ့  သာဝတ္ထိမြို့ ကို ရောက်ရှိလာခဲ့ပါတယ်။ အဲဒီအချိန်မှာ သာဝတ္ထ်ိမြို့ သူ၊ မြို့ သားအာလုံး ဇေတ၀န်ကျောင်းကို သွားနေကြတာပါ။ ရည်ရွယ်ချက်ကတော့ ဘုရားရှင်ကို ဖူးဖို့ တဲ့။ တချို့ လည်း ဘုရားရှင်ကို ကပ်လှူဖို့ လက်ထဲမှာ ဆွမ်းအုပ်ကလေးတွေ ကိုင်လို့ ။ တချို့ ကလည်း အဖျော်ရည်၊ ဆီမီး၊ အမွှေးတိုင် စသည်ဖြင့် ကိုယ်စီကိုယ်စီ ဇေတ၀န် ဥယျာဉ်ဆီကို ချီတက်နေကြတော့တာပါ။

သာဝတ္ထိမြို့ မှာ လူတွေ ဒီလောက်ရှုပ်တာ မမြင်ဖူးတဲ့ သူ့ အတွက် ၊ အထူးအဆန်းတွေ ဖြစ်တာပေါ့လေ၊ သူတို့ ဘာလုပ်နေကြတာလဲ ဆိုတာကိုလည်း သိချင်စိတ်တွေ တဖွားဖွား ဖြစ်နေတော့တာပါ။ တခါတခါ သူ တွေးမိသေးတာက ပွဲလမ်းသဘင်များ ရှိနေလို့  ဒီလို သွားလာနေကြတာလား ပေါ့လေ။ ရှိခဲ့ရင်လည်း သူလည်း လိုက်ပျော်ဖို့ထင်ပါရဲ့။ ပျော်တတ်တဲ့ စိတ် ရှိသေးတာဆိုတော့ ပျော်စရာရှိလာရင် သူလည်း ၀င်ရောလိုက်ဘို့ ပဲနေမှာပါ။

ဒါပေမယ့် ဇေတ၀န်ကို သွားတဲ့ လူတစ်ယောက်ကို သူစပ်စု ကြည့်လိုက်တော့မှ သူ့ အထင်တွေ လွဲသွားခဲ့မှန်း နောက်မှသိပါတော့တယ်။ သူထင်ထားတာမျိုး မဟုတ်ဘဲ လောကမှာ အတုမရှိ အနိုင်းမဲ့ ဘုရားရှင်တစ်ဆူ ပွင့်မှန်း သူ သိသွားတော့တာပါ။ှ ဘုရားရှင်ပွင့်တယ်ဆိုတော့ သူ စိတ်ထဲမှာ ဘယ်လိုပျော်သွားမှန်း မသိ။ သူများတွေဖူးသလို သူလည်းပဲ နောက်ကလိုက်ဖူးချင်စိတ်တွေ တဖွားဖွား ဖြစ်သွားတော့တာပါ။ ဘုရားပွင့်ပြီဆိုပြီး ဘုရားအစစ် မဟုတ်တဲ့ ကောလဟလဘုရား အတုတွေနဲ့ လည်း သူကတွေ့ ခဲ့ ဖူးသေးတာကိုး။ ဘုရား ဟုတ်မဟုတ် သုံးသပ်ချင်တဲ့ သံသယ စိတ်တွေလည်း ပါတယ်ထင်ပါရဲ့။

သူလည်း အများနည်းတူ ဇေတ၀န်ကျောင်းတော် တရားနာ ပရိတ်သတ်တွေ အတွင်း လွတ်တဲ့နေရာလေးမှာပဲ နေရာဝင်ယူလိုက်မိပါတော့တယ် ။ သူ့ စိတ်ထဲမှာတော့ ဘုရား ဘယ်မှာလဲဆိုတာ မျက်စိကစားပြီး သူရှာလိုက်ပါတယ်။ ဓမ္မာရုံအတွင်း တရားနာ ပရိတ်သတ်တွေများသော်လည်း အသံတွေတိတ်လို့ ၊ ဆိတ်လို့ ။ချောင်းဆိုးသံ၊ လက်ချိုးသံပင် မကြားတော့ ပရိတ်သတ် ကင်းမဲ့နေတဲ့ နေရာတစ်ခုလိုပါပဲလား။

သူ တွေ့ သွားပါပြီ။ ဗုဒ္ဓါသန ဓမ္မပလ္လင်ပေါ်မှာ ပင်လုံးကျွတ်ပွင့်တဲ့ ပန်းပင်ကြီးလို့ ရုပ်အဆင်းက တင့်တင့်တယ်တယ်။ မြင်လိုက်တာနဲ့ ကြက်သီးတွေမွှေးညင်းထစရာ။ ယောက်ျားမြတ်တို့ ရဲ့ လက္ခဏာ ဘယ်လို ဘယ်ပုံဆိုတာလည်း သူအခုမှ သရုပ်ခွဲ လက်တွေ့ ကျကျ လင်းသွားဟန်တူပါရဲ့။ ဘုရားရှင်ကို မြင်လိုက်တာနဲ့  ကြည်ညိုစရာ ကောင်းတဲ့ အဖြစ်သနစ်က သူ့ နှလုံးသားမှာ ကိန်းအောင်းချေပြီ။ လွှတ်ခနဲရေရွတ် လိုက်မိတာကလည်း လောကမှာ ဘုရားရှင်မှတပါး ကိုးကွယ်ရာမရှိတဲ့။

ဝေနေယျသတ္တ၀ါတွေကို သားတော်ရာဟုလာနဲ့ မခြား ကယ်တင်တော်မူတတ်တဲ့ ဘုရားရှင်ရဲ့ နှလုံး အစုံကိုလည်း မြင်လိုက်တာနဲ့ သံသယမရှိ သူ ထိထိမိမိ သိသွားတော့တာပါ။ ဘုရားရှင်ရဲ့ ကရ၀ိတ်သံ၊ ကြိုးကြားသံနှယ် နာပျော်ဖွယ်ကောင်းတဲ့ ဓမ္မအသံတော်ကလည်း သူ့ အတွက် ပိုလင်းလက်သွားစေခဲ့ပါတယ်။ ဘုရားရှင် ထိထိမိမိဟောတော်မူလိုက်တဲ့ တရားတော်ကလည်း ဒီလို….ဒီလို…ထိသွားရပေမပေါ့။

“သတ္တ၀ါအားလုံးဟာ သံသရာခရီးသွားတွေပဲ။ ခရီးသည်ထုံးစံအတိုင်း ဟိုဘ၀ရောက်လိုက်၊ ဒီဘ၀ရောက်လိုက်၊ ကောင်းတဲ့ ဘုံရောက်လိုက်၊ မကောင်းတဲ့ ဘုံရောက်လိုက်နဲ့  မရပ်မနား တရစပ် ခရီးသွားနေရတာပါ။ မသိမိုက်မဲမှုတွေ၊ လိုချင်မှုတပ်မက်မှုတွေ ရှိနေသေးသမျှ လူဖြစ်လိုက်၊ နတ်ဖြစ်လိုက်၊ ဗြဟ္မာဖြစ်လိုက်၊ တိရိစ္ဆာန်ဖြစ်လိုက်နဲ့  သံသရာစက်ကြီးထဲ လည်နေကြတာပါပဲ။ ဒီသံသရာစက်ကြီး အလည်ရပ်ချင်ရင်တော့ မြင့်မြတ်တဲ့ ပါရမီတွေ ကြိုးစားအားထုတ်ခြင်းနဲ့  အဆင့်မြင့် အရဟတ္တမဂ်၊ အရဟတ္တဖိုလ်တွေရအောင်လုပ်ပြီး ရပ်ကြပေရော…။

ရွှေတွေ၊ ငွေတွေ၊ တိုက်တာ ခြံမြေတွေ ဟာလည်း ကိုယ်ပိုင် ပစ္စည်းမဟုတ်ဘူး။ သေရင် ဘယ်သူမှ ယူသွားလို့ မရဘူး။ ယူသွားလို့ ရနိုင်တာက ကိုယ်ပိုင် ဒါနကောင်းမှု ၊ သီလကောင်းမှုတွေပဲ။ အဲတော့ ကိုယ်ပိုင်မဟုတ်တဲ့ ဟာတွေကို ကိုယ်ပိုင် ပစ္စည်းဖြစ်အောင် ပြောင်းလဲပစ်နိုင်ဖို့ ပဲ။

လူ့ စည်စိမ်၊ နတ်စည်းစိမ်ဆိုတာလည်း ဥပမာပြောရရင် အသားမကပ်တဲ့ အရိုးခြောက်ကို ကိုက်နေတဲ့ ခွေးနဲ့ တူတယ်။ ခွေးတွေဟာ အသားမရှိတဲ့ အရိုးမှန်း သိသော်လည်း အဲဒီ အရိုးကို တကျွတ်ကျွတ်မြည်အောင် ကိုက်နေတယ်။ ကိုက်ရင်း၊ ကိုက်ရင်းနဲ့ ကြာလာတော့ သွားရည်ကြောင့် အရိုးတွေ နူးလာတယ်။ အဲဒီအချိန်မှာ အသားနံ့ လေး နဲနဲ ထွက်လာတယ်။ အသားစိုင် ဖြစ်လာနိုး ကိုက်ရင်းနဲ့ ပဲ ကြာလာတော့ အောက်သွားတွေ ကြွေကုန်တယ်။ သွားတွေနာလာတော့ စိတ်မော၊ ကိုယ်မော ပင်ပန်းစွာနဲ့ ပဲ ကောက်ရိုးပုံပေါ် ခဏနားလိုက်တယ်။ အမောပြေတော့ အရိုး ကို တစ်ခါထပ်ကိုက်ပြန်တယ်။ တကယ့်အနှစ် အရသာထူးမရှိတဲ့ အရိုးကို ထပ်တလဲလဲ ကိုက်နေတဲ့ ခွေးလိုပဲ သတ္တ၀ါတွေဟာ ကာမဂုဏ်ကို ခင်မင် တွယ်ဖက်နေကြတယ်။ အချည်းနည်းဖြစ်တဲ့ အကာတွေရဲ့ နောက်ကိုပဲ လိုက်ပြီးရင်း လိုက်နေကြတယ်”တဲ့။

ဘုရားရှင်ဟောတော်မူလိုက်တဲ့ တရားက သူ့ ရဲ့ စိတ်တွေကို ပြောင်းလဲ စေတော့တာပါ။ သူ့ ရဲ့ စိတ်ထဲမှာလည်း ဘုရားရှင်ရဲ့ သဘာဝကျကျ တရားတော်တွေကို ဥာဏ်နဲ့ ထပ်တလဲလဲ သုံးသပ်မိနေပါတော့တယ်။ သူ့ လုပ်နေတဲ့ အလုပ်တွေဟာ ဘုရားရှင် ဥပမာပေးတဲ့ ခွေးနဲ့ တူတယ်လို့ ယူဆလိုက်တာ ရယ်ကြောင့် ဘုရားရှင်ကို သာသနာတော်ထဲ ၀င်ပြီး ရဟန်းဝတ်ဖို့ ခွင့်တောင်း လိုက်ပါတော့တယ်။ သူ့ရဲ့ဆန္ဒကို ဘုရားရှင် ခွင့်ပြုတာရယ်မို့  သံသရာစက် အလည်ရပ်တဲ့နည်းလမ်း ကောင်းတွေကို သင့်လျော်ရာ အရိပ်မှာ နားခိုရင်း ကြိုးစားအားထုတ်လိုက်တော့တာပါ။

လောကမှာ အရိပ်တွေ အမျိုးမျိုးရှိပါတယ်။ အဲဒီအရိပ်တွေထဲမှာ ကိုယ့်ကို အေးချမ်းမှုအပေးနိုင်ဆုံး အရိပ်ကို ရွေးချယ်ပြီး နားခိုတက်ဖို့ လိုပါတယ်။ ရှင်ပုဏ္ဏလို မိမိအတွက် တကယ့်နားခိုးစရာ ဖြစ်တဲ့ ဓမ္မအရိပ်စစ်ကိုသာ ကိုယ်တိုင်ကိုယ်ကျ ကိုယ်လှုံတက်ဖို့ ပဲ ကြိုးစားအားထုတ်ကြပေရော…………။

မော်ကွန်းသစ်

မွေးနေ့လက်ဆောင်

2011-03-14T21:53:00.000-07:00

ဘယ်သွားရမှန်းမသိတဲ့ လိပ်စာလေးနဲ့အတူ
နှစ်ဆယ့်သုံးခုမြောက်ဘူတာကို
လက်ပြနှုတ်ဆက်လိုက်ရတယ်။

လမ်းတလျှောက်
ရာသီတွေက ဆိုးလွန်းတော့
မျက်နှာဖုံးတွေကိုပဲ
အထပ်ထပ် အားကိုးခဲ့ရပေါ့…။

မခိုနားရသေးတဲ့ ဘူတာလေးရေ
မင်းအရိပ်မပြလည်း
ကြိုသိနှင့်ပြီးသားပါ
ငါနဲ့ ကြယ်တွေတစ်ပွေ့တစ်ပိုက် လသာည
အရင်ကလိုပဲ
ကျွန်းအထပ်ထပ်ခြားပစ်အုံးမယ် မဟုတ်လား။

“ရွှေဆိုတာ ငရဲမီးနဲ့တို့လို့ မစား
မီး ဖုတ်လို့မမဲ
တူ ထုလို့မကွဲ
နန်းဆွဲလို့လည်း မပြတ်ဘူး…။
စမ်းသပ်ချက်တွေ
မခံနိုင်ရင်
ရွှေလုပ်မနေနဲ့လေ
ရွှေရည်ပြည့်တဲ့ ရွှေအစစ်
ဘယ်တော့မှ ဖြစ်လာမှာမဟုတ်ဘူး”

အစွယ်တွေချွန်သထက် ချွန်လာဖို့
ဆာလောင်တာတွေ အတိုင်းဆမဲ့ ဆာလောင်လာဖို့
ငါ့ဘတ်ဒေးမှာ
ဒီလက်ဆောင်နဲ့ပဲ
နှစ်သိမ့်လိုက်တော့တယ်။

မော်ကွန်းသစ်
(၂၃နှစ်ပြည့်မွေးနေ့အတွက်)

မိတ်ဆွေ၏ မွေးနေ့

2011-01-23T19:15:00.000-08:00

အိပ်ချင်တယ်
အိပ်ချင်မှ အိပ်မယ်
တရားရှာဖို့တဲ့
တံခါးတွေဖွင့်မိရဲ့.....

ကဗျာတွေဖတ်တယ်
ဂါထာတွေရွတ်တယ်
ပိဋကတ်စာတွေ ကိုးကားမိသေး

ဘုရားမပွင့်လည်း
မွေးဖွားနေကြမှာပဲ
ရုပ်ခန္ဓာတွေ နာခဲ့ကြပြီးပြီ
ဘာဖြစ်လို့
ဝေဒနက္ခန္ဓာတွေ
တာရာမင်းဝေနေကြရသေးလဲ

ရဲရဲပေါ့
သီလကို စမ်းဝါးရင်း
ဘာဝနာပွားပေါ့ တဲ့.....

သစ္စာ
သစ္စာ
ပြောလို့ကောင်းတယ်
သိဖို့ခက်တယ်
ပယ်ဖို့ခက်တယ်
မျက်မှောက်ပြုဖို့ခက်တယ်
ကျင့်ဖို့ခက်တယ်

ကိုယ့်ကိုယ်ကို ဘာနဲ့ အေးအောင်လုပ်ကြမလဲ...
မဇ္ဈိမကတော့ မီးပျက်လေ့ရှိသေး...

ပုဒ်ထီးပုဒ်မများ
စာသင်ခန်းတွေထဲ ခဏ ခဏအော်မိရဲ့
ကံသုံးပါးကို
ဘယ်နားထားရမှန်းမသိဘဲ
ပြက္ခဒိန်တစ်ခုကျော်လာတာကို
လက်ဆွဲနှုတ်ဆက်လိုက်ပါတယ်။

အမှားကင်းစေသတည်း......

ဓမ္မဂင်္ဂါ
၂၇-၀၇-၂၀၁၀

မြူတိမ်ကင်းလို့ လမင်းသာ

2011-01-17T21:45:00.000-08:00

ကိုယ်ပိုင်လမင်းလေး
အမြဲသာချင်ရင်တော့
ဆက်ပြီး ဖွဲ့ချည်စရာများ
မကမ်းလင့်မီ...
ကိုယ့်မြူတိမ်(အကုသိုလ်)တွေ
ကိုယ်တိုင် လျှော့ချလိုက်မှ
ဖြစ်မယ်...။
(ကောင်းကင်လှလှကြီး
တစ်ခုပေါ်မှာ
မြူတိမ်ကင်းတဲ့ လမင်းတစ်ခုသာ
ဖြစ်ပါရစေ...)
မော်ကွန်းသစ်
၁၈.၁.၂၀၁၁

ရာနှုန်းပြည့် အတွေး

2010-12-07T01:23:00.000-08:00

သိဒ္ဓတ္ထကို ခမည်းတော် အပါဝင် ဆွေတော်မျိုးတော် အားလုံးက လောကမှာ အကြီးကျယ်ဆုံးဆိုတဲ့ စကြာဝတေးမင်းဖြစ်ဖို့ ၀ိုင်းပြီးဖိအားပေးနေချိန်မှာ သိဒ္ဓတ္တမင်းသားက ဒီလိုတွေးလိုက်တာပါ။

သူတို့က ငါ့ကို အကြီးကျယ်ဆုံး ဖြစ်စေဖို့အတွက်
အနိမ့်ကျဆုံးတွေကို လုပ်စေလိုကြတယ်၊

ငါက အမြင့်မြတ်ဆုံးဖြစ်ဖို့အတွက်
အကြီးကျယ်ဆုံးများကို စွန့်လွှတ်ရမယ်။

ကြီးကျယ်မှုကိုသာ မျှော်မှန်းသူဟာ
အနိမ့်ကျဆုံးကိုပင် လုပ်ရဲကြတယ်။

ကြီးကျယ်ခြင်းနဲ့ မြင့်မြတ်ခြင်းတို့ရဲ့
တန်ဖိုးကို နားမလည်ကြဘူး။

ကြီးကျယ်မှုဟာ အမြင်ခမ်းနားသလောက်
အနှစ်အခိုင်မာ မရှိတဲ့ တစ်ဘ၀ တစ်နပ်စာသာ ဖြစ်တယ်။
မြင့်မြတ်မှုဟာ အမြင်မခမ်းနားပေမယ့် အနှစ်သာရ ပြည့်ဝခိုင်မာတယ်။

မော်ကွန်းသစ်
၂၁.၈.၁၀

ပိဋကတ်သုံးပုံလောက်တော့ သနားတယ်

2010-09-17T22:54:00.001-07:00

အကျွန်ုပ်အနှီစာကို ရေးသားသမှု ပြုနေသော အချိန်သမယ၀ယ် မြို့တော်ရန်ကုန်၌ မိုးသက်လေပြင်းများ ၀ုန်းဒိုင်းကျဲ၍ နေလေတော့သတည်း။

ငယ်ငယ်က ပိဋကတ်သုံးပုံကျက်ဖို့ဆိုတာ နည်းနည်းလေးသော်မှ စိတ်မကူးခဲ့ဖူးရိုး အမှန်ဧကန်။ တိပိဋကဓရ ရှင်လေးမော် ဆိုတာမျိုးလည်း တကယ်မုချ မဖြစ်ချင်ခဲ့။ “ပိဋကတ်သုံးပုံ အောင်မယ်ဆိုရင် ရဟန်းခံပေးမယ်” ဟု စိတ်ကူးရွက်လွင့်ခဲ့ရှာသည့် ဒကာ ဒကာမများ၏ မက်လုံးများကိုလည်း ဟင့်အင်း လုပ်ကာ ငြင်းခဲ့ဖူးသေး၏။ ပိဋကတ်သုံးပုံကျက်မှတ်ဖှိ့ အဲသလိုအဲသလို ဟင့်အင်းတွေ များနေရခြင်း၏ အကြောင်းအကြောင်းများ မော်ကွန်းမှာ ရှိပါ၏။ အမှန်ကို အမှန်တိုင်းသာ ၀န်ခံရချေသော် ပိဋကတ်သုံးပုံ အလုံးစုံကို အာဂုံဆောင်နိုင်လောက်သော ရွှေဉာဏ်တော် ဆိုသဟာမျိုး မော်ကွန်းမှာ မရှိ၍ မဖြစ်နိုင်လေဘူးဟု ထင်မှတ်မိသော ကြောင့်ပါတည်း။

ယခုမူကား မော်ကွန်းသွားလေရာ အမြဲပါသော ဟန်းဖုန်းခေါ် လက်ကိုင်ဖုန်း၏ နံပါတ် ကလေးများသည် ပိဋကတ်သုံးပုံဆိုသော ဘုရားဟော စကားတော်များကို တစ်လုံး၊တစ်ပါဒလေးမှမကျန် ပြန်လည် ကျက်မှတ် လိုသည့် စိတ်များနှင့်အတူ၊ ဟိုး..ယခင် အတိတ်ကာလများကို ပြန်လည်တမ်းတလိုသည့် စိတ်များကိုပါ တဖွားဖွား ဖြစ်အောင် တို့ထိကာ ကစားဘိချေတော့၏။

ကွန်ပျူတာဆိုသည့် အရာသည် အင်တာနက်ဆိုသဟာလေးနှင့် ချိတ်ဆက်ထားခြင်းမပြုလျှင်မူ လင်ကောင်မရှိ တစ်ယောက်ထီးတည်း ဖြစ်နေသော မုဆိုးမ၊ လင်ကောင်ပျောက်နေရှာသော တစ်ခုလပ်၊ လင်အဖြစ် တာဝန်ယူအံ့လတ္တံသတိုးသားများကို မျှော်နေရရှာသော အပျိုကြီးများသဖွယ် ဖြစ်ချေဘိ၏ဟု မော်ကွန်းတစ်ယောက် အနို့်ကလို ထင်မှတ်မိပါ၏။ ဟန်းဆက်ခေါ် ကဒ်မဲ့ဖုန်းခွံအရာဝတ္ထု ကလေးများ သည်လည်း ထိုနည်းတူပါတည်း။ သူတို့၏အတွင်းဝယ် တစ်ယောက်နှင့် တစ်ယောက် ဟဲလိုလုပ်ကာ ချိတ်ဆက်ဖို့ရာ ကဒ်ကလေးများမှ မရှိလျှင်မူ အတော်ကို အညတရဆန်လွန်းလှပါ၏။ ရံဖန်ရံခါ၌ ဟန်းဆက်စတိုးများသို့ မော်ကွန်း ရောက်ဘိလျှင်မူကား သူတို့၏ကြင်ဖော်၊ကြင်ဖတ် ကဒ်လေးများနှင့် အောင်သွယ်ပေးနိုင်မည့်သူကို ငံ့လင့်ရှာနေသော ကဒ်မဲ့ ဖုန်းခွံလေးများကိုကြည့်ကာ ကရုဏာသက်မိသည်မှာ မယွင်းဧကန်ပါတည်း။

ရွှေပြည်ကြီးပြန်ရောက်လေမှ တစ်ခုလပ်ဖြစ်သွားရရှာသော မော်ကွန်း၏ ဟန်းဆက်အခွံလေးကို အသနားပိုကာ မြန်မာကျပ်ငွေ နှစ်သောင်းတိတိ ပေးချေရသည့် ကဒ်ကလေးတစ်ကဒ်နှင့် ချိတ်ဆက်သမှု ပြုလုပ်ပေးခဲ့မိလေသည်။ ထိုနှစ်သောင်းကျပ်တိတိ အဖိုးတန်ချေသော ကဒ်ကလေးတွင် အစ်(က်)စပိုင်ရီ ဒိတ်(expiry date)ခေါ် ကိုင်ဆောင်ခွင့် နေ့စွဲကလေးပါ အတူတကွ ကပ်ပါလာခဲ့၏။

တစ်လတဲ့။ ဟုတ်ကဲ့. သုံးသုံး၊ မသုံးသုံး တစ်လသာ သုံးစွဲခွင့် ရမည်။ တစ်လအတွင်းမှာပင် ကိုယ်က မနေနိုင်လွန်း၍ ခြေဆော့၊ လက်ဆော့ ဆက်မိ၍သော်လည်းကောင်း၊ ထိုထိုသော ပုထုဇဉ် လူမိုက်မိတ်ဆွေများကပဲ အလိုက်မသိစွာဖြင့် မိမိဆီသို့ ဆက်လွန်း၍သော်လည်းကောင်း ဘဲ့လဲန်စ် မန်းနီးကလေးများ (Balance money) ကုန်တော်မူပြီဆိုလျှင်လည်း ကိုင်ဆောင်ခွင့်ဆိုသဟာလေး အဲသမှာတင် ကိစ္စပြီးချေပြီတဲ့။ ထိုသို့ဖြစ်ချေခဲ့သော် လမ်းခွဲကြပေတော့။ သို့တည်းမဟုတ် ဆက်လက်ကာ သုံးစွဲ ချင်သပဆိုလျှင် နောက်နံပါတ်အဖြစ်နဲ့ ကဒ်အသစ်သာပြေးဝယ်။

အဲသလို၊ အဲသလို သုံးစွဲခွင့်ဆိုသဟာလေး ကုန်တော်မူလေပြီးသကာလ နောက်ထပ်နောက်ထပ် ဆက်လက်ကာ သုံးစွဲချင်ကြသော ပုထုဇဉ် လူ့အန္ဓများအတွက် နံပါတ်အသစ်ကဒ်အသစ် ခဏခဏ လဲလှယ်ရဦးမည်ဖြစ်၍ မိမိဖုန်းနံပါတ်များကို မိမိကိုယ်တိုင် မှတ်မိနိုင်စေဖို့အတွက် မိမိ ရွှေဥာဏ်တော်က အမြင့်ဆုံး အနေထားသို့ ဖြစ်နေရမည်။ မိမိကို ဆက်သွယ်သမှုပြုလိုလှသည့် သူများကလည်း ဖုန်းနံပါတ်မှတ်ဖို့အတွက် မိမိကဲ့သို့ မှတ်ဉာဏ် ကောင်းလျှင်ကောင်း၊ ထိုသို့မဟုတ်ပါဘဲ တော်ရုံတန်ရုံ အစုတ်အပြတ် နလဗိန်းတုံး ဉာဏ်အဆင့်လောက်သာ ပိုင်ဆိုင်ကြလျှင်မူ ဗလာစာအုပ် ထူထူတစ်အုပ်ရယ်၊ ကြာရှည်အရေးခံသည့် ဘော့လ်ပင်တစ်ချောင်းရယ် ရှိမှသာ ဖြစ်ချေတော့ မည်တည့်။

မော်ကွန်းအတွက်တော့ ကဒ်အသစ်ပြောင်းလို့ နံပါတ်အသစ် ထပ်မှတ်ရခြင်းကိစ္စ နည်းနည်း လေးသော်မှ ပြဿနာမရှိ။ ထိုစကား ချွင်းချက်မရှိ မှန်ပေ၏။ ကဒ်အသစ်ပြောင်းလေတိုင်း ပါလာသည့် နံပါတ်အသစ်လေးကို တစ်ခေါက်လောက် ဖတ်လိုက်၊ မှတ်လိုက်ရုံဖြင့် မော်ကွန်း မှတ်မိပြီ။ ဖုန်းကဒ်များ အသစ်ပြောင်းတိုင်း၊ ထပ်ကာထပ်ကာ နံပါတ်မှတ်ရခြင်းဟူသော ကိစ္စများ လုပ်ရဖန်များလှဘိချေသောကြောင့် ကိုယ့်ကိုယ်ကိုလည်း “မထင်ရဘူးနော် ဉာဏ် သိပ်ကောင်း တာပဲ” ဆိုသည့် သိခွင့်လေးပါ ရ၍ရ၍၊ မာန်မာနလေးကလည်း တက်၍တက်၍ လာဘိချေတော့၏။

မော်ကွန်း စဉ်းစားကြည့်သည်။ ဂဏန်းသင်္ချာအရာမှာမူ သူငယ်တန်း အပေါင်းအနှုတ် သဘောမျှတောင် စဉ်းငယ်မျှမသိရှာ၍ အကြောက်ကြီး ကြောက်ခဲ့ရရှာသည့် မော်ကွန်းသစ်ဟူသော သကောင့်သားတစ်ယောက် ယခုမူ များလှစွာသော နံပါတ်များကို တော်ရုံတန်ရုံသမာဓိကလေးနှင့် တစ်ခေါက်လောက်ဖတ်ရုံမျှ မှတ်မိနေလျှင်၊ ပိဋကတ် နယ်ပယ်ဆိုသည်မှာ ဂဏန်းသင်္ချာ လောကထက် သကောင့်သားမော်ကွန်း ပိုမို၍ အကျွမ်းတ၀င် ရှိလှပါချေသောကြောင့် ပိဋကတ်သုံးပုံ ကျက်ဖို့အတွက် ဉာဏ်မကောင်းဘူးဆိုပြီး ဟင့်အင်း တွေလုပ်ခဲ့သည် အချိန်ကာလတုန်းကသာ ယခုလို ရွှေသင်္ချာဉာဏ်မျိုး ပိုင်ကြည့်လိုက်စမ်းပါ။ “ဟွန်း” မော်ကွန်းတို့က ပိဋကတ်သုံးပုံ လောက်တော့ သနားသဗျာ….သနားသဗျား။

မှတ်ချက်။ ။မော်ကွန်းကို ဆက်သွယ်သမှုပြုလိုလှသော တက္ကသိုလ်ဉာဏ်ရည်အဆင့်သာ ရှိကြသည့် သပ္ပုရိသနွယ်ဝင် သူတော်စင်များ။ နောက်လမှစ၍ ဖုန်းနံပါတ်များ မှတ်ဖို့ရန် ဗလာစာအုပ်နှင့် ဘောလ်ပင်များကို လိုအပ်သည့် အချိန်တိုင်း အခမဲ့ လာရောက်ထုတ်ယူနိုင်ကြပါပြီ။

(လက်မှာယားနာပေါက်လို့ အခုချက်ချင်း ရေးလိုက်မိတဲ့စာပါ…ခွင့်လွှတ်နိုင်တာမှန်သမျှ ခွင့်လွှတ် ကြကုန်လော့….။)

မော်ကွန်းသစ်
၁၈.၉.၂၀၁၀

နေတတ်ရင်တောင် မကျေနပ်နိုင်ပေါင်

2010-09-11T22:25:00.002-07:00

ခုတလော အမြဲနေနေကျ ကျောင်းမှာ တာဝန်ကျရာ ဝေယျာဝစ္စ ကိစ္စအ၀၀တွေကို ကြိုးစားပြုပေးလိုက်၊ အင်္ဂလိပ်စာ သင်တန်းလေး ပြေးတက်လိုက်နဲ့ အချိန်တွေကတော့ ကုန် ကုန်နိုင်လွန်းပါပေ့။ အခြားအခြားသော နောလိပ်များ ရနိုင်ဖွယ်ရာ ဘုတ်အုပ်တွေကြားထဲမှာ ၀င်ခွေခွင့်ရတဲ့ ကာလလေးက အင်မတန် နည်းသွားဘိချေသပေါ့။ ပြောချင်တာက သင်တန်းနဲ့ပတ်သက်တဲ့ စာတွေကလွဲပြီး အခြားစာပေတွေ သိပ်မဖတ်ဖြစ်ဘူးဆိုတာပါပဲဗျာ။ မဖတ်ဖြစ်တော့ ပြန်ချရေးစရာ စာလေးတွေကလည်း ရှားပါးသွားပြန်ပါရော။ ဆန်ပေးမှ ဆီရသည်။ ရော့ပတ္တမြား၊ ရော့နဂါးပဲ ဖြစ်သင့်သည့်ခေတ်ဆိုတော့က အရာရာမှာ တန်ရာ၊တန်ကျေးတော့ ပေးဆပ်ပါမှ ရနိုင်တာချည်း။

ရွှေပြည်ကြီးဝယ် အင်တာနက်ဆိုသဟာလေးနဲ့ သည်ခေတ်၊ သည်ခါကြီးထဲမှာ နီးလျှက်နဲ့ ဝေးနေကြရတဲ့ ကျုပ်တို့ရဲ့ အဖြစ်သနစ် အကြောင်းစုံကိုတော့ဖြင့် အမျိုးကောင်းသား၊ မီးမီးအမျိုးကောင်းတို့ သိတော်မူကြတဲ့ အတိုင်းပါပဲ။ အဲသတော့ အင်တာနက် စာမျက်နှာတွေပေါ်က ဖတ်နေကျစာတွေကို ဖတ်ဖြစ်ဖို့ နေနေသာသာ၊ “ဟဲလို ဟောင်းအာယူ” စသဖြင့် တစ်ယောက်နဲ့ တစ်ယောက်နှုတ်ဆက်၊ စကားပြောလို့ရတဲ့ ချက်တင် ဆိုသဟာလေးတောင် ကော်နရှင်ဆိုတာလေးရယ်ကြောင့် အောင့်အီးသည်းခံ ပေတေလုပ်နိုင်မှ လိုရာပန်းတိုင် ရောက်နိုင်တယ်မို့လား။ ခက်ဘူးလားဗျာ၊ သည်ခေတ်၊ သည်ခါမှ ထွက်ကျလာတဲ့ ဂလိုဘယ်လိုက်ဇေးရှင်းဟု အဆိုပြုခေါ်တွင်နေတဲ့ စကားလုံးလေးက ကျုပ်တို့လို သူတော်ကောင်း မျက်နှာမွဲတသိုက်နဲ့ ဆိုင်တော်မမူလေဘူး ထင်ပါရဲ့၊ နော..။ ဂလိုဘယ်လိုက်ဇေးရှင်းကြီးကလည်း ခွဲခြား၊ ခွဲခြားနိုင်လွန်းပါဘိ။ ထား။

အခုပြောချင်တာ တခါတုန်းစီကအကြောင်းလေးပါ။ ရှင်လေးမော်တစ်ယောက် အင်္ဂလိပ်စာ သင်တန်းများ အစပြုကာ တက်နေတဲ့ ကာလတုန်းကရယ်။ အင်္ဂလိပ်စာသင်တန်း တက်မယ်လုပ်တော့ သူငယ်ချင်းတစ်ယောက်က ပြည်တွင်းဖြစ် သင်တန်း အကောင်းစားများအနက် အကောင်းတကာ့ အကောင်းဆုံး သင်တန်းများကို ကရုဏာကြီးမားစွာ ရှာပေးတော်မူပါသကောလား။ နောက်ဆုံး တောင်ဥက္ကလာမြို့နယ်အတွင်းမှာရှိတဲ့ သင်တန်းများစွာထဲက အကောင်းတကာ့ အကောင်းဆုံး သင်တန်းတစ်ခုကို သူငယ်ချင်း၏ ကူညီသမှုနဲ့ တက်ဖြစ်လိုက်တယ် ဆိုတာပါပဲ။

ကျောင်းတွေမှာ ရေးလေ့ရေးထရှိတဲ့ “ကျောင်းမှန်မှန်တတ်၊ စာမခက်၊ မပျက်မကွက်၊ စာကိုကျက်”တို့ “ကြိုးစားပါလေ၊ ကျောင်းသားတွေ၊ အံလေတသောသော”တို့ စသည်၊ စသည့် ဆိုသဟာမျိုးလု၊ိ အဲဒီသင်တန်းမှာ မင်းတို့အတွက်ဟုဆိုကာ အားပေးသမှုအနေနဲ့ရေးထားတဲ့ ဆောင်ပုဒ်တွေကိုလည်း လူတိုင်း၊ လူတိုင်း မြင်သာ၊ ထင်သာရှိနိုင်ရာ နေရာမျိုးမှာ ချိပ်ထား၊ ကပ်ထားပါရောလားဗျာ။ အဲသဟာလေးတွေထဲမှာမှ၊ တစ်ခုက အင်္ဂလိပ်လိုတတ်ချင်ရင် “ရဲရဲဖတ်၊ ရဲရဲပြော”ဆိုပဲ။ ရှက်တော်မမူကြဖို့လည်း တဖွဖွ ပြောပြန်ပါသေးတယ်။

အင်္ဂလိပ်စာနဲ့ပတ်သက်ပြီး စိတ်ကူးယဉ်မှုလေးတွေ နိစ္စဓူဝဖြစ်ခဲ့ရတဲ့ ရှင်လေးမော်။ အင်္ဂလိပ်စာကို ပရော်ဖတ်ရှင်နယ်ဆန်စွာ တတ်မြောက်ချင်ခဲ့တဲ့ရှင်လေးမော်။ အင်္ဂလိပ်လိုရေးထားတဲ့ စာဆိုရင် ပေါက်ကရစာပါမကျန် အလုံးစုံ ဘာသာ ပြန်ပြချင်တဲ့ ရှင်လေးမော်။ စကားပြောရင် အီးလိုချည်း အရင်တွေးပြီးမှ မြန်မာလိုပြန်ပြောချင်တဲ့ ရှင်လေးမော်။ နောက်ဆုံး လူကြား၊ သူကြား မတော်တဆ လေလည်မိရင်တောင်မှ “အိုး မိုင် ဂေါ့” ဆိုတဲ့ အာမေဋိတ်အသံလေးရဲ့ နောက်ဝယ်၊ “အိုင်မမ် ဆောရီး” ဆိုတာမျိုးလေးနဲ့ တောင်းပန်လိုက်ချင်တဲ့ ရှင်လေးမော်တစ်ယောက် ဆရာ့ဆရာများရဲ့ ရဲရဲဖတ်၊ ရဲရဲပြောဆိုတဲ့ အားပေးသမှုလေးနဲ့ ဘုမသိ၊ ဘမသိ ဖတ်ခဲ့လို့ ဒီရုပ်၊ ဒီရည်နဲ့ ရှက်ဖွယ်လိလိဖြစ်စေခဲ့ရတဲ့ စကားလုံးလေးတွေ အကြောင်း ပြန်ပြောင်းအမှတ်ရမိသခိုက် ပြောပြချင်တာပါ။ အဲသဟာလေးတွေက…

Computer ဆိုသည့် စကားလုံးလေးထဲက Put ဆိုသဟာလေးကို ပွတ်ဟု ထင်ပြီးသကာလ “ကွန်ပွတ်တာ”ဟု ဖတ်၏။
Phoneဆိုတာလေးကိုလည်း pho,ကို ဖိုး၊ ne, ကို နီ ဟုထင်ပြီးသကာလ “ဖိုးနီ”ဟုဖတ်ခဲ့၏။
Champion(ချန်ပီယံ)ကို cham, ကိုချန် pion, ကို ပွန်ဟု ထင်ပြီးသကာလ “ချန်ပွန်”ဟု ဖတ်လိုက်၏။
Dialogue (ဒိုင်ယာလော့) ဆိုတာလေးကိုလည်း “ဒိုင်ရောလို့ကွ” ဟု ရဲရဲကြီး ဖတ်၊ ရဲရဲပြောခဲ့မိသည် ဟူသတည်း။

ဆရာ့ဆရာများကလည်း ရဲရဲဖတ်၊ ရဲရဲပြောလို့ ဆိုပေတာကိုး။ ဒါနဲ့ ဖော်ပြခဲ့ပြီး စကားလုံးတွေကို ထင်ရာ ဖတ်လိုက်မိကြောင်းပါပဲ။ တချို့က အင်္ဂလိပ်အသံကို ပီပီသသ ပြောတတ်ရန်အလို့ငှါ ယူကေ၊ ယူအက်စ် လူမျိုးအစစ်များတို့ရဲ့ ပါးစပ်များကို ဖြစ်နိုင်ရင် သူတို့ပါးစပ်မှာ ငှါးတပ်ချင်ကြသတဲ့၊ စိတ်ကူးယဉ်လိုက်ကြပုံများ။ တချို့မိဘတွေကလည်း သူတို့သားသား၊ မီးမီးတို့ရဲ့ လျှာတွေကို ဘိုစစ်စစ်အသံရစေဖို့အတွက် ပြုပြင်နေကြပါသတဲ့ဗျာ၊ စွမ်းပကားတွေနဲ့ မဖြစ်ဖြစ်အောင် လှမ်းကာတက်နိုင်တော်မူကြပါပေ့။

မော်ကွန်းတို့ကတော့ သူတကာတွေ လုပ်သလိုလည်း လုပ်လိုက်ချင်တယ်ဗျာ။ နောက်ပြီး..ဖြစ်နိုင်ရင်ပေါ့၊ နော….။ အခုနေတုန်းလေး သေပြီး၊ လူပြန်ဖြစ်မယ်ဆိုရင်ပေါ့။ “သေခြင်းတရားဆိုတာ ကြောက်စရာ ကောင်းတယ်”ဘာညာကွာစိ၊ စိတ်ဓာတ်ကျ၊ လူဖြစ်ရှုံးမယ့် စကားတွေ ဝေးဝေးမှာ ခဏအသာထား။ အဲသလိုသာ အကယ်တန္တု လူပြန်ဖြစ်မယ်ဆိုရင်တော့ အင်္ဂလိပ်စာအတွက်ရော၊ ပစ္စုပ္ပန်မှာ မဖြစ်မနေ ကြုံတွေ့နေရတဲ့ အခြား၊အခြားသော မကျေနပ်ချက်များအတွက်ပါ ရဲရဲကြီးပဲ၊ သေပစ်လိုက်မယ်လေဗျာ။

ပြီးတော့ အင်တာနက်လည်း ကြိုက်သလိုသုံးရ၊ ဖုန်းဆိုလည်း ရော့တစ်ကဒ်ပြီး၊တစ်ကဒ်ဝယ်၊ တစ်ပတ်လောက်ကြာသော် ဒီကဒ်က လိုင်းမကောင်းဘူး၊ ကဒ်နံပါတ်များကလည်း မှတ်ရတာ ခက်သဗျားဆိုပြီး ဟောတစ်ကဒ်ပြီးတစ်ကဒ်စွန့်နဲ့ ဟောသလို၊ အဲသလိုလည်း ပေါပေါသုံးရ၊ ကားဆိုရင်လည်း ပါဂျဲရိုး၊ မာစီးဒီး၊ လန်ခရူဇာတို့လောက်ကတော့ ထော်လာဂျီနဲ့ မော်ကွန်းတို့ရဲ့ ကြားမှာထားတဲ့ ယခုလက်ရှိ ဆက်ဆံရေးသဘောလောက်ပဲ ထားလို့လည်းရ၊ ကိုယ့်အိမ်၊ ကိုယ့်ယာ၊ ကိုယ့်မိဘ၊ ကိုယ့်ဆွေမျိုးတစ်သိုက်များနဲ့လည်း ထပ်ကြပ်မကွာ နေလို့ရနိုင်။

အင်္ဂလိပ်ဘာသာဘက်မှာ ဆိုရင်လည်း အင်တာနေရှင်နယ် အင်္ဂလိပ်ဘာသာပြန် ဆရာတို့ရဲ့ အသည်းကျော်၊ ရုံးသုံး၊ ကျောင်းသုံး၊ ငါးစိမ်းသည်သုံး၊ ငါးပိ၊ ငါးပြာရည်၊ ငါးခြောက်သည်၊ ဆိုက်ကားသမား၊ စပါယ်ယာတို့ပါမကျန် စကြာဝဠာအတွင်းဝယ် မှီတင်းနေထိုင်ကြတဲ့ သက်ရှိ၊ သက်မဲ့ အထွေထွေသော သတ္တ၀ါများ အားကိုးသမှုပြုနေရရှာတဲ့ စပီကင်တကာတို့ရဲ့ ထွဋ်ခေါင် အမေရိကန်လူမျိုး၊ နယူးယောက် ဇာတိစစ်စစ် ဗုဒ္ဓဘာသာ သူတော်ကောင်း မျက်နှာချမ်းသာကြီး ဆိုသဟာမျိုးကို မော်ကွန်းသစ်ဆိုတဲ့ အမည်နာမလေးနဲ့ပါ တွဲဖတ်လို့ တောင် ဖြစ်ချင်ပါသေးသဗျား။ အခုတော့လည်းလေ…ဖြစ်နေရတဲ့ ဘ၀က စိတ်ဓာတ်မကျအောင် သဘောထားကြီးကြီးနဲ့ ကိုယ့်ဟာကိုယ် နှစ်သိမ့်ပြီး နေတတ်ရင်တောင်မှ မကျေနပ်နိုင်ပါဘူး အရပ်ကတို့။

မော်ကွန်းသစ်
၁၂.၉.၂၀၁၀

သိဒ္ဓတ္ထအတွေး

2010-08-21T04:54:00.000-07:00

မော်ကွန်းသစ်
၂၁.၈.၁၀

မော်ကွန်းဝင် ဇာတ်လမ်း

2010-08-19T04:49:00.000-07:00

ပို့စ် အသစ်တွေ မတင်နိုင်တာနဲ့ ပတ်သက်ပြီးတော့ ထူးထူးထွေထွေ ပလ္လင်ခံ ရှင်းပြမနေတော့ပါဘူး။ အကြောင်းကြောင်းသော အကြောင်းတွေကြောင့်ပဲပေါ့။ မြန်မာပြည်ပြန်ရောက်တဲ့နေ့က စပြီး ဒီကနေ့ထိ အေးအေးဆေးဆေးနားရတယ် မရှိသေးပါဘူး။ ဒီလို ပြောလိုက်လို့လည်း သိပ်ကြီးကျယ်လွန်းလိုက်တာလို့ ထင်နေမလား။ တကယ်ပါ။ ကိစ္စ ကြီးငယ်ရှိတိုင်း ဟိုပြေးလိုက်၊ ဒီပြေးလိုက်နဲ့ အချိန်တွေကလည်း အတော်ကို ကုန်နိုင်လွန်းလှပါတယ်။

ကိုယ့်ဟာကိုတော့ ငါဘာမှမဟုတ်သေးဘူးလို့ ထင်ချင်နေသေးပေမယ့် အများအမြင်ကတော့ ကိုယ့်ကို အားကိုးလို့ ရနိုင်တယ် ဆိုပြီး တချို့နေရာတွေမှာ ဦးဆောင်သူ အဖြစ်နဲ့ နေရာတွေ ပေးနေပြန်တော့ မိမိအတွက် မလွယ်လှပေဘူး။ သူတို့အားကိုးသမှု ပြုလာသမျှတိုင်းလည်း အောင်အောင်မြင်မြင်ဆောင်ရွက် ပေးနိုင်ဖို့ လှုပ်ရှားရတာတော့ မလွယ်ရေးချပဲ။

လူရယ်လို့ဖြစ်လာရင် မိမိနဲ့တပါးတည်း ပါလာတဲ့ ကဏ္ဍ၊ အကန့်လေးတွေကို သူ့အချိန်၊ အခါနဲ့သူ ကောင်းကောင်း အသုံးချနိုင်ဖို့ အလွန့်အလွန် အရေးကြီးလှကြောင်း အခုမှ ပြတ်ပြတ်သားသား မြင်မိလာတယ်။ လူငယ်က လူငယ်အချိန်မှာ လုပ်ရမယ့် အကန့်လေးတွေ၊ လူလတ်က လူလတ်တစ်ယောက်လုပ်ရမယ့် ကဏ္ဍလေးတွေ၊ ဒီလိုပါပဲ လူကြီးတစ်ယောက်အနေနဲ့ မဖြစ်မနေ လုပ်ရမယ့် အကန့်လေးတွေ လုပ်ခွင့်ရှိတဲ့ အခိုက်အတန့်လေးမှာ အမိအရ လုပ်ခဲ့နိုင်ဖို့ လုပ်လိုက်နိုင်ဖို့ပါပဲ။ လူလတ်ပိုင်းအရွယ် ရောက်မှ လူငယ်တစ်ယောက်တုန်းက အခွင့်ရေးလေးတွေ ပြန်လုပ်ချင်၊ ပြန်လိုချင်နေလို့ကတော့ အချိန်ပေးနိုင်တော့မှာ မဟုတ်ပါဘူး။ တမ်းတနေရုံ၊ လွမ်းနေရုံမှတပါး အခြား၊ အခြားရှိမှာ မဟုတ်တော့။

လောကဇာတ်ခုံပေါ်မှာ အမျိုးမျိုး အဖုံဖုံသော ကကွက်တွေနဲ့ အစုံလှုပ်ရှားနေရတာဟာ လူတို့ရဲ့ ဓမ္မတာတစ်ခုပါပဲ။ “မိမိကိုယ်ကိုယ်တိုင်သာ မိမိအားကိုးရာလို့” မိမိတို့သိထားကြတဲ့အတိုင်း နေ့စဉ် ကိုယ်ကိုယ်တိုင်ပဲ ဇာတ်လမ်းထွင်၊ ကိုယ်ကိုယ်တိုင်ပဲညွှန်ကြား၊ ကိုယ်ကိုယ်တိုင်ပဲ ကပြ၊ သရုပ်ဆောင်ပြနေရတဲ့ သူတွေချည်းပါပဲ။ “မနော ပုဗ္ဗင်္ဂမာ ဓမ္မာ- မိမိတို့တတွေရဲ့ လုပ်ဆောင်မှုအားလုံးကို စိတ်ကပဲ ဦးဆောင်ရှေးသွားပြုတယ်ဆိုတဲ့အတိုင်းလည်း မနောကံနှလုံးသား စေခိုင်းသမျှ ၀စီကံ(အပြောအဆို)၊ ကာယကံ(လက်တွေ့ပြုလုပ်မှု)အမှုတွေက သရုပ်ဆောင်နေကြရတာ မဟုတ်ပါလား။

ကိုယ်ဖန်တီး၊ တီထွင်၊ ကပြ၊ သရုပ်ဆောင်နေတဲ့ ဇာတ်လမ်းတစ်ခုဟာ မိမိရဲ့ပတ်ဝန်းကျင်၊ မိမိရဲ့တိုင်းပြည်၊ မိမိရဲ့ သာသနာ၊ နောက်ဆုံး လောကကြီးတစ်ခုလုံးနဲ့ သဟဇာတဖြစ်ဖို့၊ အကျိုးရှိဖို့ လိုပါတယ်။ သူတော်ကောင်းတွေရဲ့ အလုပ်မဟုတ်တဲ့ "မိမိအတွက်တော့ အိုကေစေ၊ တပါးသူအတွက်တော့ ဖြစ်ချင်ရာဖြစ်ပလေ့စေ၊ ငါ့အတွက်ကြီးကျယ်ခမ်းနားဖို့က အဓိကပဲ" ဆိုတဲ့ အတွေးမျိုးနဲ့သာ လောကဇာတ်ခုံပေါ်မှာ မကောင်းသော ဇာတ်လမ်းမျိုးစုံ ဖန်တီးနေမယ်၊ ကပြနေမယ် ဆိုရင်တော့ မိမိကို အားလုံးက ရှုံ့ ချ၊ မုန်းတီး၊ နှလုံးနာနေကြမှာ သေချာပါပဲ။

ဘာပဲဖြစ်ဖြစ် မိမိကိုယ်တိုင် ဖန်းတီးခွင့်ရနေခိုက်၊ သရုပ်ဆောင်ပြခွင့်ရနေခိုက်လေးမှာ ဇာတ်လမ်းဆိုး၊ သရုပ်ဆောင်ဆိုးတွေ တပွေ့တပိုက်နဲ့ တပါးသူတွေရဲ့ နှလုံးနာ၊ ရှုံ့ ချ၊ မုန်းတီးနေတဲ့သူ မဖြစ်အောင်၊ နောက်ဆုံး မိမိသေသွားရင်တောင်မှ လောကရဲ့ သူတော်ကောင်း စာမျက်နှာ တစ်နေရာစာလေးမှာ မိမိစွမ်းနိုင်သမျှ၊ ထုဆစ်ထားတဲ့ ဇာတ်လမ်း၊ သရုပ်ဆောင်ချက်တွေနဲ့ အမတမော်ကွန်း(အမြဲကျန်ရစ်နေမယ့် မော်ကွန်း) တစ်ခုတော့ ရေးထိုးနိုင်ခဲ့ဖို့ပါလေ။

မော်ကွန်းသစ်
၁၉.၈.၂၀၁၀

လူသားနဲ့ မနက်ဖြန်

2010-07-12T09:41:00.000-07:00

ကံကြောင့် ဘ၀
ဘ၀ကြောင့်အရှုပ်
အရှုပ်တွေရှင်း
ရှင်းရင်းထပ်ရှုပ်
နောက်ဆုတ်မရ
အနိစ္စခရီး
နီးရင်းနီးခဲ့
အလှည့်စောင့်စား
နက်ဖြန်များနဲ့
လူသားဆိုတာ…..
ဒါတဲ့လား။ ။
(ကိုရင်)

ယင်နဲ့ပျား

2010-07-05T05:15:00.001-07:00

ယင်
ဆင်ခြင်ဥာဏ်ကင်း
ညံ့ဖျင်းတဲ့ လုံ့လနဲ့
ဝမ်းဝရုံရှာစား
ပစ္စုပ္ပန်မှာ နားတဲ့သတ္တ၀ါ...။

ပျား
ထူးခြားသွက်လက်
ထက်မြက်တဲ့ ဆင်ခြင်ဥာဏ်
ရင့်သန်တဲ့ လုံ့လနဲ့ 
ဘ၀အတွက် စုဆောင်း
ကြောင်းကျိုးမျှော်ကြည့်
အနာဂတ်ကို သိတဲ့ သတ္တ၀ါ...။

လူ
အူကြောင်ကြားနဲ့ လမ်းသွား
သွေးပျက်နေတဲ့ အယူအဆများနဲ့
အတ္တတရားကို ရှေ့ တန်းတင်
ယင်သတ္တ၀ါကို အားကျ
တစ်ဘ၀စာနဲ့ ကျေနပ်မှာလား?

ပျားကိုနည်းယူ
ကြည်ဖြူတဲ့ စိတ်ထား
မြင့်မြတ်တဲ့ သဒ္ဓါတရားနဲ့
ကုသိုလ်တံတားတွေ တည်ဆောက်
သံသရာလမ်းကို လျှောက်မှာလား?
စဉ်းစား.....။

(ကိုရင်ရွှေဗျိုင်း)
စာမေးပွဲ ပြီးပါပြီ

ကျေးဇူးပါ

2010-06-10T23:43:00.000-07:00

မော်ကွန်းသစ်

အခုကစပြီး မမုန်းကြေး

2010-06-06T23:43:00.000-07:00

စာရေးမလို့ လုပ်တော့ “အစည်းအဝေးတဲ့ဗျာ၊ သွားကြစို့ လား” အခန်းအပြင်ဘက်မှ အတန်းဖော် မ်ိတ်ဆွေ တစ်ဦးရဲ့ ကျင့်သားရနေပြီးသား နှိုးဆော်သံ။ အစည်းအဝေးမှတ်တမ်းဆိုပြီး ဒိုင်ယာရီ စာအုပ်ထဲမှာ လက်ယား ရေးထိုးမိခဲ့ဖူးတာလည်း အကြိမ်ကြိမ်။ အစည်းအဝေးတွေ လုပ်လှပါလားလို့  ညည်းနေရတာလည်း ခိုငှက်ကလေးများသာသိရင် လက်ယားပြီး ရမ်းသမ်းပစ်နေတဲ့ နွားကျောင်းသား လေးသီးဆီ ကိုသာ သူတို့ ကိုယ် သူတို့  "ငါ့ထက် ညည်းနေရမယ့်သူ ရှိရကောင်းလား"ဆိုတဲ့ အတွေးနဲ့  တမင်တိုးဝင်ပြီး အရှုံးပေး သတ်သေမိကြလိမ့်မယ် ထင်ပါရဲ့။

ဘာပဲဖြစ်ဖြစ် သွားရပေအုံးမယ်။ အစည်းအဝေးခန်းမထဲမှာ မင်္ဂလသုတ်ကို မိနစ် အနည်းငယ်ခန့် မျှလည်း ဟန်ကျပန်ကျ နှလုံးသွင်းကာ ရွတ်ဆိုချီးမြောက်ရပေအုံးမယ်။ မိုင်ခရိုဖုန်း မြင်တိုင်း သဲသဲလှုပ် ထပြောကြဦးမယ့် ကိုရွှေကုလားများရဲ့ အသံတော်ကိုလည်း ရွှေနားတော် ဘ၀င်ကျအောင် သည်းခံ နားထောင်ရပေအုံးမယ်။

အစည်းအဝေးက ပြန်လာတော့ မိတ်ဆွေ တစ်ယောက်ရဲ့ မေးခွန်းကို ထပ်တလဲလဲ ပြန်တွေးမိပြန်တယ်။ သူက ဘယ်လို ရည်ရွယ်ချက်မျိုးနဲ့  မေးတာလဲတော့ မသိပါဘူး။ ငါ့ညီကို သူများက အမုန်းခံရတာရယ်၊ ငါ့ညီက သူများကို မုန်းတာရယ် ဘယ်ဟာ ပိုအကြောက်ဆုံးလဲတဲ့။ အဖြေတော့ ရေရေရာရာ ပြန်မပေးမိခဲ့ပါဘူး။

အခုထိ ဘယ်ဟာကို ပိုကြောက်ပါတယ်ဆိုတဲ့ အဖြေလည်း မထွက်ခဲ့ပါဘူး။ နှစ်ခု စလုံးကို ကြောက်မိတာတော့ အမှန်ပါပဲ။ မုန်းတယ်ဆိုမှတော့ သူကပဲ မုန်းမုန်း၊ ကိုယ်ကပဲ မုန်းမုန်း မကောင်းတာချည်းပါပဲလေ။ ကိုယ်က မုန်းနေမိမယ်ဆိုရင် သူ့ ကို မြင်တိုင်း မုန်းတဲ့ စိတ်က အကုသိုလ်ဖြစ်စရာတွေပဲ တွေးမိ၊ လုပ်မိအောင် တွန်းပို့့ နေတော့မှာပါ။ ကိုယ့်ကို သူများက မုန်းနေပြီဆိုရင်လည်း သူ့ စိတ်ထဲမှာ ကိုယ်နဲ့ အကြောင်းတိုက်ဆိုင်မိတိုင်း အကုသိုလ်တွေ ကိုယ့်ကြောင့် ဆက်တိုက် ဖြစ်နေတော့မှာပါပဲ။

ပတ်ဝန်းကျင်မှာ ကိုယ့်ရဲ့ အပြောအဆို၊ အလုပ်အကိုင်လေးတွေ မှားနိုင်တာရယ်ကြောင့် အမုန်းတော့ ခံကြရမှာပါပဲ။ အကြီးစားအမုန်းလည်း ဖြစ်ချင်ဖြစ်မယ်၊ အသေးစားအမုန်းလည်း ဖြစ်ချင်ဖြစ်မယ်။ သူရော၊ ကိုယ်ရော ပြန်ဖြေလို့ မရနိုင်လောက်တဲ့ ကြောက်ခမန်းလိလိ အမုန်းမျိုး မဖြစ်မိကြအောင်တော့ နေကြရမယ်။ အမုန်းတရား ဖြစ်ပေါ်စေနိုင်တဲ့ အရင်းခံအကြောင်းတွေကို အသိ၊ ဥာဏ်ပညာ နဲ့ ချိုးနှိမ်ထားရမယ်။

ကိုယ့်ရဲ့ ပတ်ဝန်းကျင်မှာ ကိုယ့်ကို မုန်းနေတဲ့သူ များနေပြီဆိုရင်တော့ ကိုယ့်ကို ဘာကြောင့်မုန်းသလဲ ပြန်သုံးသပ်ကြရမယ်။ ဒီလိုပဲ ကိုယ်က သူများကို မုန်းနေမိပြီဆိုရင်လည်း ဘာကြောင့် သူ့ ကို မုန်းနေရတာလဲဆိုတာကို စဉ်းစားကြည့်ရပါမယ်။ ပြီးတော့ မုန်းဖို့ ကောင်းတဲ့ အတွေး၊ မုန်းဖို့ ကောင်းတဲ့ အပြော၊ မုန်းဖို့ ကောင်းတဲ့ အလုပ်အကိုင်လေးတွေကို ပြန်လည် ပြုပြင်နိုင်အောင် ကြိုးစားရမယ်။ ဒီလိုမှ မကြိုးစားဘူးဆိုရင် အမုန်းကြောင့်ဖြစ်တဲ့ ရာဇ၀တ်မှုတွေ၊ ကလဲ့စားချေမှုတွေ တသီကြီး ဖြစ်လာတော့မှာ မလွဲပါပဲ။ အမုန်းဆိုတာနဲ့  ပြည်သူတစ်ရပ်လုံးရဲ့ အမုန်းတော်ခံ ဖြစ်သွားရရှာတဲ့ မင်းတစ်ပါးအကြောင်း သတိရမိပြန်ပါတယ်။

အဲဒီမင်းအကြောင်း နဲနဲပြောပြရအောင်ပါ။ တခါက ဗာရာဏသီပြည်မှာ မဟာပိင်္ဂလမင်း အုပ်ချုပ်နေပါတယ်။ အဲဒီ မင်းက မင်းကျင့်တရားနဲ့  ညီညွတ်မျှတစွာ တိုင်းပြည်ကို မအုပ်ချုပ်ပါဘူး။ မင်းတစ်ပါးရဲ့ ဂုဏ်ကို ညှိုးစေတဲ့ အဂတိလေးပါးလိုက်စားတာတို့ ၊ မတရားသဖြင့် အပြစ်ဒဏ်ပေးတာတို့ ၊ ကြံစက်ထဲက ကြံတစ်ချောင်းလို လူတွေကို နှိပ်စက်ညှဉ်းပန်းတာတို့ ၊ စတဲ့ ပြည်သူတွေ မနှစ်မြို့ ဖွယ်ရာ လုပ်ရပ်တွေနဲ့ ပဲ အုပ်ချုပ်နေတော့တာပါတဲ့။

ဒီတော့ တိုင်းပြည်မှာ ရှိတဲ့ သူဌေး၊ အမက်၊ ပုဏ္ဏား နောက်ဆုံး အိမ်က ဇနီး၊ သားသမီး၊ အိမ်ဖော်တွေက အစ သူ့ ကို မချစ်မနှစ်သက်ကြတော့ပါဘူး။ သူ့ ကို ဘယ်လိုမြင်ကြလဲဆိုရင် မျက်စိထဲ ၀င်တဲ့ အမှိုက်လို၊ ထမင်းထဲပါတဲ့ ကျောက်ခဲလို၊ ခြေဖနောင့်မှာ ဆူးတဲ့ ဆူးကြီးလိုပဲ မြင်နေကြတော့တာပါတဲ့။

ဒီလိုနဲ့ အဲဒီမင်းဟာ ပြည်သူတွေ မုန်းနေတဲ့ ကြားကပဲ နှစ်ပေါင်းများစွာ အုပ်ချုပ်ပြီး နတ်ရွာစံသွားပါတယ်။ သူနတ်ရွာစံတော့ ဗာရာဏသီတစ်ပြည်လုံး ၀မ်းမြောက်ပျော်မြူးနေကြတော့တာပါ။ နောက်တစ်ခါ ပြန်မလာရအောင် ဆိုတဲ့ အတွေးနဲ့ သူ့ ရဲ့ အလောင်းကို ထင်းတစ်ထောင်နဲ့  သင်္ဂြီုလ်၊ ပြီးတော့ သင်္ချီုင်း မြေကိုလည်း လှန်ပစ်လိုက်ကြပါတယ်။ နောက်ပြီး..

သူ့ရဲ့ သားတော် ဘုရားအလောင်းကို မင်းမြှောက်လိုက်ကြပါတယ်။ တရားစောင့်တဲ့ မင်းရပြီဆိုပြီးတော့လည်း အောင်ပွဲတွေခံကြပါတယ်။ အကျွေးအမွေးတွေနဲ့ လည်း စည်ကားလို့ နေပါတော့တယ်။ အဲဒီအချိန်မှာ သူများ ပျော်နေကြပေမယ့် မပျော်နိုင်ဘဲ ငိုနေတဲ့ နန်းတော် တံခါးစောင့်ရဲ့ ငိုသံကို အံ့သြစွာ ကြားရပါတော့တယ်။

ဒါနဲ့  မင်းက တံခါးစောင့်ကို ခေါ်တွေ့ ပြီး ...

“ တံခါးစောင့် သင်ဟာ ဘာကြောင့် ငိုကြွေးနေရတာလဲ”
“ပိလိင်္ဂမင်းကို သတိရလို့ ပါဘုရား”
“သူသေလို တစ်တိုင်းပြည်လုံးက ၀မ်းမြောက်ဝမ်းသာ အောင်ပွဲခံနေကြတာ
သင်က ဘာလို့  ငိုကြွေးနေရတာလဲ၊ သူ့ ကိုချစ်လို့ လား”
“အများနည်းတူ တပည့်တော်လည်း မချစ်ပါဘူး ဘုရား”
“ဒါဆို ဘာလို့ လဲ လျှောက်တင်စမ်းပါ”

“မှန်ပါ ပိလိင်္ဂမင်းဟာ ပြာဿာဒ်က ဆင်းတိုင်း အကျွန်ုပ်ရဲ့ ဦးခေါင်းကို ရှစ်ချက်၊ ရှစ်ချက် ရိုက်နှက်ပြီးမှ ထွက်သွားပါတယ် ဘုရား၊ ပြာဿဒ်ကို တက်တိုင်းလည်း ရှစ်ချက် ရိုက်ပြီးမှ တက်သွားပါတယ်ဘုရား၊ အခုတော့ အကျွန်ုပ်ခေါင်းကို ရိုက်မယ့်သူ မရှိလို့  သက်သာခဲ့ပါပြီ မင်းကြီး”

“ပိလိင်္ဂမင်းကြီးဟာ ဟိုဘက်ဘ၀ ငရဲပြည်ရောက်လို့  ငရဲထိန်းတွေကိုလည်း အကျွန်ုပ်လို အထွက်ရှစ်ချက်၊ အ၀င်ရှစ်ချက် ရိုက်လို့  မခံနိုင်တော့တဲ့အဆုံး လူ့ ပြည်ပြန်ပို့ မှ ဖြင့် အကျွနိုပ်ရဲ့ သက်သာနေတဲ့ ခေါင်းလေး အရိုက်ခံရ ပြန်ရင် ဆိုတဲ့ အတွေးနဲ့  စိတ်ဘ၀င် မကျကာ စိုးရိမ်ပြီး ငိုမိတာပါဘုရားလို့ ” ပြန်လျှောက်လိုက်ပါတော့တယ်။

ဒီတော့မှ မင်းက တံခါးစောင့်ကို ပိလိင်္ဂမင်းဟာ ပြန်မလာနိုင်တော့တဲ့ အကြောင်း၊ တကယ်သေပြီးတဲ့ သူဟာ ပြန်လာနိုင်ရိုး မရှိလို့  ကြောက်စရာ မလိုတော့တဲ့ အကြောင်း ပြောပြလိုက်မှ တံခါးစောင့်လည်း စိတ်သက်သာရာ ရသွားပါတော့တယ်။

ကဲ…..စာဖတ်သူကို မေးမနေတော့ပါဘူး။ ကိုယ့်ဟာကိုသာ ရှင်လေးမော် ပြန်မေးကြည့်တော့မယ်။ ငါသေသွားခဲ့ရင်ရော အောင်ပွဲခံပျော်နေကြမယ့် သူတွေ ရှင်လေးမော် အနားမှာ ရှိနေပြီလား၊ သူတို့ အဲသလောက် မုန်းရအောင်ရော ငါက ဘာတွေလုပ်ခဲ့မိလို့ လဲ။ မုန်းတာကို ပြန်ချစ်လာအောင် မကြိုးစားဘဲ ဘ၀ကူးရဲတဲ့စိတ် ရှင်လေးမော်မှာ ရှိသလား ဆိုတာ……..။

မှတ်ချက်။ ။ ပုံသေလောကဓံဟုမှတ်လေ။

ကိုယ့်ဘ၀ မပြည့်စုံလေဘူး

2010-06-05T02:25:00.000-07:00

ကဗျာ တစ်ပုဒ်ဖြစ်ဖို့
စကားလုံး တချို့
ဟိုငှါး... ဒီငှါးနဲ့
ပဋိစ္စသမုပ္ပါဒ် ချာချာလည်
ကိုယ့်ဘ၀ မပြည့်စုံလေဘူး။

"မူပိုင်" "မူပိုင်"
ဒါကို နားလည်ပါဘိ
ကိုယ်ပိုင်လေများ ရလေမလား
ဘယ်လောက်တွေးတွေး
လက်လုပ်လက်စား
ကိုယ့်ဘ၀ မပြည့်စုံလေဘူး။

ဖတ်ရင်း....
ကူးရင်း....
ပြန်လည်ဖော်ပြရင်း....။

မျဉ်းဖြောင့်ဆွဲတဲ့လူချင်း
အတင်းစကားပြောနေရင်
စာမျက်နှာများ
အားနာဖို့ ကောင်းပါသတဲ့။

ဘယ်ကလာသလဲ
ပိုင်ရှင် အစစ်
ဝန်ခံပစ်ဖို့
ငါ့မှာ ခဲတံလည်းတို
နေလည်းညိုပြီ
ကိုယ့်ဘ၀ မပြည့်စုံလေဘူး…။

ဘေထုပ်

2010-06-03T22:51:00.000-07:00

အနား မလာပါနဲ့လားကွယ်
ပြေးသာ ပြေးပါ
လမ်းတွေ ရှည်နိုင်သမျှ
ခင်းထားတယ်။

ငါက ဆွဲမယ့်သူရှိမှ
ရန်ဖြစ်ချင်တဲ့ ကောင်ပေါ့။

လှုပ်တောင် မကြည့်နဲ့
မြုပ်ရုံပဲ
နွံအစစ်မဟုတ်ပေမယ့်
သူ့ထက် ဆန်းတယ်။

ယုံအောင်ပြောဖို့
ပေါ်ပြူလာ သစ္စာစကားလည်း
မရှိတော့ဘူး...။
“ဘုရားဗုဒ္ဓ နေ့ရော ညဉ့်ပါ…
တင့်တယ်တယ်”ဆိုတာက
လွဲလို့ပေါ့။

သံသရာအမုန်း

2010-06-02T21:06:00.000-07:00

ဟော...ကြည့်စမ်း ကြည့်စမ်း
တ၀ုန်းဝုန်းနဲ့ ၀ရုန်းသုန်းကား
ပွင့်နေလိုက်ကြ….
အမုန်းပန်းတွေသာ
မဆီမဆိုင်
ငါ့ဆီ ဦးခိုက်နေကြပါရောလား….။

ဘာကြောင့်များပါလိမ့်
မှန်း …..အတိတ်က အရိပ်
တိုးတိတ် ကြည့်စမ်းမယ်။

ကန္တာရ ခရီးတစ်လျှောက်
ကံတရား အမြီးသဘောလောက်သာ
မင်းနားလည်ခဲ့ရင်...
အမုန်းနံ့ကင်းတဲ့ ပန်းတစ်ပွင့်အတွက်
နိမိတ်ပြအဆင့်လောက်နဲ့လည်း နမ်းခွင့်ပေးခဲ့သင့်တယ်...။

ညုတုတု အမူယာလေးတွေ
တယုတယ အပြုစုလေးတွေ
ကွင်းစ ကွင်းပိတ်နဲ့
ဘယ်နှစ်ကြိမ်မြောက်ဆိုတာ
လူသိရှင်ကြား ကြေငြာခဲ့ဖို့
ဘယ်မလဲဗျို့ 
ကိုယ့်…ကိုယ်ပိုင်ဂဏန်းတွေ…..

ထုံးတမ်းမရှိတဲ့ သုညဆိုတာကို
ပုံချပစ်ဖို့ တောင် ကုန်ကျမှာ စိုးပါစ….။

ဒဏ္ဍာရီထဲမှာ
အသေအချာ တေးထားသင့်တာလေးတွေ
မျှင်မျှင်ကလေးမှ မရှိခဲ့လေတော့
နဂိုကမှ ဖရိုဖရဲ
ယဲ့တဲ့တဲ့စိတ်
ကြာလာတာနဲ့ အမျှ
အချဉ်ပါပေါက်ခဲ့ရ….။

အစကတော့ အငွေ့ထတော့မတတ်
လောင်နေတဲ့ အပူမီးတွေ
အောင့်အီးဖို့
အသင်္ချေများစွာထိ
အသီးသီး ရွှေ့ဖို့ ကြိုးစားကြည့်သေးတယ်။

ဒါပေမယ့်...
မဟုတ်မဟတ်သလို ခံစားရတဲ့
ငါ့လုပ်ရပ်တွေအတွက်
ဆိုင်သူ ငိုမယ်
မဆိုင်သူလည်း ငိုမယ်
နောက်ဆုံး ဘုရားသခင်ပါ ငိုမှာစိုးတယ်...။

ကဲ…ယနေ့မှစ
တမင်လှမ်းခဲ့မိ… ခြေလှမ်းများ ဘွာခပ်စေ…။
ပိုးဟပ်နစ်… ကော်ဖီခွက်များ စွန့်ပစ်စေ….။
သကျသွေးမစစ် ညစ်ထေးထေး သွေးသားများလည်း အသစ်လဲစေ….။
ပွဲတိုင်းကျော် မဟာအောင်ဆေးကြီးများ
သိက္ခာရှိရှိ အသုံးချနိုင်တဲ့ အကယ်ဒမီရှော့ ပိုင်ရှင်တစ်သိုက်
အနားမှ ခွါစေ…။

စာကြည့်စားပွဲပေါ်မှာ
ဝပ်အားကောင်းပြီး
ဖြူဖွေးဆွတ်နေတဲ့
မီးတစ်လုံးနဲ့ပဲ
လှန်လှောလိုက်တဲ့ စာမျက်နှာတိုင်းဟာ
ဓမ္မတွေချည်းဖြစ်ဖို့ ကြိုးစားရင်း ….

အသက်မကချစ်ရတဲ့ ကမ္ဘာမြေအတွက်
သကျသွေးနဲ့ မှတ်တိုင်တွေ ထူခဲ့မယ်…..။